Tag: خواجہ آصف

اسلام آباد: وزیردفاع خواجہ آصف کا کہنا ہے کہ سیاستدان معاملات کے حل کیلئے سیاسی زبان استعمال کرتے ہیں، آپ بلکل سول نافرمانی کریں، دھمکیوں سے معاملات حل نہیں ہوتے۔

وزیردفاع خواجہ آصف کا قومی اسمبلی میں اظہار خیال کرتے ہوئے کہنا تھا کہ آپ چاہتے ہیں ماضی کو حذف کردیا جائے تو یہ نہیں ہوسکتا۔

انہوں نے کہا کہ رینجرز اور پولیس والے بھی شہید ہوئے یہ اس کی مذمت کریں، کسی بات کا اعتراف کرنا ہے تو اس میں کوئی مصلحت نہیں ہونی چاہیے۔

وزیر دفاع نے کہا کہ مذاکرات کرنا ہوں توچپ رہتے ہیں، زبان نرم کرتے ہیں، مذاکرات کرنا ہیں تو بانی پی ٹی آئی کوپہل کرنا ہوگی، زبانیں آگ اگلنا اس وقت بند ہوسکتی ہیں جب دونوں اطراف سے ہو۔

وزیر دفاع کا کہنا تھا کہ کسی بات کا اعتراف کرنا ہے تو اس میں کوئی مصلحت نہیں ہونی چاہیے، میں نے اس ہاؤس کا ماحول دیکھا ہواہے یہاں کیا ہوتا تھا، جب ان کی حکمرانی تھی اس وقت ہمارے ساتھ کیا ہوتا تھا؟۔

آج بات ہوتی ہے جیل میں سہولتیں نہیں ہیں، جب میں جیل میں تھا تو6 سینٹی گریڈ میں ایک کمبل دیا گیا، جنوری کی 12 راتیں اسی کمبل میں سویا کسی سے شکایت نہیں کی، میں سیاسی ورکر ہوں، ان آزمائشوں سے گزرنا پڑتا ہے۔

پاکستان کی تاریخ میں صرف میں ہوں جس کیخلاف انکی کابینہ نے آرٹیکل 6 لگایا تھا، آپ چاہتے ہیں ماضی کو حذف کردیا جائے تو یہ نہیں ہوسکتا۔

وزیر دفاع نے کہا کہ گن پوائنٹ پر تو مذاکرات نہیں ہوسکتے، ایسا بھی نہیں ہوسکتا کہ بار بار اسلام آباد پر حملہ ہو، سول نافرمانی کی کال دیں، ہماری اس جنگ کے اندر نقصان ملک اور عوام کو ہو رہا ہے۔

مدارس رجسٹریشن بل کو دوبارہ پارلیمنٹ نہیں لایا جا سکتا، رویہ بدلیں ورنہ فیصلے میدان میں ہوں گے، فضل الرحمان

پاراچنار کے خراب حالات بھی اس کی ایک وجہ ہیں، ایسا کیسے ہوسکتا ہے آپ کے صوبے میں اتنا بڑا واقعہ ہوجائے آپ کچھ نہ کریں۔

اسلام آباد: وزیر دفاع خواجہ آصف کا کہنا ہے کہ فیض حمید کے بغیر بانی پی ٹی آئی کی سیاسی پیدائش نہیں ہوسکتی تھی، پی ٹی آئی اور فیض حمید ایک سکے کے دو رُخ ہیں۔

اسلام آباد میں پریس کانفرنس کرتے ہوئے وزیر دفاع خواجہ آصف کا کہنا تھا کہ بشریٰ بی بی نے جس ملک کے بارے میں بیان دیا وہاں کی گھڑی لے کر انہوں نے کاروبار کیا۔ تحریک انصاف کے بعض لوگ نہیں چاہتے کہ ان کے بانی چیئرمین رہا ہوں، پی ٹی آئی سے حکومت کا کوئی رابطہ نہیں نا ہی مذاکرات ہورہے ہیں۔

وزیر دفاع کا کہنا تھا کہ سعودی عرب کے ساتھ ہمارے تاریخی، مذہبی اور ثقافتی تعلقات ہیں، پاکستان کے 28 لاکھ شہری سعودی عرب میں کام کرتے ہیں، کل اپنی ڈوبتی کشتی بچانے کے لیے انتہائی گھٹیا اور غلیظ حرکت کی گئی، پاکستان کو ملنے والی ترسیلات زر کا سعودی عرب سے براہ راست تعلق ہے۔

وزیر دفاع کا کہنا تھا کہ خیبر پختون خوا میں مسلسل خون ریزی ہو رہی ہے، خیبر پختون خوا کے وزیراعلی کو دہشت گردی پر حملہ آور ہونا چاہیے لیکن وہ ہر چوتھے دن وفاق پر چڑھ دوڑتے ہیں اور ملک کی معیشت پر حملہ آور ہوتے ہیں۔

انہوں نے کہا کہ پاکستان کی سیاست میں اتنی پستی پہلے کبھی نہیں دیکھی گئی، بھٹو اور شریف خاندان کو سیاسی وراثت کا طعنہ دینے والوں کے ہاں نہ صرف موروثی سیاست ہو رہی ہے بلکہ ورثا میں لڑائی بھی ہو رہی ہے۔

وزیر دفاع کا کہنا تھا کہ پی ٹی آئی میں نند اور بھابھی کا جھگڑا چل رہا ہے پی ٹی آئی میں تین خواتین ایک طرف اور بشری ی بی ایک طرف ہیں، پی ٹی آئی کی قیادت نے مذہبی اور اخلاقی طور پر دیوالیہ پن کا مظاہرہ کیا۔

پہلے انہیں امریکا کی غلامی نامنظور تھی آج انہیں امریکا کی غلامی منظور ہے، اب یہ سعودی عرب کی غلامی نا منظور کا نعرہ لگائیں گے ان میں سے بہت سارے لوگوں کو بانی پی ٹی آئی کی رہائی سوٹ نہیں کرتی۔

بشری بی بی نے متنازع بیان اپنی ڈوبتی سیاسی کشتی کو بچانے کے لیے دیا، ایک قبضہ گروپ لاہور دوسرا پاکپتن کا ہے، کیا آپ لوگوں کی جیبوں میں ہی ہاتھ ڈال سکتے ہیں؟

کرپشن کی داستانیں بزدار اور فرح گوگی سے شروع ہوئیں اور توشہ خانہ کی صورت میں نیا باب کھلا، بشری بی بی کے سعودی عرب پر الزامات افسوسناک ہیں۔

وزیر دفاع کا مزید کہنا تھا کہ پی ٹی آئی کے بعض لوگ نہیں چاہتے کہ ان کے بانی چیئرمین رہا ہوں، حکومت کا پی ٹی آئی سے کوئی رابطہ نہیں نا ہی مذاکرات نہیں چل رہے۔

بشریٰ بی بی کے ناقابلِ ضمانت وارنٹ گرفتاری جاری

انہوں نے کہا کہ وراثت میں سب سے بڑا حصہ بچوں کا ہوتا ہے لیکن ان کے بچے یہودیوں کے پاس پل رہے ہیں، پی ٹی آئی کے لوگ ملکی خارجہ پالیسی پر حملہ کرتے ہیں۔