بغداد : عراق کے ایک گاؤں میں شادی کی تقریب کے دوران دو خودکش دھماکوں کے نتیجے میں کم ازکم 26افراد جان کی بازی ہارگئے۔

تفصیلات کےمطابق عراق کےشہر تکریت کے نزدیک ایک گاؤں میں شادی کی تقریب کےدوران دو خودکش حملہ آوروں نے خودکو دھماکہ خیز مواد سے اڑا لیا جس کےباعث 26افراد ہلاک اور متعدد زخمی ہوگئے۔

شادی کی تقریب میں کیے جانے والے دونوں خودکش دھماکوں کی ذمہ داری دہشت گرد تنظیم دولت اسلامیہ نے قبول کرلی ہے۔

خیال رہےکہ داعش نے 2014 میں تکریت سمیت شمالی اور وسطی عراق کے بڑے علاقے پر قبضہ کر لیا تھا لیکن اپریل 2015 میں عراقی افواج نے انہیں نکال باہر کیاتھا۔

داعش کی جانب سے یہ حمہ ایک ایسے وقت میں کیا گیاہےجب عراقی فورسز موصل میں داعش کے خلاف آپریشن میں مصروف ہے اورشہر کے ایک حصے کا کنٹرول عراقی فوج کی جانب سے حاصل کرلیاگیاہے۔

مزید پڑھیں:بغداد میں خودکش دھماکہ‘کم ازکم 48افراد ہلاک

اس سے قبل گزشتہ ماہ عراقی دارالحکومت بغداد میں ہونے والے بم دھماکے میں کم از کم 48افراد ہلاک جبکہ درجنوں افراد زخمی ہوگئےتھے۔

مزید پڑھیں: بغداد : شادی کی تقریب میں دھماکہ ،درجنوں افراد ہلاک

واضح رہےکہ گزشتہ سال نومبر میں عراق کے دارالحکومت بغداد میں ایک شادی کی تقریب میں ہونے والے خود کش کار بم دھماکے میں کم سے کم 40 افراد ہلاک ہوگئےتھے۔

بغداد: عراق کے دو شہروں میں ایمبولینس کے ذریعے کیے جانے والے دھماکوں میں کم از کم 21 افرادجاں بحق ہو گئے۔

تفصیلات کےمطابق پہلا دھماکہ موصل سے 200 کلو میٹر دور عراق کے شہر تکریت میں ہوا جس میں خودکش حملہ آور نے بارود سے بھری ایمبولینس کو ایک چیک پوسٹ پر کھڑی گاڑیوں کے درمیان دھماکے سے اڑا دیا۔

دوسرا دھماکہ عراق کے شہر سمارا میں ہوا خودکش حملہ آور نے دھماکہ خیز مواد سے بھری ایمبولینس کو العسکری مسجد کی کار پارکنگ میں دھماکے سے اڑایا دیا۔

العسکری مسجد کی کار پارکنگ شیعہ مسلک کے زائرین کے لیے مختص تھی جبکہ دھماکے میں جاں بحق ہونے والوں میں ایرانی شہری بھی شامل ہیں۔

عراق میں یہ دھماکے ایک ایسے وقت ہوئے ہیں جب ملک میں سیکیورٹی فورسز اور اس کے اتحادی موصل میں آپریشن کر رہے ہیں جو عراق میں دولتِ اسلامیہ کا آخری مضبوط گڑھ سمجھا جاتا ہے۔

عراق کےشہر تکریت اور سمارا میں کیے جانے والے دونوں دھماکوں کی ذمہ داری دہشت گرد تنظیم داعش نے قبول کرلی ہے۔

مزید پڑھیں:داعش کے جنگجوزندگی چاہتے ہیں تو ہتھیار ڈال دیں،عراقی وزیراعظم

یاد رہے کہ گزشتہ روز عراقی وزیر اعظم حیدر العبادی کاشہر کے مشرقی مورچے کے دورے کے دوران کہناتھا کہ دولت اسلامیہ کےجنگجواگرزندہ رہناچاہتے ہیں تو ہتھیار ڈال دیں۔

واضح رہے کہ عراقی وزیر اعظم حیدر العبادی نے موصل کے عوام کے لیے اپنے پیغام میں کہاتھاکہ ہم آپ کو جلد ہی آزاد کرا لیں گے۔