Tag: خواجہ آصف

اسلام آباد : وزیر دفاع خواجہ آصف نے چیف جسٹس پر تنقید کرتے ہوئے کہا کہ آپ ایک ملزم کو کہہ رہے ہیں وش یو گڈ لک، آپ انصاف کیلئےبیٹھے ہیں وش یو گڈ لک یا تعویز دینے نہیں بیٹھے ہیں۔

تفصیلات کے مطابق وفاقی وزیر دفاع خواجہ آصف نے قومی اسمبلی اجلاس میں اظہار خیال کرتے ہوئے کہا کہ ماضی میں ایسے واقعات ہوئے جس نے ہولناک اثرات چھوڑے، عدل کےبجائےسیاست کی جارہی ہے ، ایک سیاسی گروہ کی حمایت کی جارہی ہے ، قانون اور آئین کے مطابق فیصلے نہیں کئے جارہے۔

وزیر دفاع کا کہنا تھا کہ عدلیہ کی روایات اورآئینی حدود کی خلاف ورزی ہورہی ہے ، صاف ظاہر ہے چار تین کےفیصلے کو نظر انداز کیاجارہاہے، عمران خان کو ریلیف اور فتنے کو ہوا دی جارہی ہے۔

خواجہ آصف نے روز دیا کہ وقت آگیا ہے کہ پارلیمنٹ اپنے آئینی اختیارات کا استعمال کرے، آئین کے تحت جو بھی کارروائی درج کی گئی اس پرعملدرآمدہوناچاہیے،آئین جو اختیارات دیتا ہے ان کو استعمال کرنا چاہیے۔

ان کا کہنا تھا کہ ایک شخص کے مفادات کے تحفظ کیلئےآئین کےآرٹیکل63کی روح کوبدل دیاگیا، ان کی پشت پناہی کی جارہی ہے جنہوں نے کورکمانڈر ہاؤس پر حملہ کیا تھا۔

وزیر دفاع نے بتایا کہ اعظم سواتی ایک خاتون ہے یہ کوڈ نام ہے ، اس کےذریعے پیغام رسانی ہوتی ہے، اس ایوان پرمشتمل ایک کمیٹی بنائی جائے تاکہ وہ معاملے کا جائزہ لے، یہ شخص کسی کے ساتھ وفا نہیں کرے گا، وہ وزیر صحت جو اب اسپتال میں ہے، اب معافی مانگ رہے ہیں۔

پی ٹی آئی رہنماوں کے حوالے سے خواجہ آصف نے کہا کہ فون گھروں پر چھوڑے ہوئے ہیں خود کہیں اور ہیں ، پکڑنے کیلئے پولیس ریڈ کرتی ہے تو پھر چادراورچاردیواری کا رونا روتےہیں۔

پنجاب کے حوالے سے ان کا کہنا تھا کہ پنجاب میں منتخب نمائندوں کو گھر بھیج دیاگیا، حمزہ شہباز کے حق میں ووٹ کو نکال دیا گیا، 15دن بعد پرویز الٰہی کےحق میں ووٹ کوگن لیاگیا، سپریم جوڈیشل کونسل کو نوٹس بھیجناچاہیے، میرے تقدس کو ماضی میں بڑا پامال کیا گیا ہے، آج ایوان اپنا تاریخی رول پلے کرے۔

آڈیو لیکس سے متعلق وفاقی وزیر نے کہا کہ طارق رحیم نے جو فیصلہ فون پر بتایا وہی فیصلہ سامنے آیا، پہلے سنتے تھے پرچے لیک ہوتے تھے اب آڈیولیک ہوتی ہیں، پرچے لیک ہوتے تھے یہاں فیصلہ لیک ہوگیا ہے ، پرچے لیک ہوتے ہیں تو نیا پرچہ ہوتا تھا،آڈیو لیک ہوگئی اب نیا فیصلہ دو۔

خواجہ آصف نے چیف جسٹس کو مخاطب کرتے ہوئے کہا کہ آپ ایک ملزم کو کہہ رہے ہیں وش یو گڈ لک، آپ انصاف کیلئےبیٹھے ہیں وش یو گڈ لک یا تعویز دینے نہیں بیٹھے ہیں، عمران خان کے لئے ریلیف کی بھرمار ہے۔

