Tag: خواجہ سعد رفیق

لاہور : وفاقی وزیر ریلوے خواجہ سعد رفیق نے کہا ہے کہ ریلوے کی کارکردگی کے بارے میں عدالتی ریمارکس پر دلی دکھ ہوا ہے، دم توڑتی ریلوے کو دوبارہ قدموں پر کھڑا کیا، کارکردگی پرشاباش کی بجائے ڈانٹا جائے تو دل ٹوٹ جاتا ہے۔

تفصیلات کے مطابق وفاقی وزیر ریلوے خواجہ سعد رفیق نے سماجی رابطے کی ویب سائٹ ٹوئٹر پر اپنے بیان میں کہا ریلوے کو اقربا پروری اور کرپشن سے پاک کرنے کیلئے دن رات کام کیا، دم توڑتی ریلوے کو دوبارہ قدموں پر لاکھڑا کیا ہے۔

پاکستان ریلوے کو اقربا پروری اور کرپشن سے پاک کرنے کے لئے ھماری ٹیم نے دن رات کام کیا۔ دم توڑتی ریلوے کو دوبارہ قدموں پر لا کھڑا کیا ھے

— Khawaja Saad Rafique (@KhSaad_Rafique) April 7, 2018

خواجہ سعد رفیق کا کہنا تھا کہ جلسوں میں قوم کو سچ بتاتے ہیں، کبھی نہیں کہا ریلوے منافع میں ہے، محکمہ کی مالی حالت ماضی سے بدرجہ ہا بہتر ہے، 18 ارب روپے کمانے والا محکمہ 50 ارب کماٸی تک جا پہنچا ہے۔

ھم جلسوں میں قوم کو سچ بتاتے ھیں۔ کبھی نہیں کہا ریلوے منافع میں ھے۔ محکمہ کی مالی حالت ماضی سے بدرجہا بہتر ھے۔ 18 ارب روپے کمانے والا محکمہ 50 ارب کمائی تک جا پہنچا ھے۔

— Khawaja Saad Rafique (@KhSaad_Rafique) April 7, 2018

ایک اور ٹوئٹ میں انھوں نے کہا کہ ٹرینوں کےوقت اوراندرونی حالت میں بہتری آئی، کارکردگی جانچنےکاپیمانہ محض ایک آڈٹ رپورٹ نہیں ہوسکتی، آڈٹ اعتراضات ہرمحکمےکےبارےمیں ہوتےہیں، آڈٹ اعتراضات کامطلب کرپشن نہیں ہے۔

ٹرینوں کی پابندئِ وقت اور اندرونی حالت میں بہت بہتری آٸ ھے۔ پاک ریلویز کی کارکردگی جانچنے کا پیمانہ محض ایک آڈٹ رہورٹ نہیں ھو سکتی ۔آڈٹ اعتراضات ھمیشہ سے ھر محکمے کے بارے میں ھوتے ھیں ، اس کا مطلب کرپشن نہیں ھے

— Khawaja Saad Rafique (@KhSaad_Rafique) April 7, 2018

وزیر ریلوے کا کہنا تھا کہ ریلوے کارکردگی بارے عدالتی ریمارکس سے دلی دکھ ہوا ہے، وہ معزز عدالت کو پانچ سالہ کارکردگی پر بریف کرنے کے لئے ہر وقت حاضر ہیں، اچھی کارکردگی پر شاباش کی بجائے ڈانٹا جائے تو دل ٹُوٹتے ہیں۔

ریلوے کارکردگی بارے عدالتی ریمارکس سے دلی دکھ ھوا ھے۔ معزز عدالت کو پانچ سالہ کارکردگی پر خود بریف کرنے کے لئے ھر وقت حاضر ھوں۔ کارکردگی رپورٹ سُنی گئ تو انشا اللہ عدالت سے شاباش لے کر آئیں گے۔

— Khawaja Saad Rafique (@KhSaad_Rafique) April 7, 2018

---

خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

لاہور : وفاقی وزیر ریلوے خواجہ سعد رفیق کا کہنا ہے کہ نوازشریف اور ساتھیوں کے ساتھ ناانصافی کی جارہی ہے، عمران اورزرداری ہمارے ساتھ شوق سے لڑیں مگرجمہوریت سے نہ لڑیں۔

