Tag: خواجہ آصف

اسلام آباد : وزیر دفاع خواجہ آصف کا کہنا ہے کہ بانی پی ٹی آئی کو اسٹیبلشمنٹ سے بات چیت کے لیے 9 مئی کا پل عبور کرنا ہوگا۔

تفصیلات کے مطابق وزیر دفاع خواجہ آصف نے بانی پی ٹی آئی کی جانب سے مذاکرات کی اجازت پر ردعمل دیتے ہوئے کہا کہ بانی پی ٹی آئی کو اسٹیبلشمنٹ سے بات چیت کے لیے نومئی کا پل عبور کرنا ہوگا۔

وزیر دفاع کا کہنا تھا کہ اگر سابق وزیراعظم یہ سمجھتے ہیں کہ انہوں نے نو مئی کو کچھ نہیں کیا تو پھر حالات نہیں سدھر سکیں گے۔

انھوں نے بتایا کہ وزیراعلیٰ کےپی علی امین گنڈا پور نے ایپکس کمیٹی کے اجلاس میں 99 فیصد صوبے میں دہشت گردی کے حوالے سے بات کی، گنڈا پور نے تبرکاً ایپکس کمیٹی میں بانی کی قید ان کی بےگناہی اور جلسے کی اجازت پر ہلکی پھلکی بات کی۔

مزید پڑھیں : ہو سکتا ہے بانی PTI کو کہا جائے احتجاج کی کال واپس لیں بات کرتے ہیں، رانا ثنا اللہ

دوسری جانب وزیراعظم کے سیاسی مشیر رانا ثنااللہ کی کا بھی کہنا تھا کہ اسٹیبلشمنٹ کس لیول پر بانی پی ٹی آئی سے مذاکرات کرے، ہوسکتا ہے بانی پی ٹی آئی کو کہہ دیا جائے احتجاج کی کال واپس لیں بات کرتے ہیں۔

رانا ثنا اللہ نے کہا تھا کہ پی ٹی آئی یہ کہتی ہے کہ مینڈیٹ واپس کیا جائے اور انہیں حکومت دی جائے، اگر یہ مطالبات مان لیں تو کیا ہم اڈیالہ جا کر بیٹھ جائیں۔

سیالکوٹ: وزیر دفاع خواجہ آصف نے پاکستان تحریک انصاف (پی ٹی آئی) کے 24 نومبر 2024 کو اسلام آباد میں ہونے والے احتجاج کے حوالے سے اہم بیان جاری کر دیا۔

میڈیا سے گفتگو میں خواجہ آصف نے کہا کہ پی ٹی آئی پہلے بھی 2 مرتبہ حملہ آور ہوئی تھی اور دونوں احتجاج میں وزیر اعلیٰ خیبر پختونخوا علی امین گنڈاپور ورکرز کو چھوڑ کر خود بھاگ گئے تھے۔

خواجہ آصف نے کہا کہ بانی پی ٹی آئی سمیت یہ سب رنگ باز ہیں اور جھوٹ بولتے ہیں، پی ٹی آئی اس بار بھی احتجاج کیلیے آئے گی تو شکست کھائے گی، رہنماؤں نے اتنا ’ ڈو اور ڈائی‘ کا مسئلہ بنایا ہے تو اپنے بچے بھی لائیں۔

’بانی پی ٹی آئی اپنے تینوں بچوں اور بشریٰ بی بی بھی اپنے بچے احتجاج میں لائیں۔ یہ اپنے بچوں کو آگے لگائیں وہ احتجاج کو لیڈ کریں۔ پی ٹی آئی رہنما لوگوں کے بچوں کو لا کر ذلیل کرتے ہیں اور اپنے بچے نہیں لاتے۔ بانی پی ٹی آئی کے بچے پُر آسائش زندگی گزار رہے ہیں۔‘

