Tag: خواجہ آصف

اسلام آباد : سابق وزیردفاع خواجہ آصف کا کہنا ہے کہ پاک ایران سفارتی کشیدگی سے دونوں ملکوں کے تعلقات کو نقصان پہنچے گا، امید ہے ایران کو احساس ہوگا اور ندامت کا مظاہرہ کیا جائے گا۔

تفصیلات کے مطابق سابق وزیر دفاع خواجہ آصف نے پاکستان کی جانب سے ایرانی صوبے سیستان میں کی گئی جوابی کارروائی پر اے آر وائی نیوز سے خصوصی گفتگو میں ردعمل دیتے ہوئے کہا کہ بلوچستان کی علیحدگی کی تحریک وہاں بھی چل رہی ہے یہاں بھی ، پاکستان کاایران کیساتھ بارڈر اہمیت کا حامل ہے، پاکستان اور ایران کو جوائنٹ اسٹریٹجی پرنظرثانی کرنی چاہیے۔

خواجہ آصف کا کہنا تھا کہ ایرانی نے ہماری خودمختاری پرحملہ کیا جس کا پاکستان نےجواب دےدیاہے، میراخیال ہے کہ ایران کی طرف سے مؤثر ردعمل کیلئےہمیں تھوڑا انتظار کرلینا چاہیے ، امید ہے ایران کی جانب سے ندامت کا مظاہرہ کیاجائےگا۔

چین کی جانب سے پیشکش کے حوالے سے سابق وزیر نے کہا کہ چین نے بھی کہا ہے پاکستان اور ایران کو معاملہ افہام و تفہیم سے حل کرنا چاہیے، چین پاکستان اور ایران میں کشیدگی کم کرنے کیلئے اہم کردار ادا کرسکتا ہے۔

بھارت کے ملوث ہونے پر ان کا کہنا تھا کہ میراخیال ہے کہ یہ دونوں ممالک کا اندرونی معاملہ ہے ، اس معاملے میں بھارت کے ملوث ہونے کی بات ابھی نہیں کرنی چاہیے۔

خواجہ آصف نے کہا کہ سفارتی کشیدگی سے دونوں ممالک کے تعلقات کو نقصان پہنچےگا، میراخیال ہے ایران کو بھی احساس ہوگا اور اس مسئلے کو حل کرناچاہیے، ہمیں اس معاملے کو مستقبل کودیکھتے ہوئے حل کرناچاہیے۔

سابق وزیر دفاع کا کہنا تھا کہ ایران کی جانب سے سرحدی دراندازی پر پاکستان نے ری ایکشن دےدیا ہے، اب اس معاملے پر پاکستان اور ایران کے رابطے کو مثبت انداز میں لیناچاہیے ،معاملے کےحل کیلئے کی جانےوالی کوششوں کو منفی تاثر نہیں دینا چاہیے۔

اسلام آباد : سابق وزیر دفاع خواجہ آصف کا کہنا ہے کہ نوازشریف بلاشبہ ہمارے وزیراعظم کےامیدوارہوں گے، ان کی مشکلات بھی آہستہ آہستہ دور ہوجائیں گی۔

تفصیلات کے مطابق مسلم لیگ ن کے رہنما اور سابق وزیر دفاع خواجہ آصف نے نجی وی چینل سے گفتگو کرتے ہوئے کہا کہ نوازشریف بلاشبہ ہمارےوزیراعظم کےامیدوار ہوں گے، میاں نواز شریف کو عدالتوں سے ریلیف مل رہا ہے، دیگرمشکلات بھی آہستہ آہستہ دور ہوجائیں گی۔

خواجہ آصف کا کہنا تھا کہ تجربات کرنےوالےاب تاریخ کاحصہ بن گئےہیں، اب نوازشریف کیساتھ جوکچھ ہوااب اس کاازالہ ہورہا ہے۔

انتخابات کے حوالے سے سابق وزیر نے کہا کہ الیکشن حل ہےگومگوکی کیفیت ختم ہوجائےگی، کسی کےپاس اقتدارآجاتاہےکسی سےچھن جاتاہےسیاسی عمل کاحصہ ہے، الیکشن کےقریب سیاسی جماعتیں ایک دوسرےکیخلاف بیانات دیتی ہیں۔