سیالکوٹ: وزیر دفاع خواجہ آصف کا کہنا ہے کہ ثاقب نثار نے نواز شریف کیساتھ جو کیا اسکے تمام ثبوت سامنے آگئے۔

تفصیلات کے مطابق وزیر دفاع خواجہ آصف نے سیالکوٹ میں نیوز کانفرنس کرتے ہوئے کہا کہ سیاستدان وزیر اعلیٰ یا وزیرب ن جاتے ہیں مگر کوئی ناکوئی تنازع ان کا پیچھا کرتی رہتی ہے۔

یہ بھی پڑھیں: سابق چیف جسٹس ثاقب نثار کے بیٹے کی بھی مبینہ آڈیو سامنے آگئی

خواجہ آصف کا کہنا تھا کہ  ثاقب نثارکا بیٹا 1 کروڑ 20 لاکھ کی ٹکٹ بیچ رہا تھا، ثاقب نثار نے رات ٹی وی پر تسلیم کیا کہ یہ میرے بیٹے کی گفتگو ہے، ان کی گفتگو سے پتا لگتا ہے کہ ان کا ذہن کتنا گندا تھا، ثاقب نثار کا بیٹا پی ٹی آئی کے کارکن کو ٹکٹ بیچ رہا ہے۔

وفاقی وزیر دفاع نے کہا کہ ثاقب نثار نے نواز شریف کیساتھ جو کیا اسکے تمام ثبوت سامنے آگئے، ثاقب نثار لا سیکریٹری تھے ہائیکورٹ کے جج بھی وہ بعد میں بنے، سپریم کورٹ کے  51ہزار کیس پینڈنگ میں پڑے ہوئے ہیں، کئی سال سے لوگوں کی ضمانتیں پینڈنگ میں پڑی ہوئی ہیں۔

اسلام آباسد : وزیر دفاع خواجہ آصف نے خبردار کیا کہ افغان سرزمین سے ٹی ٹی پی مسلسل حملہ آور ہے، ضرورت پڑی تو پاکستان افغانستان میں ٹی ٹی پی کے ٹھکانوں کو نشانہ بناسکتا ہے۔

تفصیلات کے مطابق وزیر دفاع خواجہ آصف نے وائس آف امریکا کو انٹرویو دیتے ہوئے کہا کہ افغان سرزمین سے ٹی ٹی پی مسلسل حملہ آور ہے، زیادہ دیر تک برداشت نہیں کرسکتے، ضرورت پڑی تو پاکستان افغانستان میں ٹی ٹی پی کے ٹھکانوں کو نشانہ بناسکتا ہے۔

خواجہ آصف کا کہنا تھا کہ میرا تاثر ہے افغان طالبان بھی ٹی ٹی پی سے جان چھڑاناچاہتے ہیں ، دورہ کابل میں افغان طالبان سےبات کی تھی کہ افغان سر زمین سے پاکستان پر حملے برقرار رہے تو ہمیں اقدامات کرنے پڑیں گے ، افغان طالبان نے ہماری بات کا بہت اچھے طریقے سے جواب دیا۔

وزیر دفاع نے کہا کہ پاکستان دہشت گردی کیخلاف جنگ میں حصہ بننے کے غلط فیصلوں سےنقصان اٹھاررہاہے ، امریکا سے اس معاملے پر بات کرنےکی کوئی منطق نہیں ہے۔

انھوں نے بتایا کہ امریکا نے 16سال افغانستان میں جو کیا وہ سب جانتےہیں، ہم دہشت گردی کی لعنت سے خود نمٹ سکتے ہیں، پہلے بھی ہم نے دہشت گردی کےخطرے کا خود ہی مقابلہ کیا ہے۔

خواجہ آصف نے کہا کہ ہماری عسکری انتظامیہ اخراجات میں کمی کر رہی ہے فوجی انتطامیہ مسلسل اس بارے میں جائزہ لے رہی ہے کہ کہاں چیزیں موخر کی جاسکتی ہیں لیکن کچھ اہم ضروریات ہوتی ہیں ان کو کم یا ختم نہیں کیا جاسکتا ۔

الیکشن کے حوالے سے سوال پر وزیر دفاع کا کہنا تھا کہ میں100فیصد یقین سےکہہ سکتاہوں آئندہ انتخابات شفاف ہوں گے، عوام کی رائےاور فیصلے میں مداخلت نہیں ہوگی۔