کراچی : متحدہ قومی موومنٹ پاکستان کے رہنما خواجہ اظہار الحسن نے کہا ہے کہ صوبائی وزیر بلدیات کو وزارت سمیت ہی چین کو دے دیا جائے اُن سے وزارت نہیں سنبھالی جارہی ہے۔

سندھ اسمبلی سے باہر میڈیا سے بات کرتے ہوئے قائدِ حزبِ اختلاف خواجہ اظہار الحسن نے وزیر بلدیات جام خان شورو کو سخت تنقید کا نشانہ بناتے ہوئے کہا کہ وزیر بلدیات سے اپنی وزارت نہیں سنبھل پارہی ہے۔

انہوں نے سوال کیا کہ تھوڑا تھوڑا دینے کے بجائے وزیرِ موصوف پوری وزارت ہی چین کو کیو ں نہیں دے دیتے؟ یا پھر کوئی چینی ہی آکر سندھ میں وزارت بلدیات کا قلمدان سنبھالے۔

انہوں نے کہا کہ آج بھی گلستان جوہر اورسرجانی ٹاون میں چائنہ کٹنگ ہو رہی ہے اور وزیر بلدیات کو پتہ ہی نہیں ہے۔

ان کا کہنا تھا کہ چا ئنا کٹنگ کی تحقیقات سندھ حکومت اپنے وزراء سے شروع کرے اور ایم کیو ایم پر ختم کرے ،ہم چائنا کٹنگ کرنے والوں کو سماج کا دشمن سمجھتے ہیں۔

اس موقع پر ایم کیو ایم پاکستان سے تعلق رکھنے والے ممبر صوبائی اسمبلی فیصل سبزواری نے بھی میڈیا سے بات کی انہوں نے کہا کہ وزارتِ بلدیات کو چاہیے ایک کے ایم سی کی بلڈنگ ہی رہ گئی ہے اُسے بھی چائنا کو دے دیں۔

اس سے قبل پاکستان تحریک انصاف کے رکن صوبائی اسمبلی خرم شیرزمان نے پوائنٹ آف آرڈر پر وزارتِ بلدیات کی کارکردگی کو تنقید کا نشانہ بناتے ہوئے کہا تھا کہ منتخب بلدیاتی نمائندگان کو فنڈز جاری نہیں کیے جارے ہیں اور صوبائی حکومت سارے اختیارات پر قابض ہے۔

نقطعہ اعتراض پر سینیئر وزیر نثار کھوڑو اور وزیر بلدیات کی خرم شیر زمان کے نوک جھوک بھی ہوئی جب کہ قائد حزبِ اختلاف خواجہ اظہار سمیت ایم کیو ایم دیگر اراکین اسمبلی نے بھی خرم شیر زمان کا ساتھ دیا۔

کراچی : سندھ اسمبلی میں قائد حزب اختلاف خواجہ اظہار الحسن نے کہا ہے کہ سندھ حکومت میں جانے کے لیے بھی تیار ہیں لیکن اس کے لیے شرط ہے کہ وزیر اعلٰی کا عہدہ ایم کیو ایم پاکستان کو دیا جائے۔

اپوزیشن لیڈر خواجہ اظہار الحسن میڈیا سے بات کر رہے تھے انہوں نے دعویٰ کیا کہ بہت جلد کراچی کی قدآور شخصیات ایم کیوایم پاکستان میں شامل ہوں گی۔

ایک سوال کے جواب میں خواجہ اظہار کا کہنا تھا کہ ایم کیو ایم پاکستان سندھ کابینہ کا حصہ بن سکتی ہے لیکن اس کے لیے شرط یہ ہے کہ وزیر اعلیٰ کا عہدہ ایم کیو ایم پاکستان کو دیا جائے۔

اس موقع پر خواجہ اظہار نے وزیراعلیٰ سندھ مراد علی شاہ سے بلدیاتی نمائندوں کو اختیارات دینے کا بھی مطالبہ کیا ،ان کا کہنا ہے مرادعلی شاہ ضد چھوڑدیں اپنے فیصلوں پر نظر ثانی کریں۔

انہوں نے حکومت سندھ کو متنبہ کیا کہ اگر بلدیاتی نمائندوں کو اخیتارات نہ دیئے گئے تو مجبوراًمحبت میں دھرنے دیں گے ہم سندھ میٰں قائم باہمی ورکنگ ریلیشن شپ کو تباہ اور دیہی و شہری سندھ میں تناؤ نہیں چاہتے۔

نو منتخب اسیر میئر کراچی وسیم اختر کی رہائی کی خبر پر تبصرہ کرتے ہوئے انہوں نے کہا اب ٹیم کا کپتان وسیم اختر میدان میں آگیا ہے ترقی کے سفر کو اب کوئی روک نہیں سکتا۔

کراچی : ایم کیو ایم پاکستان کے رہنما خواجہ اظہار الحسن نے کہا ہے کہ ناقص حکمت عملی کے باعث آئے دن دہشت گردی کے واقعات سےگذرنا پڑتا ہے نیشنل ایکشن پلان کی اصل روح پر عمل درآمد کر کے دہشت گردی کے عفریت سے نجات پایا جاسکتا ہے۔

سندھ میں قائد حزب اختلاف اور ایم کیو ایم کے مرکزی رہنما خواجہ اظہار الحسن نے یہ بات کراچی میں میڈیا سے گفتگو کرتے ہوئے کہی اُنہوں نے سندھ حکومت سے سانحہ کے متاثرین کی مالی معاونت کا مطالبہ کیا اور زخمیوں کو بہتر طبی امداد نہ ملنے پر تشویش کا اظہار کیا۔

اسی سے متعلق : درگاہ شاہ نورانی میں دھماکا،65افراد جاں بحق، 100 سے زائد زخمی

خواجہ اظہار الحسن نے وفاقی حکومت سے بھی متاثرین کی مالی معاونت کرنے کی درخواست کرتے ہوئے کہا کہ ہم سندھ کی تمام مزارات، درگاہوں،خانقاہوں اور اولیاء کرام کے مقدس مقامات پر سخت سیکیورٹی کا مطالبہ کیا اور ہر درگاہ کے باہر ایمرجینسی میڈیکل سینٹر کے قیام کی تجویز دی۔

یہ پڑھیے : شاہ نورانی دھماکہ، سندھ میں سیکیورٹی ہائی الرٹ

انہوں نے کہا کہ بحثیت قوم ہم دہشت گردوں کا مقابلہ کرنے کے لیے تیار ہیں اوراس قومی سانحے پر پوری قوم کے ساتھ کھڑے ہیں اور شہداء کے لواحقین کے غم میں برابر کے شریک ہیں جب کہ متاثرین کی مدد اور معاونت کے لیے ہر قسم کا تعاون کریں گے۔

یہ بھی پڑھیں : پہاڑوں‌ میں‌ گھرا شاہ نورانی کا مزار صدیوں‌ پرانا ہے

اُن کا کہناتھا کہ سانحات پر سیاست نہ کی جائے ضرورت اس امر کی ہے کہ سارے ادارے سر جوڑ کر بیٹھیں اور نیشنل ایکشن پلان پر عمل درآمد اور سمت کا جائزہ لیں کہ دہشت گردی ملک کی بقا اور سلامتی کا معاملہ ہے۔