چیئرمین پی ٹی آئی کی جانب اشارہ کرتے ہوئے ان کا کہنا تھا کہ ایک شخص کوموقع دیاگیاوہ فیل ہوگیاتوذمہ داری بھی اس کی بنتی ہے، مطلب جوچیئرمین پی ٹی آئی کولےکرآئےان کی ججمنٹ غلط ثابت ہوئی۔

خواجہ آصف نے کہا کہ نوازشریف نےسیاسی جماعتوں کوبھی بات کرنےکی دعوت دی ہے، نوازشریف کےتقریرکےتناظرمیں سب کورائٹ سائیڈپرہوناچاہیے، سب رائٹ سائیڈپرہوں توتمام مسائل حل ہوسکتے ہیں۔

انھوں نے بتایا کہ 2 نومبرکو الیکشن کمیشن انتخابات کی تاریخ دے سکتا ہے، الیکشن کے فوری بعدایک گرینڈڈائیلاگ ضرورہوناچاہیے۔

نیب سے متعلق سابق وزیر دفاع کا کہنا تھا کہ نیب نےکوئی نتائج نہیں دیئے،نیب سےمتعلق اتفاق رائےضروری ہے، نیب احتساب کاادارہ نہیں سیاسی انجینئرنگ کاادارہ ہے۔

سیالکوٹ :مسلم لیگ ن کے رہنما خواجہ آصف کا کہنا ہے کہ کہا جا رہا تھا الیکشن نہیں ہوں گے، ہوئے بھی تو سال یادوسال بعدہوں گے لیکن اب تاریخ آگئی ہے 25 یا 28 فروری کو الیکشن ہوں گے۔

تفصیلات کے مطابق مسلم لیگ ن کے رہنما خواجہ آصف نے میڈیا سے گفتگو کرتے ہوئے کہا کہ ہماری سیاست ذاتی مفادات کی سیاست بن گئی ہے، پہلےالیکشن کے بعدمخالفین اکٹھے کھانا کھاتے تھے لیکن آج سیاست میں دشمنی قتل کی طرح بن گئی ہے۔

انتخابات کے حوالے سے خواجہ آصف کا کہنا تھا کہ کہا جارہاتھا الیکشن سال یا2سال بعد ہوں گے لیکن الیکشن کی تاریخ واضح کر دی گئی ہے، 25 یا 28 فروری کو الیکشن ہوں گے۔

شہباز شریف کے لندن کے دورے سے متعلق ن لیگی رہنما نے کہا کہ شہبازشریف سے متعلق خبریں گردش کرتی رہیں کہ 2روزبعدواپس گئے، بعض چیزوں کی ٹیلی فون پر مشاورت نہیں بلکہ بالمشافہ کی جاتی ہے، شہبازشریف نےنوازشریف سےالیکشن سےمتعلق بھی مشاورت کی۔

انھوں نے اس بات کی تردید کی کہ شہباز شریف کوئی پیغام لےکرنواز شریف کے پاس نہیں گئے تھے ، شہباز شریف کی پیغام لے جانے والی باتوں میں کوئی صداقت نہیں، اگرایسی کوئی بات ہوتی توکال پر بھی کی جاسکتی تھی۔

نواز شریف کی واپسی پر خواجہ آصف کا کہنا تھا کہ ابھی بھی نوازشریف کی واپسی سےمتعلق قیاس آرائیاں کی جارہی ہیں، جوقیاس آرائیاں کی جاتی ہیں وہ 70 فیصد غلط ثابت ہوتی ہیں، 21 اکتوبر نواز شریف کی واپسی کی حتمی تاریخ ہے۔

اسلام آباد : نون لیگ کے مرکزی رہنما خواجہ آصف نے چیئرمین پی پی بلاول کے لیول پلیئنگ فیلڈ متاثر کرنے کے الزام کا جواب دیتے ہوئے کہا کہ ابھی تو فیلڈ تیار ہی نہیں ہوئی، لیول کیسے ہوگا۔

تفصیلات کے مطابق نون لیگ کے مرکزی رہنما خواجہ آصف نے نجی ٹی وی چینل کے پروگرام میں گفتگو کرتے ہوئے کہا کہ ہم نے اتحادی حکومت میں 14ماہ عزت سے گزارے، میری خواہش ہے بطور اتحادی ہم الیکشن لڑیں، پیپلزپارٹی کیساتھ مل کر الیکشن لڑیں۔

خواجہ آصف کا کہنا تھا کہ ہماراحکومتی اتحاد کا تجربہ اچھا رہا، اچھاتعلق نہ ہوتاتوہم14دن بھی نہیں چل سکتےتھے، مستقبل میں بھی اچھا رہ سکتا ہے۔