تفصیلات کے مطابق وفاقی وزیر ریلوے خواجہ سعد رفیق نے سماجی رابطے کی ویب سائٹ ٹوئٹر پر اپنے بیان میں کہا کہ نوازشریف اوران کے ساتھیوں کے ساتھ مسلسل ناانصافی کی جارہی ہے، انصاف اور احتساب کا سارا کھیل غیر شفاف اور جانبدارانہ ہے۔

نواز شریف اور ان کے ساتھیوں کے ساتھ مسلسل ناانصافی کی جا رھی ھے۔ انصاف اور احتساب کا سارا کھیل غیر شفاف اور جانبدارانہ ھے۔

— Khawaja Saad Rafique (@KhSaad_Rafique) April 5, 2018

خواجہ سعد رفیق کا ایک اور ٹوئٹ میں کہنا تھا کہ نیب کا اصل کام تفتیش ہے یا تشہیر؟یہ دنیا کی انوکھی تفتیش ہے، جس میں مراسلہ بعد میں ملتا ہے، خبر پہلے جاری ہوتی ہے۔

نیب کا اصل کام تفتیش ھے یا تشہیر؟یہ دنیا کی انوکھی تفتیش ھے جسمیں مراسلہ بعد میں ملتا ھے خبر پہلے جاری ھوتی ھے۔ کچھ ثابت نہ ھوا تو میڈیا ٹرائل کا ذمہ دار کون ہو گا ۔۔؟؟

— Khawaja Saad Rafique (@KhSaad_Rafique) April 5, 2018

وفاقی وزیر نے کہا کہ کچھ ثابت نہ ہوا تومیڈیا ٹرائل کا کون ذمہ دارہوگا، ہمیں رسواکروانے والوں کوکچھ حاصل نہیں ہوگا، ایک دوسرے کی تضحیک سب کولے ڈوبے گی۔

ھمیں رُسوا کروانے والوں کو کچھ حاصل نہیں ھو گا، ایک دوسرے کی تضحیک سب کو لے ڈُوبے گی ۔ مُلکی سالمیت باھمی اتحاد اور آئین کی حکمرانی سے مشروط ھے

— Khawaja Saad Rafique (@KhSaad_Rafique) April 5, 2018

ان کا کہنا تھا کہ عمران اور زرداری ہمارے ساتھ شوق سے لڑلیں مگر جمہوریت کو نہ لڑیں، عمران اور زرداری کے حملے جمہوری نظام کو اور کمزور بنا رہے ہیں۔

عمران اور زرداری ھمارے ساتھ شوق سے لڑلیں مگر جمہوریت کو نہ لڑیں ۔ عمران اور زرداری کے حملے جمہوری نظام کو اور کمزور بنا رھے ھیں۔

— Khawaja Saad Rafique (@KhSaad_Rafique) April 5, 2018

---

مزید پڑھیں : ہم بدلے والے لوگ نہیں ہیں، معاف کرنے والے ہیں، سعد رفیق 

---

یاد رہے کہ چند روز قبل خواجہ سعد رفیق کا ایک ٹوئٹ میں کہنا تھا کہ ہم لڑائی نہیں کریں گے، ہمیں ڈنڈے سوٹے پکڑ کے مخالفین سے لڑنا نہیں ہے، فیصلہ اوپر اللہ نے اور نیچے عوام نے کرنا ہے، ہم بدلے والے لوگ نہیں ہیں، معاف کرنے والے ہیں، ہمیں تو مار مار کے ہمارے بدن کالے کر دیئے گئے مگر ہم نے بدلہ نہیں لیا۔

انہوں نے مزید کہا کہ اس وقت سے ڈریں کہ اللہ کا فیصلہ بہت سخت ہوتا ہے، ہمیں کوئی ڈر ور نہیں ہے ہم نے ماں باپ کی قربانی دی ہے، بہت جیلیں کاٹی ہیں، اب اور بھی کاٹ لیں گے مگر ملک کا تماشا لگ جائے گا،۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

