Tag: خودکشی کرلی

لاہور : میٹرک کے طالبعلم  نے کم نمبر آنے پر دلبرداشتہ ہوکر خودکشی کرلی، پولیس اور فارنزک ٹیم نے شواہد اکٹھے کر کے کارروائی شروع کر دی ہے۔

تفصیلات کے مطابق صوبائی دارلحکومت لاہور میں میٹرک میں نمبرکم آنے پر طالبعلم نے پانی کی ٹنکی سے چھلانگ لگا کر زندگی کا خاتمہ کرلیا۔

پولیس نے بتایا کہ خودکشی کا واقعہ پڈانہ گاؤں میں پیش آیا، جہاں طالبعلم نے پانی کی ٹینکی میں چھلانگ لگائی۔

حکام کا کہنا تھا کہ 15سالہ ارسلان کی لاش کو اسپتال منتقل کردیا ہے اور فرانزک ٹیم نے شواہد اکھٹے کرلیے ہیں۔

خیال رہے کہ پنجاب کے 9 تعلیمی بورڈز کی جانب سے میٹرک کے امتحانات کے نتائج کا اعلان کیا گیا تھا، جن میں لاہور بورڈ بھی شامل ہے

فیصل آباد: بھڑولیاں والا میں زمیندار نے بیوی اور تین بیٹیوں کو قتل کرکے خودکشی کرلی۔

تفصیلات کے مطابق  فیصل آباد کے علاقے ڈجکوٹ میں بھڑولیاں والا میں میاں بیوی نے 3 بچیوں کو قتل کے بعد خودکشی کرلی، پولیس حکام کا کہنا ہے کہ خودکشی کرنے والے شخص کی شناخت طاہر کے نام سے ہوئی ہے۔

پولیس حکام کے مطابق طاہر اور اسکی بیوی ناہید نے غربت اور قرض سے تنگ آ کر اقدام کیا، طاہر نے مختلف افراد سے 3 لاکھ روپے ادھار لے رکھے تھے، قرض کی رقم واپس نہیں کرسکتا تھا اس لیے بیٹیوں کو قتل کیا اور خودکشی کی۔

فیصل آباد پولیس کا بتانا ہے کہ بیٹیوں کے قتل کے بعد میاں بیوں نے خودکشی کی،  طاہر نے بیٹیوں کو مارنے اور خودکشی سے پہلے خط بھی تحریر کیا۔

خط میں طاہر نے لکھا کہ بیوی بچوں کی کفالت نہ کر سکتا تھا اس وجہ سے یہ قدم اٹھا رہا ہوں، اگر کوئی قرض مانگے تو میرا گھر بیچ کر ادا کر دینا اہلخانہ کو اس لئے قتل کیا تاکہ بہن بھائیوں پر مالی بوجھ نہ پڑے، میرے بعد میری بیٹیاں کہاں جاتیں، لوگوں نے انہیں برا بھلا کہنا تھا۔