وزیر دفاع نے مزید کہا کہ نواز شریف اور ذوالفقار علی بھٹو کے خاندانوں پر آزمائشیں آئیں، ہم پر بھی بُرا وقت آیا یہ پی ٹی آئی والے آسمان سے تو نہیں اترے، مجھ پر، میری بیوی اور بیٹے پر مقدمات بنے گئے تھے۔

ان کا کہنا تھا کہ ہماری طرف سے مذاکرات کی آفر ہر وقت موجود ہے لیکن بانی پی ٹی آئی سیاسی سطح پر نہیں بلکہ صرف اسٹیبلشمنٹ سے مذاکرات چاہتے ہیں، پی ٹی آئی کے لوگ ڈبل ایجنٹ بنے ہوئے ہیں۔

’بانی پی ٹی آئی کی کوئی حیثیت نہیں تھی لیکن اسے لیڈر بنایا گیا‘

چند روز قبل لندن میں ورکرز کنونشن سے خطاب میں خواجہ آصف نے کہا تھا کہ بانی پی ٹی آئی کی کوئی حیثیت نہیں تھی لیکن اسے لیڈر بنایا گیا، نواز شریف کے پورے خاندان کی کردار کشی کی گئی، ان سمیت ان کے خاندان نے قید و بند کی صعوبتیں برداشت کیں۔

خواجہ آصف نے کہا تھا کہ نواز شریف کے سامنے ان کی بیٹی مریم نواز کو گرفتار کیا گیا، بدترین دشمن بھی ایسا نہیں کرتے جو بانی پی ٹی آئی نے کیا تھا، آج ہمیں نواز شریف کی جدوجہد کا ثمر مل رہا ہے ملکی معیشت بہتر ہو رہی ہے، ملک کے تمام معاشی اشاریے بہتری کی جانب جا رہے ہیں۔

وزیر دفاع نے مزید کہا تھا کہ پی ٹی آئی دور میں پنجاب میں لوٹ مار کا بازار گرم تھا، بانی پی ٹی آئی نے سابق وزیر اعلیٰ پنجاب عثمان بزدار کو پنجاب لیز پر دے دیا تھا لیکن آج پنجاب دوبارہ ترقی کی راہ پر گامز ہے، وزیر اعلیٰ مریم نواز پنجاب کی ترقی کیلیے محنت کر رہی ہیں۔

’سندھ میں بھی ترقی ہو رہی ہے جہاں وزیر اعلیٰ مراد علی شاہ کام کر رہے ہیں، جو مثالی قیادت پنجاب کو ملی ہے شاید ہی کسی صوبے کو ملی ہو، ملک میں موٹرویز نہ ہوتیں تو سفر انتہائی کٹھن ہوتا، قائد نواز شریف نے قوم کی ضروریات کے مطابق موٹروے بنائی۔‘

وزیر دفاع خواجہ آصف کا سابق وزیر اعظم پر تنقید کرتے ہوئے کہنا ہے کہ بانی پاکستان تحریک انصاف (پی ٹی آئی) کی کوئی حیثیت نہیں تھی لیکن اسے لیڈر بنایا گیا۔

لندن میں ورکرز کنونشن سے خطاب میں خواجہ آصف نے کہا کہ نواز شریف کے پورے خاندان کی کردار کشی کی گئی، ان سمیت ان کے خاندان نے قید و بند کی صعوبتیں برداشت کیں۔

خواجہ آصف نے کہا کہ نواز شریف کے سامنے ان کی بیٹی مریم نواز کو گرفتار کیا گیا، بدترین دشمن بھی ایسا نہیں کرتے جو بانی پی ٹی آئی نے کیا تھا، آج ہمیں نواز شریف کی جدوجہد کا ثمر مل رہا ہے ملکی معیشت بہتر ہو رہی ہے، ملک کے تمام معاشی اشاریے بہتری کی جانب جا رہے ہیں۔