لاہور : وفاقی وزیر ریلوے خواجہ سعد رفیق کا کہنا ہے کہ عمران خان کسی شہر کے میئرنہیں بن سکتے اور کہتے ہیں کہ انہیں وزیراعظم بنادیاجائے، کھڑے رہیں تو مارتے ہیں جواب دیں گے تو کہتے ہیں گستاخ ہو۔

تفصیلات کے مطابق لاہور میں میڈیا سے گفتگو کرتے ہوئے وفاقی وزیر ریلوے خواجہ سعد رفیق نے کہا کہ ہم ووٹ مانگتےہیں اورلوگ دیتے ہیں، اس کا ایک مقصد تو ہوگا، ووٹ کی طاقت سے ہم اپنا ملک کا نظام چلاتے ہیں اور ووٹ سےنمائندےاورمشکلات حل کی جاتی ہیں۔

خواجہ سعدرفیق کا کہنا تھا کہ یہ لوگ دھرنے نہ دیتے ہمیں کام کرنےدیتے اور ہم پر ہر وقت تنقید نہ کرتے تو آج لوڈشیڈنگ کا  100فیصد خاتمہ ہوتا، روز ٹی وی پرگالیاں دیتے ہیں،لوگ احتجاج اورسڑکیں بند کرتے ہیں۔

وزیر ریلوے نے کہا کہ ہمیں بولنے کی اجازت تک نہیں دی جاتی، ساری زندگی کام کیااب یہ کام چھوڑبھی نہیں سکتےہیں، کھڑے رہیں تو مارتے ہیں جواب دیں گے تو کہتے ہیں گستاخ ہو۔

---

مزید پڑھیں : مجھے پاکستان کا کرپٹ ترین شخص بناکر پیش کیا جارہا ہے: خواجہ سعد رفیق

---

ان کا کہنا تھا کہ پاکستان میں ایل این جی لے کر آئے ہیں، لاہور کے حالات بدل گئے مگر کراچی کےحالات وہی ہیں، پنجاب کےاسپتالوں میں صرف پنجاب کے مریض نہیں ہوتے، کےپی،سندھ سمیت پورے پاکستان کے مریض آتے ہیں۔

سعدرفیق نے کہا کہ عمران خان اورزرداری نے اپنے صوبوں میں اسپتال نہیں بنائے، لوگوں نے پیپلزپارٹی کوفارغ کردیا ہے، اب برادری،رشتہ داری پر نہیں کام پر ووٹ ملتا ہے، اب جھوٹے الزامات لگا کر ووٹ نہیں ملتا۔

وفاقی وزیر  ریلوے کا مزید کہنا تھا کہ نوازشریف اور ہمیں عدالتوں میں گھسیٹاجارہاہے آپس کی لڑائی میں ہم سب ہارجائیں گے، گھرکی لڑائی کو ختم کر کے آئین کے دائرے میں رہ کرکام کریں۔

انھوں نے کہا کہ ہمیں صرف اس لیے گھسیٹا جارہاہے تاکہ عوام ہم سےمتنفرہوجائیں۔ بھٹو کو پھانسی دی گئی تو پیپلزپارٹی مزید مضبوط ہوئی۔ زرداری کراچی کا کچرا اٹھالیں،عمران کچھ نہ کریں کم از کم پشاورکے چوہے ہی مار لیں، عمران خان کسی شہر کے میئرنہیں بن سکتے اور کہتے ہیں کہ انہیں وزیراعظم بنادیاجائے۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اسلام آباد : وفاقی وزیر ریلوے خواجہ سعد رفیق کا کہنا ہے کہ شیر کومقدمات میں الجھانے کا فائدہ نہیں ، شیر زنجیر یں توڑ کر واپس آئے گا، نوازشریف کو جتنا دبا یا جارہا اتنا وہ ابھرتے جارہے ہیں، ملک کےفیصلے چند لوگ نہیں عوام کریں گے۔

