Tag: خواجہ آصف

اسلام آباد : وزیر دفاع خواجہ آصف کا کہنا ہے کہ وفاقی حکومت اور اداروں پر علی امین گنڈا پور کی تنقید کا جواب ضرور دیا جائے گا۔

تفصیلات کے مطابق وزیر دفاع خواجہ آصف نے اے آر وائی نیوز کے پروگرام خبر میں انٹرویو دیتے ہوئے کہا کہ خیبرپختونخوامیں پولیس نےبھی دہشت گردی کیخلاف قربانیاں دیں، خیبرپختونخوامیں فوج نے جتنی شہادتیں اٹھائیں سب کومعلوم ہے۔

وزیر دفاع کا کہنا تھا کہ دہشت گردی کی ذمہ داری اداروں پر ڈالنا غلط بات ہے، علی امین گنڈاپور کے لیڈر نے دہشت گردوں کو کےپی میں بسایا تھا، ان کے لیڈر بارڈر سے لوگوں کو لائے اور شہروں میں بسایا تھا۔

انھوں نے کہا کہ علی امین نے وفاقی حکومت اوراداروں پرتنقیدکی ہے، وفاقی حکومت کی جانب سے ان کو ضرور جواب دیا جائے گا۔

عمران خان سے متعلق سوال پر خواجہ آصف کا کہنا تھا کہ بانی پی ٹی آئی نے جتنی غلطیاں کیں، کسی سول حکمران نے نہیں کیں وقت آگیا پاکستان کو بانی کی طرز سیاست سے پاک کیا جائے۔

پی ٹی آئی کے اندورونی معاملات کے حوالے سے انھوں نے کہا کہ کے پی کے دوسرے علاقوں میں دیکھ لیں کیا ہو رہا ہے، پی ٹی آئی کے اپنے لوگ علی امین اور ان کی قیادت پر تنقید کر رہے ہیں ، پی ٹی آئی کے اپنے لوگ ان پر دو نمبری کے الزامات لگا رہے ہیں۔

وفاقی وزیر نے بتایا کہ علی امین میٹنگز میں وہ گفتگو کرتے ہیں جو بیان نہیں کرسکتا، ان کی گفتگو سن کر وزیراعظم کو کہنا پڑا کہ خوشی ہورہی ہے، وہ اندر کچھ بات کرتے ہیں اور باہر کچھ گفتگو کرتے ہیں، ان جیسے لوگوں کے بیانات کو نظر انداز کرنا چاہیے، ایسے لوگوں کی گفتگو پر ان کی اپنی جماعت یقین نہیں کرتی۔

اسلام آباد : وزیر دفاع خواجہ آصف کا کہنا ہے کہ امریکا کی ایسی کسی پالیسی کا حصہ نہیں بنیں گے، جس سے ہمیں نقصان ہو۔

تفصیلات کے مطابق وزیر دفاع خواجہ آصف نے گفتگو کرتے ہوئے کہا کہ امریکاکےساتھ تعلقات پاکستان کی مشترکہ ضرورت ہے، امریکا کے ساتھ تعلقات پر معاشی اورسفارتی سطح پر فائدے ہو رہے ہیں۔

وزیر دفاع کا کہنا تھا کہ امریکا کی ایسی کسی پالیسی کا حصہ نہیں بنیں گے، جس سے ہمیں نقصان ہو، ابراہم اکارڈز سے متعلق دباؤ آیا تو اپنے مفادات دیکھیں گے۔

انھوں نے کہا کہ موجودہ صورتحال میں اگر تماشائی بنے اور کھلاڑی نہ بنے تو نقصان ہوگا، عالمی سطح پر موجودہ صورتحال میں ہم کھیل کا حصہ اور کھلاڑی ہیں۔

بھارت کے حوالے سے وفاقی وزیر کا کہنا تھا کہ مودی کاتکبر خاک میں مل گیا، بھارت کی جانب سے دوبارہ پاکستان پر حملے کا امکان موجود ہے، بھارت نے اگر پاکستان کا پانی روکا تو اسے جنگ تصور کیا جائے گا۔

مزید پڑھیں : بھارت سے جنگ کا خطرہ اب بھی برقرار ہے، خواجہ آصف

انھوں نے کہا کہ پاک بھارت جنگ میں پاکستانی میڈیانےمثبت کردار اداکیا، بھارتی میڈیا میں سرکس اور نوٹنکی ہو رہی تھی، پاکستان نے بھارت کے طیارے گرائے جو فخر کی بات ہے، پاکستان اس وقت سر اُٹھا کر دنیا میں چل رہا ہے۔