وزیر دفاع نے مزید کہا کہ پی ٹی آئی دور میں پنجاب میں لوٹ مار کا بازار گرم تھا، بانی پی ٹی آئی نے سابق وزیر اعلیٰ پنجاب عثمان بزدار کو پنجاب لیز پر دے دیا تھا لیکن آج پنجاب دوبارہ ترقی کی راہ پر گامز ہے، وزیر اعلیٰ مریم نواز پنجاب کی ترقی کیلیے محنت کر رہی ہیں۔

انہوں نے کہا کہ سندھ میں بھی ترقی ہو رہی ہے جہاں وزیر اعلیٰ مراد علی شاہ کام کر رہے ہیں، جو مثالی قیادت پنجاب کو ملی ہے شاید ہی کسی صوبے کو ملی ہو، ملک میں موٹرویز نہ ہوتیں تو سفر انتہائی کٹھن ہوتا، قائد نواز شریف نے قوم کی ضروریات کے مطابق موٹروے بنائی۔

اپنے خطاب میں خواجہ آصف نے یہ بھی کہا کہ ہم سوشل میڈیا میں بہت پیچھے ہیں کارکنان کو متحرک ہونا پڑے گا، صرف ٹوئٹ کو ری ٹوئٹ کرنا کافی نہیں بلکہ کانٹیںٹ بنانا پڑے گا۔

ان کا کہنا تھا کہ پی ٹی آئی واحد پارٹی ہے جو دہشتگردی واقعات کی مذمت نہیں کرتی، عوام کو احساس ہونا چاہیے کہ پی ٹی آئی کی حیثیت مشکوک ہے، بانی ہدایات دیتے ہیں کہ میری تعریف کرو اور دوسروں کو گالیاں دو، بانی جو گالیوں کیلیے ہدایات دیتے ہیں پی ٹی آئی والے خود ہمیں بتاتے ہیں۔

سیالکوٹ : وزیر دفاع خواجہ آصف کا کہنا ہے کہ مودی اورجےشنکرپی ٹی آئی کے والی وارث ہیں، پی ٹی آئی بھارتی وزیرخارجہ کو بلانے کی بجائے دہلی میں جلسہ کرلے۔

تفصیلات کے مطابق سیالکوٹ میں وزیر دفاع خواجہ آصف نے پریس کانفرنس کرتے ہوئے کہا کہ عالمی سطح پر مؤثر کردار اور مقام کیلئے پاکستان نے اہم کاوشیں کی ہیں لیکن مسلح جتھے آرہے ہیں جن میں سیکڑوں افغانی ہیں، ایک صوبے کا وزیراعلیٰ دوسرے صوبے پر مسلح حملہ کررہاہے، سرحد پار افغانستان سے مدد لی گئی۔

وزیر دفاع کا کہنا تھا کہ بھارتی وزیرخارجہ جےشنکرکوخطاب کرنےکی دعوت دی جارہی ہے، مسلح جتھےملکی وقارکونشانہ بنارہے ہیں، 2014میں بھی چینی صدرکادورہ ان کے احتجاج کی وجہ سے منسوخ ہوا تھا، اب 10 سال بعد پی ٹی آئی وہی چیز دوبارہ کرنے جا رہی ہے۔

انھوں نے کہا کہ ایس سی اوسربراہان کی آمد سے پاکستان دنیا کے سیاسی نقشے پر نظر آرہا ہے، دہلی میں جا کر احتجاج کیوں نہیں کرتے وہاں مودی کو بھی خطاب کیلئے بلاؤ۔

وفاقی وزیر کا کہنا تھا کہ ایس سی اوسمٹ کی اہمیت اقوام متحدہ سےبھی زیادہ ہوجائے گی کیونکہ فلسطین پر جاری خون ریزی پراقوام متحدہ کوئی کردار ادا نہیں کر سکا۔

انھوں نے مزید کہا کہ پی ٹی آئی کا والی وارث جے شنکر اور مودی ہے، ہم تو ہاتھ ملانے سے بھی گریزکرتے ہیں اور یہ ڈی چوک پر خطاب کیلئے بلا رہے ہیں، میں نے جے شنکر کو مدعو نہیں کیا انہوں نے کیا ہے، یہ سب کچھ پوری قوم کےسامنے ہورہاہے، اندازہ لگالیں پی ٹی آئی کی شناخت کیا ہے۔

