Tag: خورشید شاہ

کراچی: پیپلزپارٹی کی قیادت خورشید شاہ کے نگران وزیراعظم انوار الحق کاکڑ سے متعلق بیان دینے پر برہم ہوگئی۔

اے آر وائی نیوز کے مطابق پیپلزپارٹی کی قیادت خورشید شاہ کے نگران وزیراعظم انوار الحق کاکڑ سے متعلق بیان دینے پر برہم ہوگئی ساتھ ہی خورشید شاہ سے بیان پر جواب طلب کرلیا۔

پیپلز پارٹی ذرائع کے مطابق پارٹی قیادت نے خورشید شاہ کو اپنی پوزیشن واضح کرنے کی ہدایت کی ہے، دوسری جانب خورشید شاہ نے پارٹی قیادت کو اپنے بیان پر وضاحت پیش کر دی۔

بہتر ہوتا نگران وزیراعظم کے لیے کسی اور کا انتخاب کرتے، خورشید شاہ

ذرائع کا بتانا ہے کہ معاملے کے پیش نظر پیپلزپارٹی کو ترجمانوں سے بیان جاری کرانا پڑا، خورشید شاہ نے نگران وزیراعظم کے بارے میں بیان پارٹی قیادت سے بغیر اجازت دیا۔

ذرائع کا بتانا تھا کہ نگران وزیراعظم سے متعلق خورشید شاہ کا بیان پارٹی پالیسی کے منافی تھا، پی پی قیادت نے رہنماوں کو نگران وزیراعظم سے متعلق بیان بازی سے روک دیا۔

ذرائع کے مطابق پارٹی قیادت نے خورشید شاہ کو کہا کہ نگران وزیراعظم کا معاملہ حساس ہے اس لیے غیر ضروری بیانات نہ دیئے جائیں۔

واضح رہے کہ خورشید شاہ نے کہا تھا کہ انوا رالحق کاکڑ کا نام سینیٹ سے لیا گیا، ہماری توجہ اس طرف نہیں تھی، بہتر ہوتا کہ ہم نگران وزیراعظم کے لیے کسی اور شخص کا انتخاب کرتے، ہمیں علم نہیں تھا کہ انوار الحق کاکڑ کا نام آئے گا۔

پیپلز پارٹی کے سینئر رہنما خورشید شاہ نے کہا ہے کہ بہتر ہوتا کہ ہم نگران وزیراعظم کے لیے کسی اور شخص کا انتخاب کرتے، علم نہیں تھا انوار الحق کا نام آئے گا۔

اے آر وائی نیوز کے مطابق خورشید شاہ نے کہا کہ انوا رالحق کاکڑ کا نام سینیٹ سے لیا گیا، ہماری توجہ اس طرف نہیں تھی، بہتر ہوتا کہ ہم نگران وزیراعظم کے لیے کسی اور شخص کا انتخاب کرتے، ہمیں علم نہیں تھا کہ انوار الحق کاکڑ کا نام آئے گا۔

انھوں نے کہا کہ انوارالحق کاکڑ صاف شفاف الیکشن یقینی بنانے میں کامیاب ہوئے تو یاد رکھا جائے گا، پی پی نے کمیٹی کے ساتھ مل کر نگران وزیراعظم کے حوالے سے 5 نام دیے تھے، انوا رالحق کاکڑ کا نام سینیٹ سے لیا گیا۔

پی پی رہنما نے کہا کہ سلیم عباس، جلیل عباس، محمد مالک اور کے پی سے افضل خان کا نام دیا تھا، نگران وزیراعظم کے لیے جہاں سے بھی نام آیا ہمیں امید اچھے کی رکھنی چاہیے۔

خورشید شاہ نے کہا کہ نگران حکومت کے اختیارات میں اضافے کا بل منظور ہوا، بل منظوری سے انتخابات میں تاخیر کے خدشات تو پہلے دن سے ہیں

کرچی : وفاقی وزیر خورشید شاہ نے معیشت بچانے کا فارمولہ پیش کردیا اور کہا معیشت بچانے کا حل وقت پرالیکشن ہیں۔

تفصیلات کے مطابق وفاقی وزیرخورشیدشاہ نے اے آر وائی نیوز سے خصوصی گفتگو کرتے ہوئے کہا کہ گیارہ سے تیرہ اگست تک اسمبلیاں تحلیل ہوجائیں گی اگر مدت بڑھائی تو معیشت تباہ ہوجائےگی۔

خورشیدشاہ کا کہنا تھا کہ معیشت بچانے کا حل وقت پرالیکشن ہیں ، انتخابات وقت پر ہونے چاہیے کیونکہ ملک مزید تجربوں کا متحمل نہیں ہو سکتا۔

9 مئی کے واقعات کے حوالے سے سوال پر انھوں نے کہا کہ چیئرمین پی ٹی آئی 9 مئی واقعات کا ماسٹرمائنڈ ہے۔

وفاقی وزیر کا تحریک انصاف سے متعلق کہنا تھا کہ پی ٹی آئی کو شاہ محمود قریشی کی صورت میں لیڈر مل سکتا ہے۔

کالاباغ ڈیم کے حوالے سے انھوں نے کہا کہ کالاباغ ڈیم کو بھول جائیں، ہنگامی بنیادوں پرمزید ڈیم بنانے ہوں گے ، کالاباغ ڈیم کو ایشو بنا کر سندھ اور پنجاب میں نفرتیں پھیلائی گئیں، نفرتیں پھیلانے سے ملک کوناقابل تلافی نقصان پہنچا لیکن اب ہمیں ہنگامی بنیادوں پر ڈیم بنانے ہوں گے۔