وزیر دفاع کا مزید کہنا تھا کہ بھارت بلوچستان میں اسپانسرڈ دہشت گردی میں ملوث ہے، پاکستان کے پاس بھارت کے ملوث ہونے کے ثبوت ہیں، بھارتی ریاستی دہشت گردی پر متعدد ممالک نے ہمارے مؤقف کی تائید کی۔

انھوں نے بتایا کہ ایس سی او اجلاس کے موقع پر بھارتی ہم منصب سے بات نہیں ہوئی، بھارتی وزیر دفاع نے میری تقریر کے بعد بات کرنے کی کوشش کی لیکن بھارتی وزیردفاع کو میری تقریر کے بعد بات کرنے کی اجازت نہ ملی۔

اسلام آباد : وزیر ریلوے حنیف عباسی کا کہنا ہے کہ خواجہ آصف کے ہائبرڈ حکومت کے بیان سے اتفاق نہیں کرتا، ان کا بیان سنا تو یقین نہیں آیا، سمجھا کوئی فیک نیوز ہے۔

تفصیلات کے مطابق وزیر ریلوے حنیف عباسی نے اےآروائی نیوز کو دیئے گئے انٹرویو میں کہا کہ خواجہ آصف کے ہائبرڈ حکومت کےبیان سےاتفاق نہیں کرتا، کوشش کرتا ہوں حقائق پر مبنی بات کروں اور کسی کی طرح خبر بنانے کا شوق نہیں۔

وزیر ریلوے کا کہنا تھا کہ میرے سینئر ہیں لیکن کیا ہائبرڈ ہے یعنی ہم کو کسی نے لا کر بٹھایا ہے جو اپوزیشن بھی کہتی ہے، جب میں نے خواجہ آصف کا بیان سنا تو یقین نہیں آیا اور سمجھا کوئی فیک نیوز ہوگی لیکن ہر بندے کا اپنا اپنا شوق ہوتا ہے لیکن ہمیں ایسے شوق نہیں ہیں۔

انھوں نے مزید کہا کہ کہ میں خواجہ آصف کوکوئی مشورہ نہیں دے سکتا ہوں ، خواجہ آصف کی عمرکا تقاضا ہے وہ مشاورت سے آگے جا چکے ہیں۔

وفاقی وزیر کا کہنا تھا کہ نوازشریف اور شہبازشریف کی پالیسیاں بہت واضح ہیں، ہماری پارٹی جمہوری ہے، اسوقت کوئی کسی کے خلاف نہیں اور کوئی کسی کے خلاف بغض نہیں رکھتا ہے، وزیراعظم اور فیلڈ مارشل نے اکٹھے چل کر اس ملک کو محفوظ بنایا اور بچایا ہے۔

وفاقی وزیر نے مزید کہا کہ کہ میں خواجہ آصف کوکوئی مشورہ نہیں دے سکتا ہوں ، خواجہ آصف کی عمرکا تقاضا ہےوہ مشاورت سےآگےجاچکےہیںس

وزیر ریلوے نے بتایا آج ہمیں 2چیزیں حاصل ہیں ایک مریم نواز کی پرفارمنس پنجاب جوآٹوپرلگ گیاہے، وزیراعظم شہبازشریف نے پوری دنیا میں پاکستان کا سر فخر سے بلندکر دیا ہے اور ان دونوں کے پیچھے میاں نوازشریف کا وژن شامل ہے۔

سیالکوٹ : وزیر دفاع خواجہ آصف کا کہنا ہے کہ ایسے تو پتنگیں بھی نہیں کٹتیں جس طرح بھارت کے جہاز گرے، آج دشمن مشرقی سرحد کے پار زخم چاٹ رہا ہے، جلد ہی مغربی سرحد پر بھی زخم چاٹ رہا ہوگا۔

تفصیلات کے مطابق وزیر دفاع خواجہ آصف نے سیالکوٹ میں میڈیا سے گفتگو کرتے ہوئے کہا کہ افواج پاکستان کے سربراہان کو مبارکباد پیش کرتا ہوں، افواج پاکستان کی قیادت نے جوانوں کا حوصلہ بڑھایا، ہماری قیادت اس وقت جذبہ ایمانی سے سرشار تھی، وزیراعظم شہبازشریف نے ہر لمحے قوم کی قیادت کی، سویلین قیادت افواج پاکستان کی قربانیوں کی معترف ہے۔

