ARYNews.tv | Urdu – Har Lamha Bakhabar

Tag: خواجہ اظہار

  • مزار قائد کے باہر خواجہ اظہار کا موبائل فون چوری

    مزار قائد کے باہر خواجہ اظہار کا موبائل فون چوری

    کراچی: متحدہ رہنما عامر خان کا بٹوہ چوری ہونے کے بعد اب متحدہ رہنما خواجہ اظہار الحسن کا موبائل فون چوری ہوگیا، خورشید شاہ، مراد علی شاہ، منظور وسان اور سینیٹر سعید غنی بھی چوری کا شکار ہوچکے ہیں۔

    تفصیلات کے مطابق سیاسی رہنمائوں کی ہجوم کے درمیان قیمتی اشیا چوری ہونے کا سلسلہ پنجاب میں پیپلز پارٹی کے رہنما جہانگیر بدر کی تدفین کے موقع سے شروع ہوا، تدفین میں خورشید شاہ کی جیب سے 15 ہزار روپے نقد چوری ہوئے جب کہ وزیراعلیٰ سندھ مراد علی شاہ سمیت صوبائی وزیر منظور وسان کے موبائل فونز ان کی جیبوں سے نکال لیے گئے۔

    یہ پڑھیں: جہانگیر بدر کا سوئم: سعید غنی اور شوکت بسرا کے جوتے چوری

    دو روز بعد لاہور میں ہی جہانگیر بدر کی رسم قل میں پیپلز پارٹی کے سینیٹر سعید غنی اور رہنما شوکت بسرا کی چپلیں چوری ہوگئیں، دونوں رہنمائوں کو گاڑی تک ننگے پیر جانا پڑا۔

    یہ بھی پڑھیں:متحدہ رہنما عامر خان کی بھی جیب کٹ‌ گئی

    بدھ کو کراچی میں سینٹرل جیل کے باہر میئر کراچی وسیم اختر کی رہائی کے لیے باہر موجود ہجوم کے درمیان ڈپٹی کنوینر عامر خان کی جیب سے کسی نے ان کا موبائل فون نکال لیا اور اب مزار قائد کے باہر خواجہ اظہار الحسن کا موبائل فون چوری ہوگیا۔

    موبائل فون چوری ہونے کے بعد رہنما متحدہ پاکستان خواجہ اظہار الحسن کا کہنا تھا کہ لگتا ہے مجھ سے زیادہ کوئی اور موبائل فون کا ضرورت مند تھا۔

  • لاہور: متحدہ رہنمائوں کا نام ای سی ایل میں شامل کرنے کی درخواست دائر

    لاہور: متحدہ رہنمائوں کا نام ای سی ایل میں شامل کرنے کی درخواست دائر

    لاہور: متحدہ قومی موومنٹ کے رہنماؤں فاروق ستار،خواجہ اظہار الحسن اور خالد مقبول صدیقی کا نام ایگزکٹ کنٹرول لسٹ (ای سی ایل )میں شامل کرنے کے لیے لاہور ہائی کورٹ میں درخواست دائر کردی گئی۔

    درخواست بیرسٹر علی گیلانی کی جانب سے دائر کی گئی ہے جس میں کہا گیا ہے کہ ایم کیو ایم کے تینوں رہنما اپنے قائد کے ساتھ پاکستان مخالف تقاریر اور سرگرمیوں میں ملوث ہیں، تینوں رہنماؤں نے اپنی تقاریر میں ایم کیو ایم کے قائد کےبیان کی توثیق کی جو ملکی سالمیت کے خلاف ہے۔

    درخواست میں کہا گیا ہے کہ قائد متحدہ سمیت فاروق ستار،خواجہ اظہار الحسن اور خالدمقبول صدیقی سمیت تینوں رہنماؤں کے خلاف ملک کے مختلف حصوں میں مقدمات درج ہوئے اور خدشہ ہے کہ وہ کسی بھی وقت ملک سے فرار ہو سکتے ہیں لہذا تینوں رہنماؤں کے خلاف درج مقدمات کا فیصلہ آنے تک ان کے نام ای سی ایل میں شامل کرنے کے احکامات جاری کیے جائیں۔

