ایمسٹرڈیم: انصاف کے طلب گار نیدر لینڈ کے 60 سالہ بزرگ شہری نے حکومتی رویے سے تنگ آکر ڈچ پارلیمنٹ میں اجلاس کے دوران خودکشی ارادے سے پبلک گیلری سے چھلانگ لگادی۔

مقامی میڈیا کے مطابق ایمسٹرڈیم کی پارلیمنٹ میں جمعرات کے روز اجلاس جاری تھا کہ اس دوران راہداری میں کھڑے ایک شخص نے اچانک چیختے چیختے چھلانگ لگا دی جس کے نتیجے میں وہ شدید زخمی ہوگیا۔

عینی شاہدین کا کہنا ہے کہ مذکورہ شخص خود کشی کی کوشش کرنے سے قبل حکومت کے خلاف شدید احتجاج کیا اور اراکین اسمبلی تک اپنی بات پہنچانے کی بھی کوشش کی مگر وہ ناکام رہا۔

واقعے سے متعلق ایک ویڈیو جاری کی گئی ہے جس میں دیکھا جاسکتا ہے کہ اجلاس کے دوران رکن اسمبلی اسپیکر کو جرائم کے حوالے سے تفصیلات بذریعہ تقریر تفصیلات فراہم کررہے تھے کہ اچانک زور دار آواز آئی۔

مزید پڑھیں: بیٹی کی بغیر اجازت شادی، باپ کی فیس بک پر براہ راست خودکشی

ویڈیو میں دیکھا جاسکتا ہے کہ رکن اسمبلی پوڈیم یہ منظر دیکھ کر دنگ رہ گئے اور دیگر لوگوں کے ساتھ مل کر زخمی شخص کے پاس پہنچے تاکہ اُس کی زندگی کو کسی طرح بچایا جاسکے۔

مقامی میڈیا کے مطابق مذکورہ شخص نشے کا عادی ہے اور اُس نے گذشتہ کئی عرصے اسمبلی کے باہر بھی احتجاج کی مگر اُس کی شنوائی نہیں ہوسکی جس کے بعد اُس نے مایوس ہوتے ہوئے پہلی بار خود کشی کی کوشش کی۔

خودکشی کی کوشش کرنے والے شہری کو جائے وقوعہ پر ہی ابتدائی طبی امداد فراہم کی گئیں تاہم کچھ ہی دیر میں ایمبولینس طلب کر کے انہیں اسپتال منتقل کیا گیا جہاں انہیں انتہائی نگہداشت وارڈ میں داخل کیا گیا۔

یہ بھی پڑھیں:  بھارتی اداکارہ مومیتا ساہا نے خودکشی کرلی

ڈاکٹرز نے زخمی بزرگ شخص کے کچھ ٹیسٹ کروائے جس میں یہ بات سامنے آئی کہ مذکورہ شخص نشے کا عادی ہے اور جس وقت اُس نے چھلانگ لگا کر خودکشی کی کوشش کی وہ اُس وقت بھی نشے میں ہی تھا۔

ایکسرے رپورٹ میں یہ بات سامنے آئی کہ گورلینوں کے رہائشی بزرگ کے گلے اور کمر میں شدید چوٹیں آئیں جس کی وجہ سے ڈاکٹر نے اسپتال میں ہی داخل کرلیا۔

مقامی میڈیا کے مطابق خودکشی کی کوشش کرنے والا شخص  گذشتہ کئی ہفتوں سے اسمبلی کے باہر اپنے مطالبات منوانے کے لیے احتجاج پر بیٹھا تھا تاہم جب اعلیٰ حکام کی جانب سے اُسے توجہ نہ دی گئی تو اُس نے حکومتی رویے سے عاجز آکر اسمبلی میں ہی خودکشی کی کوشش کی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