بلاول کے لیول پلیئنگ فیلڈ متاثر کرنے کے الزام پر انھوں نے کہا کہ ابھی تو فیلڈ تیار ہی نہیں ہوئی، لیول کیسے ہوگا، الیکشن شیڈول آئے گا تو انتخابی مہم چلے گی پھر شکایت کا جواز ہوگا۔

ن لیگی رہنما نے کہا کہ پی پی کی شکایت سے ہماراکوئی لینادینانہیں ہے، نگراں حکومت سےہماراکوئی تعلق نہیں ہے اور ن لیگ کانگراں حکومت میں کوئی عمل دخل نہیں۔

ان کا کہنا تھا کہ سندھ کے بارے میں تاثر ہے وزیراعلیٰ پی پی سے پوچھے بغیرکچھ نہیں کرتے، سنا ہے سندھ میں بہت سے تعیناتیاں پیپلزپارٹی کی مرضی سے ہوئی ہیں۔

پیپلز پارٹی کے حوالے سے خواجہ آصف نے بتایا پی پی کا پنجاب سے متعلق جو اعتراض ہے یہ سنی سنائی باتیں ہوتی ہیں، پنجاب والی بات سندھ کے بارے میں بھی کہی جاسکتی ہے، بہت سی باتیں سنی سنائی ہوتی ہیں لیکن ان کا حقیقت سےتعلق نہیں ہوتا۔

سابق وزیر نے کہا کہ ساتھ چلنے کی آصف زرداری کی خواہش کااحترام کرتےہیں، ہماری بھی خواہش ہے، ہماری سیاست میں 90 کی دہائی میں تلخی تھی لیکن اب ایسا نہیں ہے۔

اسلام آباد : سابق وزیر دفاع خواجہ آصف نے دعویٰ کیا کہ افغانستان سے مریضوں کےتیماردار کےلبادےمیں دہشت گرد پاکستان آرہے ہیں۔

تفصیلات کے مطابق سابق وزیر دفاع خواجہ آصف کی جانب سے پاک افغان سرحد کے حوالے سے بیان میں کہا گیا ہے کہ افغانستان کیساتھ مسائل مریضوں کی آمدورفت اورتجارت تک محدود نہیں، مسائل اہم نوعیت کے ہیں، سر فہرست افغان سرزمین کاپاکستان کیخلاف دہشت گردی کیلئے استعمال ہے۔

خواجہ آصف کا کہنا تھا کہ ٹی ٹی پی کابل کی اتحادی ہے،ہمسایہ ہونےکےناطےافغانستان کافرض ہےامن کی ضمانت ،فروغ یقینی بنائیں،خیر سگالی اور نیک خواھشات یکطرفہ نہیں ہوسکتیں۔

سابق وزیر دفاع نے کہا کہ مریضوں کےتیماردار کےلبادےمیں دہشت گرد پاکستان آر ہےہیں، پاکستان کی افواج اورشہری شہید ہو رہےسارےپس منظر کو سامنے رکھنے کی ضرورت ہے۔

افغانستان کیساتھ مسائل مریضوں کی آمد و رفت اور تجارت تک محدود نہیں۔ مسائل بہت سیریس نوعیت کے ھیں اور اسوقت سر فہرست افغان سرزمین کا پاکستان کیخلاف دھشت گردی کیلئے استعما ل ھے۔ TTP کابل کی اتحادی ھے۔ اور برادر ھمسایہ ھونے کے ناطے افغانستان کا فرض ھے کہ وہ امن کی ضمانت اور فروغ… https://t.co/DGbAlbLMsr

— Khawaja M. Asif (@KhawajaMAsif) September 15, 2023

اسلام آباد : وزیر دفاع خواجہ آصف نے نگران وزیراعظم کے ناموں سے متعلق رانا ثنااللہ کے بیان کی تردید کردی اور کہا  ناموں میں حفیظ شیخ اور کسی ریٹائرڈ جج کا نام نہیں۔

تفصیلات کے مطابق وفاقی وزیرخواجہ آصف نے وزیرداخلہ رانا ثنااللہ کے بیان کی تردید کرتے ہوئے کہا کہ نگران وزیراعظم کیلئے5نام تجویزکر رکھے ہیں ، ہمارے 5ناموں میں حفیظ شیخ اور کسی ریٹائرڈ جج کانام نہیں۔