  • فاروق ستار،عامر لیاقت اورخواجہ اظہار نے اے آروائی دفترکا دورہ کیا

    فاروق ستار،عامر لیاقت اورخواجہ اظہار نے اے آروائی دفترکا دورہ کیا

    کراچی : متحدہ قومی موومنٹ کے رہنماؤں ڈاکٹر فاروق ستار، ڈاکٹر عامر لیاقت حسین اور خواجہ اظہار الحسن سمیت ودیگر نے مدینہ سٹی مال صدر میں واقع اے آر وائی نیوز کے دفتر کا دورہ کیا۔

    اس موقع پر انہوں نے دفتر کے ان مقامات کا جائزہ لیا جہاں گزشتہ روز مسلح افراد نے توڑ پھوڑ کی تھی۔ تمام رہنماؤں نے اس واقعے پر اپنے شدید غم و غصے کا اظہار کرتے ہوئے واقعے کی پر زورالفاظ میں مذمت کی۔

    ان کا کہنا تھا کہ جو بھی ہوا ایسا ہرگز نہیں ہونا چاہئیے تھا۔ انہوں نے مطالبہ کیا کہ اس افسوسناک واقعے میں ملوث افراد کو قانون کے مطابق قرار واقعی سزا دی جائے۔ ایسے لوگوں کا ایم کیو ایم سے کوئی تعلق نہیں۔

     

  • متحدہ قومی موومنٹ کے کئی اہم رہنماؤں کی بیرون ملک روانگی

    متحدہ قومی موومنٹ کے کئی اہم رہنماؤں کی بیرون ملک روانگی

    کراچی : متحدہ قومی موومنٹ کے کئی اہم رہنما ملک سے باہر چلے گئےہیں۔ ڈاکٹرفاروق ستارکراچی کی گلیوں میں اورمصطفٰی کمال ایم کیوایم میں جھاڑو پھیر رہےہیں۔

    ایسی نازک صورت حال میں ایم کیوایم کے کئی اہم رہنما منظر سے غائب ہیں۔ اب ان میں سےکئی بیرون ملک چلے گئے۔

    حیدرعباس رضوی کے بارے میں معلوم ہوا ہے کہ وہ کینیڈا چلے گئے۔ ایم کیوایم ذرائع کا کہنا ہے کہ حیدرعباس رضوی دوماہ کے لئے گئے ہی۔

    ،انہوں نےایم کیوایم کی قیادت سے باقاعدہ چھٹی لی ہے۔ دھماکہ خیز صورت حال میں فیصل سبزواری کی کمی بھی محسوس کی جارہی تھی۔ وہ بھی آج بیرون ملک پرواز کرگئے۔

    سندھ اسمبلی میں اپوزیشن لیڈرخواجہ اظہاربھی دبئی روانہ ہوگئے۔ قومی اسمبلی کی رکن خوش بخت شجاعت نے بھی آج امریکا کی پرواز پکڑلی۔

    حیدرعباس رضوی کےعلاوہ دوسرے رہنماؤں کےحوالےسےواضح نہیں کہ وہ بھی چھٹی لے کر گئے ہیں یا پوری چھٹی پرچلے گئے۔

     

  • Untitled post 5323

    سندھ اسمبلی میں ایم کیوایم کے ڈپٹی پارلیمانی لیڈرخواجہ اظہارالحسن نے کہاہےکہ شرجیل میمن کے تازہ بیان نے ثابت کردیاہے کہ پیپلز پارٹی ریاستی طاقت کے بل پر سندھ کی شہری بلدیات پر قبضہ کرناچاہتی ہے۔

    خواجہ اظہارالحسن نے کہاکہ کراچی میں صوبائی حکومت پہلے ہی ایم کیوایم کے خلاف ریاستی طاقت استعمال کررہی ہے، شرجیل میمن ملکی سلامتی کے اداروں کواپنے سیاسی مخالفین کوکچلنے کے بجائے کراچی اوراندرون سندھ اصل مجرموں اوردہشت گردوں کے خلاف ایکشن لیں ۔

    خواجہ اظہار الحسن کا کہنا تھا کہ خیرپور جرائم میں سرفہرست ہے جبکہ بدین ، دادو اوردیگر علاقوں میں بھی جرائم پیشہ افرادکی سرگرمیاں عروج پرہیں، کچے کے علاقے میں ڈاکو راکٹ لانچرز،بموں اوردیگرجدیدترین ہتھیاروں سے مسلح ہیں لیکن ان کے خلاف ایکشن لینے کو کوئی تیار نہیں۔