تفصیلات کے مطابق وفاقی وزیر ریلوے خواجہ سعد رفیق نے میڈیا سے گفتگو کرتے ہوئے کہا کہ سیاست بہت طاقت ور چیز ہے ، نواز شریف کو پھنسا کر محبت کو ختم نہیں کیا جاسکتا ، نوازشریف کے آنے سے ترقی کا طوفان آتا ہے، اس لئے لوگ نہیں چھوڑتے، ملک کو ایٹمی طاقت بنایا، موٹروے نواز شریف نے بنوائیں ، آج میٹرو صرف لاہور نہیں پنڈی،ملتان میں بھی موجود ہے۔

خواجہ سعد رفیق کا کہنا تھا کہ عمران خان کو بھی کام کرنا چاہئے تھا ، کراچی کا بیڑا غرق ہوگیا ہے ، سب سے زیادہ ورکنگ ویمن کراچی میں ہیں ، کراچی میں خواتین کو کوئی سہولتیں میسر نہیں۔

وزیرریلوے نے کہا کہ پاکستانیوں کو انصاف ملتا ہے نہ روزگار اور نہ تحفظ ملتا ہے ، 70سال ہوگئے کب تک دھکے کھائیں گے ، ملک کو آگے لیکرجانا ہے، ایل این جی آنے کے بعد یہ قطاریں ختم ہوئیں ، لوگوں کی مرضی سے پاکستان چلے گا اور تبدیلی ووٹوں سے آئے گی۔

انکا کہنا تھا کہ ہم نے لاہور اور ملتان کو بدلا ہے،کراچی ،پشاور،کوئٹہ کوبھی بدلیں گے، لوگوں کی بے عزتی سے ملک نہیں چلتے ، منہ بندکرنے کی روایت ختم ہونی چاہئے، ہم نے ملک کے بیمار اداروں کو کھڑا کیا ،یہ لوگ باولے ہوگئے ہیں، چور ملک کی تقدیر نہیں بدل سکتے۔

---

مزید پڑھیں :  منصفو اورمحتسبو! اب بس بھی کردو ،خدارا پاکستان کوچلنے دو، سعد رفیق

---

مسلم لیگ ن کے رہنما نے عدلیہ پر پھر تنقید کرتے ہوئے کہا کہ نوازشریف کو اس لئے نکالا گیا کہ انہوں نے ڈکیٹیشن لینے سے انکار کیا، ملک کےفیصلے چند لوگ نہیں عوام کریں گے، ڈاکو چور ڈیکلیئر کئے جانے کا سلسلہ اب بند ہونا چاہیئے۔

سعد رفیق کا کہنا تھا کہ نواز شریف کواس لئے نکالاگیا کیوں کہ وہ کہتے ہیں ووٹ کی حرمت مانو، پاکستان آج خطر ے میں ہے ،ملک کا نام گر ے لسٹ میں ڈال دیا گیا، 2018میں ن لیگ دوتہائی اکثریت سے واپس آئے گی ، واپس آکر بھی تصادم نہیں ملک کی ترقی چاہتے ہیں۔

انھوں نے مزید کہا کہ انشا اللہ آپ کو روشن پاکستان دیں گے ، کوئی آپ کو تنگ نہیں کرے نہ ہی ہراساں کرے گا، عوام ووٹ سنجیدہ لوگوں کو دیں ، آپس کا جھگڑا پاکستان کو پیچھے لےکر جائے گا ، ضروری ہے ادارے اپنی اپنی ذمہ داری کا احساس کریں۔

وزیرریلوے نے کہا کہ شیر کومقدمات میں الجھانے کا فائدہ نہیں ، شیر زنجیر یں توڑ کر واپس آئے گا ، ماضی میں شیر کوہائی جیکر بنادیاکسی نے مانا؟ کوئی نہیں مانتا، تاریخ سےسبق سیکھا جائےمرضی کی سیاسی جماعتیں بنادیتے ہیں، نوازشریف کو جتنا دبا یا جارہا اتنا وہ ابھرتے جارہے ہیں۔

خواجہ سعد رفیق کا کہنا تھا کہ سیاستدان کو قبرمیں گاڑ دوں وہ وہاں سےبھی سیاست کرتاہے، لڑیں گے تو کھائی میں سب ہی گریں گے ،کوئی پہلے تو کوئی بعد میں ، افواج پاکستان اور ان کی قربانیوں کی عزت کی جائے۔

---

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