خیبر پختونخواہ کے حوالے سے وزیر دفاع نے بتایا کہ کے پی میں یہ 15 سال سے مال کھا رہے ہیں، جن طالبان کے ہاتھوں ہمارے جوانوں، سویلین کا خون ہے انہیں ساتھ لا رہے ہیں، طالبان کے مسلح جتھے پی ٹی آئی والوں کے ساتھ آرہے ہیں۔

ان کا مزید کہنا تھا کہ پی ٹی آئی سے کہا گیا احتجاج ایس سی او کانفرنس کے بعد کرلیں لیکن پی ٹی آئی کاٹارگٹ ہی ایس سی اوکانفرنس ر وکناہے، انکا ایجنڈا 2014 میں سی پیک روکنا تھا اب ایس سی او کانفرنس روکنا ہے، یہ لاشیں گراناچاہتےہیں،بندے مروانا سازش کا حصہ ہے لیکن ہماری کوشش ہے کوئی موت واقعے نہ ہو۔

وفاقی وزیر نے کہا کہ میرےخیال سےمذاکرات کی کوئی گنجائش نہیں، فوج کوبلایاگیا ہے، فوج حفاظتی اقدامات کرے گی۔

انھوں نے مزید کہا کہ طالبان دہشت گردوں کی تنظیم پی ٹی آئی کی بی ٹیم ہے، جےشنکرکودعوت ہو،مسلح جتھےآرہےہوں تووفاقی حکومت کس قسم کا جواب دے؟ اقتدار کی محرومی میں پاکستان کےساتھ وفاداری کے دعوےبھی ملیا میٹ ہو گئے،پی ٹی آئی والےہمیشہ اقتدار میں رہنا چاہتے ہیں۔

اسلام آباد : وزیر دفاع خواجہ آصف کا کہنا ہے کہ عدلیہ اور پارلیمان میں ڈیڈلاک ختم نہ ہوا تو آئین کے پرخچے اڑنے کا خدشہ ہے۔

تفصیلات کے مطابق وزیر دفاع خواجہ آصف نے نجی ٹی وی چینل کے پروگرام میں گفتگو کرتے ہوئے کہا کہ عدلیہ اورپارلیمان میں ڈیڈلاک ختم نہ ہوا توآئینی میلٹ ڈاؤن کا خدشہ موجودہے.

وزیر دفاع کا کہنا تھا کہ ماحول میں غیریقینی ہے جو آئی ایم ایف پروگرام کےبعد کم ہوئی، جوآئین بیان کرتاہےاس میں حتمی فتح پارلیمان کی ہی ہوتی ہے تاہم نوازشریف پس پردہ کردار ادا کررہے ہیں۔

انھوں نے مزید کہا کہ افغانستان سے پاکستان میں کھلی جارحیت ہورہی ہے، وزیراعظم نے کشمیر،فلسطین اور پاکستان میں دہشت گردی کامسئلہ اٹھایا، مسئلہ فلسطین کےحوالےسےاقوام متحدہ کےکردار پر سوال اٹھتا ہے۔

یاد رہے آئینی ترمیم کی موجودہ بحرانی صورتحال کے بعد وزیر دفاع نے سربراہ جے یو آئی اور حکومت کے راستوں کو ایک قرار دیا اور کہا تھا کہ مولانا سے معاملے پر ملا ہوتا تو ہوسکتا ہے میرا اندازہ غلط نہیں ہوتا۔

ان کا کہنا تھا مسودہ سب کے پاس تھا، نہ بانٹے جانے کی بات غلط ہے، مولانا، پی پی اور ہمارے ڈرافٹ سامنے آئیں گے، کوشش ہوگی تینوں ڈرافٹس میں سے ایک متفقہ سامنے آئے، مولانا کے خدشات کو بھی دور کریں گے۔