خواجہ آصف کا کہنا تھا کہ وزیراعظم نے کہا ملک و دفاع کیلئےجس حد تک جاناپڑاجائیں گے، عوام افواج پاکستان کے شانہ بشانہ کھڑی ہیں، بھارت کیخلاف معرکہ قومی اتحاد کا باعث بنا، پاک فوج کی بہادری کی داستان کتابوں میں بیان کی جائیں گی۔

انھوں نے کہا کہ جو قومیں تاریخ بھلادیتی ہیں تو پھر تاریخ بھی ان کو بھول جاتی ہے، بھارت کے 10جہازہمارےنشانےپرتھےابھی وہ ادھارباقی ہے، بھارت نے دوبارہ کوشش کی توپہلے سے زیادہ طاقت سے جواب دیں گے۔

وزیر دفاع کا کہنا تھا کہ ایسے تو پتنگیں بھی نہیں کٹتیں جس طرح بھارت کے جہاز گرے، آج دشمن مشرقی سرحد کے پار زخم چاٹ رہا ہے، جلد ہی مغربی سرحد پربھی زخم چاٹ رہا ہوگا۔

انھوں نےکہا کہ ہم نے قربانیاں دے کر ملک حاصل کیا، نوجوان نسل کو تاریخ سے روشناس کرانا چاہیے، سفرکی شروعات کہاں سے ہوئی اس سے نوجوانوں کو آگاہ کرنا ہوگا، برصغیر پاک و ہند کے مسلمانوں نے الگ وطن کیلئے جدوجہد کی، پاکستان نے جب سے آزادی حاصل کی بھارت ہمارے خلاف ہے، 10 مئی کو پاک فوج نے بہادری سے دشمن کو بھرپور جواب دیا۔

وفاقی وزیر کا کہنا تھا کہ پہلے قومی اتحاد میں دراڑیں نظر آتی تھیں اب ہم متحد ہیں، بھارت ایجنٹوں کےذریعےپاکستان میں دہشت گردی کرتا ہے، ہماری جنگ اب دہشت گردوں کے خلاف ہے، دہشت گردوں کا وہی حال ہوگا جو بھارتی ایئرفورس کا ہوا۔

ان کا مزید کہنا تھا کہ ہماری افواج نے جذبے کیساتھ دشمن کو شکست دی، قومیں وطن کیلئےجان قربان کرنےوالوں کویادرکھتی ہیں، افواج پاکستان کے سربراہان کا نام تاریخ میں زندہ ہوگیا، نئی تاریخ رقم ہورہی تھی بڑےجذباتی لمحے تھے۔

اسلام آباد : وزیردفاع خواجہ آصف کا کہنا ہے کہ ہم بالکل تیار اور انتہائی ہائی الرٹ ہیں، اگر فضائی حدود کی خلاف ورزی ہوئی یا کوئی زمینی کارروائی کی گئی تو منہ توڑ جواب دیں گے۔

تفصیلات کے مطابق وزیر دفاع خواجہ آصف نے برطانوی میڈیا کو انٹرویو میں کہا کہ بھارت نےدراندازی کی تو منہ توڑ جواب دیں گے، فضائی وزمینی دونوں کارروائی کی صورت میں
تیارہیں۔

وزیر دفاع کا کہنا تھا کہ اس بات کا امکان ہے کہ بھارت پاکستان میں دراندازی کی کوشش کرے گا، ہم انتہائی ہائی الرٹ ہیں، اگر ٹکراؤ ہوا تو اللہ کے فضل و کرم سے ہم بالکل تیار ہیں۔

انھوں نے کہا کہ مقبوضہ کشمیر کی کنٹرول لائن پر فورٹیفکیشن ہے، فوجیں بڑی تعداد میں تعینات ہیں اور آنکھوں میں آنکھیں ڈالی کھڑی ہیں۔

وفاقی وزیر نے بھارتی الزامات مسترد کرتے ہوئے کہا کہ پہلگام واقعے سے پاکستان کا کوئی تعلق نہیں، معصوم جانوں کا نقصان ہوا اور اس واقعے کے بعد بھارتی فورسز نے وادی میں دہشت گردی کی مہم شروع کر رکھی ہے، بے گناہ لوگوں کو اٹھایا جا رہا ہے، جعلی مقابلوں میں شہید کیا جا رہا ہے، مقبوضہ علاقے میں آج دہشت کا راج ہے۔