خواجہ آصف کا کہنا تھا کہ وزیراعظم اوراپوزیشن لیڈرجلد نگران وزیراعظم کیلئےمشاورت کریں گے۔

یاد رہے  وزیرداخلہ رانا ثنااللہ نے بتایا تھا کہ شارٹ لسٹ ہونے والوں میں عبدالحفیظ شیخ اور سپریم کورٹ کے ایک ریٹائرڈ جج کا نام شامل ہے تاہم شاہد خاقان اور اسحاق ڈار کے نام شارٹ لسٹ میں شامل نہیں، منگل یا بدھ تک نگران وزیراعظم کے نام کا فیصلہ ہوجائےگا۔

ان کا مزید کہنا تھا کہ عام انتخابات میں تاخیر ہوجائے تو کیا ہو جائے گا۔۔ حلقہ بندیاں نو دسمبر تک ہوجانی چاہئیں، اس کے بعد الیکشن فروری یا مارچ میں ہوں تو کوئی مسئلہ نہیں ہوگا۔

اسلام آباد : وزیردفاع خواجہ آصف کا کہنا ہے کہ نواز شریف چیئرمین پی ٹی آئی نے نہیں اس وقت کی اسٹیبلشمنٹ نے ملک سے باہر بھیجا تھا۔

تفصیلات کے مطابق وزیردفاع خواجہ آصف کی پروگرام آف دی ریکارڈ میں گفتگو کرتے ہوئے کہا کہ ن لیگ اور پی ٹی آئی کے پولیٹیکل مٹیریل میں بڑافرق ہے، نوازشریف کوباہرجانےکی اجازت چیئرمین پی ٹی آئی نے نہیں دینی تھی، نوازشریف کوباہرجانےکی اجازت اسٹیبلشمنٹ نےدینی تھی۔

خواجہ آصف کا کہنا تھا کہ الیکشن آرہاہے،ووٹ کوعزت دینی ہے، پی ٹی آئی کےجن لوگوں پرمقدمہ ہےان کا الیکشن لڑنا مشکل ہوسکتا ہے، پی ٹی آئی کے جن لوگوں پرمقدمے نہیں وہ الیکشن لڑسکتےہیں۔

شیریں مزاری کے حوالے سے سوال پر وزیردفاع نے کہا کہ شیریں مزاری ٹی وی پر جو گفتگو کررہی تھیں سب نے دیکھا، میں یہ کہہ سکتا ہوں 9مئی کے دن شیریں مزاری نہیں تھیں۔

انھوں نے بتایا کہ نوازکوہٹانےاوردوسرےکولانےمیں ملک کوبہت نقصان ہوا، 2021 میں چیئرمین پی ٹی آئی کیلئے ایک جملہ استعمال کیا گیا تھا کہ بس بہت ہوگیا۔ یہ بھی کہا گیا کہ چیئرمین پی ٹی آئی کیساتھ کبھی گزارا نہیں ہوسکتا۔

خواجہ آصف نے کہا کہ اپریل 2019کے بعد وہ ان سےبیزارتھے، اس وقت حکومت تبدیلی کی آفر بھی کی گئی جس سے انکار کیا، 2019 کا میں خود گواہ ہوں ،2021 یا 2022 کا کوئی اور ساتھی گواہ ہوگا، چیئرمین پی ٹی آئی شاید اتنے ناراض نہ تھے جتنے خود اسٹیبلشمنٹ والے ناراض تھے۔

وفاقی وزیر کا کہنا تھا کہ اسٹیبلشمنٹ دیکھ رہی تھی کہ ان کا تجربہ اور2018کی محنت ضائع ہورہی ہے، انہوں نے یہ لفظ استعمال کیا’’وی ہیڈ ہیو انف آف ہم‘‘، ہم نے جواب میں کہا کہ ’’وی آر ناٹ انٹرسٹڈ‘‘۔

انھوں نے مزید کہا کہ نواز شریف کا کبھی تصادم ادارے کےساتھ نہیں ہوا فرد کےساتھ ہوا، میری اہلیہ3سال تک عدالتوں میں گئی کیا کسی کو پتا چلا،رونا دھونا ڈالا؟، ہم کہیں گلگت بلستان میں چھپے نہیں،سڑکوں سے گرفتار ہوئے، اچھا یابراوقت ہو سیاستدان کو عزت کے ساتھ سامنا کرنا چاہیے۔