Tag: خواجہ سہیل منصور

اسلام آباد / کراچی : متحدہ قومی موومنٹ پاکستان کے ایم اے این خواجہ سہیل منصور نے کہا ہے کہ فیصل واوڈا کنفیوزڈ انسان ہیں، تمام الزامات مسترد کرتا ہوں، انہوں نے ایمنسٹی اسکیم کے حوالے سے احتجاجاً مستعفی ہونے کا بھی اعلان کیا۔

تفصیلات کے مطابق ایم کیوایم پاکستان کے رکن قومی اسمبلی خواجہ سہیل منصور نے کہا ہے کہ فیصل واوڈا کی جانب سے لگائے جانے والے تمام الزامات جھوٹے ہیں۔

فیصل واوڈا کنفیوزڈ انسان ہیں، منی لانڈرنگ سے متعلق کے کے ایف سے وابستہ تمام ٹرسٹیز اور ارکان اسمبلی کی انکوائری پہلے ہی سے جاری ہے اس میں کوئی نئی بات نہیں, انہوں نے کہا کہ عمران خان فیصل واوڈا کی باتوں کا نوٹس لیں یا پھر کراچی آنا چھوڑ دیں، کراچی والے بدتمیز لوگوں کو لفٹ نہیں کراتے۔

فیصل واوڈا کو مناظرے کاچیلنج دیتے ہوئے ان کا مزید کہنا تھا کہ فیصل واوڈا کو45،مجھے صرف15منٹ دئیے جائیں، میرا اور فیصل واوڈا کا15سالہ ریکارڈ لے آئیں سب پتہ چل جائیگا, نیب اور ایف آئی اے سے کہتا ہوں کہ وہ بھی ریکارڈ سامنے لے آئیں.

خواجہ سہیل منظور نے کہا کہ وہ پہلے بھی اس قسم کے الزامات لگاتے رہے ہیں مگر آج تک کچھ ثابت نہ کرسکے، فیصل واوڈا ماضی میں ٹکٹ کیلئے نائن زیرو کےچکر لگایا کرتے تھے۔

واضح رہے کہ پی ٹی آئی کراچی کے رہنما فیصل واوڈا نے پریس کانفرنس میں الزام عائد کیا ہے کہ متحدہ کے ایم این اے خواجہ سہیل منصور نے خدمت خلق کمیٹی کا چیک کیش کرایا ہے، یہ لوگ فاروق ستار کےساتھ گیم کر رہے ہیں، ایسی چیزیں سامنے لاؤں گا کہ ان کی سیاست ہی تبدیل ہوجائے گی اور کچھ لوگوں کو منہ چھپانے کی جگہ بھی نہیں ملے گی۔

ایمنسٹی اسکیم : خواجہ سہیل کا قومی اسمبلی سے مستعفی ہونے کا اعلان

علاوہ ازیں ایمنسٹی اسکیم کیخلاف ایم کیوایم کے رکن اسمبلی خواجہ سہیل نے احتجاج کرتے ہوئے اسمبلی سے مستعفی ہونے کا فیصلہ کرلیا ہے۔

 متحدہ قومی موومنٹ پاکستان کے ایم اے این خواجہ سہیل منصور کا کہنا تھا کہ ایوان میں یہ طے ہوا تھا کہ ایمنسٹی اسکیم پر ایک کمیٹی تشکیل دی جائے گی، تاحال اسپیکر نے کوئی ایکشن نہیں لیا۔

خواجہ سہیل منصور منی لانڈرنگ میں ملوث ہیں، فیصل واوڈا

انہوں نے کہا کہ کمیٹی نہ بنی تو اسمبلی کے اگلے سیشن میں اسپیکر کو استعفیٰ اور اپنا ستارہ امتیاز احتجاجاً پیش کردوں گا۔ انہوں نے مطالبہ کیا کہ چیف جسٹس ثاقب نثار ایمنسٹی اسکیم پر سوموٹو لیں۔