Tag: خورشید شاہ

اسلام آباد: احتساب عدالت نے آمدن سے زائد اثاثہ جات کیس میں گرفتار پیپلزپارٹی کے رہنما خورشید شاہ کا دو روزہ راہداری ریمانڈ منظور کرلیا۔

تفصیلات کے مطابق آمدن سے زائد اثاثہ جات کیس میں گرفتار پی پی رہنما خورشید شاہ کو آج احتساب عدالت میں پیش کیا گیا جہاں نیب کی جانب سے خورشید شاہ کا 7 روزہ راہداری ریمانڈ دینے کی استدعا کی گئی۔

عدالت میں سماعت کے دوران نیب پراسیکیوٹر نے دلائل دیتے ہوئے کہا کہ سکھرمیں خورشید شاہ کا کیس چل رہا ہے۔

معزز جج نے استفسار کیا کہ 7روزکا راہداری ریمانڈ کیوں چاہیے، نیب پراسیکیوٹر نے جواب دیا کہ فلائٹ پرٹکٹ میسر نہیں ہے، احتساب عدالت کے جج نے استفسار کیا کہ سکھر جانے میں کتنا وقت لگتا ہے؟۔ نیب پراسیکیوٹر نے جواب دیا کہ سکھر جانے کے لیے 2 گھنٹے لگتے ہیں۔

بعدازاں عدالت نے خورشید شاہ کو 21 ستمبر تک سکھر کی متعلقہ عدالت میں پیش کرنے کا حکم دے دیا۔

خورشید شاہ کی گرفتاری، سکھر میں شرپسند عناصر کی ہنگامہ آرائی

یاد رہے کہ گزشتہ روز آمدن سے زائد اثاثہ جات کیس میں نیب راولپنڈی اور سکھر نے مشترکہ کارروائی کرتے ہوئے پی پی رہنما خورشید شاہ کو گرفتار کیا تھا۔

اسلام آباد: چیئرمین پیپلزپارٹی بلاول بھٹو نے نیب پر کڑی تنقید کی ہے اور نیب کو کالا قانون قرار دے دیا۔

تفصیلات کے مطابق چیئرمین پیپلزپارٹی بلاول بھٹو نے کہا ہے کہ آج ایگزیکٹو کمیٹی کا اجلاس ہوا، آئندہ کا لائحہ عمل طے کیا گیا، گزشتہ روز سابق اپوزیشن لیڈر اور ایم این اے خورشید شاہ کو نیب نے گرفتار کیا۔

بلاول بھٹو نے کہا کہ نیب سے متعلق پیپلزپارٹی کا موقف واضح ہے، نیب کالا قانون ہے، عوام کی توجہ ہٹانے کے لیے نیب کو استعمال کیا گیا، مقبوضہ کشمیر سے متعلق سیاسی رہنماؤں کی اہم کانفرنس جاری تھیں، کانفرنس کے موقع پر خورشید شاہ کو گرفتار کیا گیا۔

انہوں نے کہا کہ کشمیر کے لیے ہم سب کچھ کرنے کو تیار ہیں، اس وقت وزیراعظم عمران خان کو عالمی سطح پر مقبوضہ کشمیر کے لیے سب کو متحد کرنا چاہئے تھا، ہمیں آپس میں لڑنے کے بجائے ایک ہوکر کشمیریوں کے لیے آواز اٹھانی چاہئے تھی۔

بلاول بھٹو نے کہا کہ پیپلزپارٹی کی جانب سے احتجاج کا لائحہ عمل طے کرلیا گیا ہے، معاشی پروگرام ہی ملکی مسائل کا حل ہے۔

چیئرمین پیپلزپارٹی نے کہا کہ مولانا فضل الرحمان کے دھرنے کا اخلاقی حمایت کا اعلان کیا ہے، دھرنے سے متعلق کچھ تحفظات کا اظہار کیا تھا جس پر جواب نہیں ملا، آج بھی کہتے ہیں فضل الرحمان کے دھرنے کی اخلاقی اور سیاسی حمایت کرتے ہیں۔

بلاول بھٹو نے کہا کہ پارٹی رہنماؤں کو کہتا ہوں کہ فضل الرحمان سے ملاقات کرکے معاملات حل کریں، مولانا فضل الرحمان کے چارٹر میں کچھ مطالبات شامل کرانا چاہتے ہیں۔

انہوں نے کہا کہ سب کے لیے یکساں احتساب اور یکساں نظام چاہتے ہیں، چاہتے ہیں جوڈیشل ریفارمز کی جائیں، عدلیہ ریفارم ہمارا پہلے بھی مطالبہ تھا اور اب بھی یہی مطالبہ ہے۔

بلاول بھٹو نے کہا کہ پیپلزپارٹی آج بھی کہتی ہے ملک کے لیے سب کے ساتھ کام کرنے کو تیار ہیں، پیپلزپارٹی مذہب کے نام پر سیاست کی حمایت نہیں کرتی، ہماری جماعت پارلیمانی سیاست کرتی ہے اور کرتی رہے گی۔

سکھر: پیپلزپارٹی رہنما خورشید شاہ کی گرفتاری کے خلاف سکھر میں شرپسند عناصر نے ہنگامہ آرائی کرکے زبردستی دکانیں بند کرادیں۔

تفصیلات کے مطابق پیپلزپارٹی رہنما خورشید شاہ کی گرفتاری کے خلاف شرپسند عناصر سڑکوں پر نکل آئے، منارہ روڈ پر ٹائروں کو آگ لگادی گئی جس کے سبب ٹریفک معطل ہوگیا۔

سکھر میں کسی بھی ناخوشگوار واقعے سے نمٹنے کے لیے سیکیورٹی الٹ جاری کردیا گیا۔

سکھر میں امن و امان برقرار رکھنے کے لیے شہر کے مختلف مقامات پر پولیس اہلکار تعینات کردئیے گئے، ایس ایس پی سکھر نے روڈ بلاک اور بازار بند کرانے والوں کے خلاف ایف آئی آر درج کرنے کا حکم دے دیا۔

ایس ایس پی سکھر کا کہنا ہے کہ شہر کا امن خراب کرنے والوں سے سختی سے نمٹا جائے گا۔

واضح رہے کہ آمدن سے زائد اثاثہ جات کیس میں نیب راولپنڈی اور سکھر نے مشترکہ کارروائی کرتے ہوئے پی پی رہنما خورشید شاہ کو گرفتار کیا تھا۔

خیال رہے کہ 30 اگست 2019 کو نیب نے پاکستان پیپلز پارٹی کے سینئر رہنما خورشید شاہ سے اثاثوں کی تفصیلات طلب کی تھیں.
آمدن سے زائد اثاثہ جات اور منی لانڈرنگ کی تحقیقات کے سلسلے میں‌ خورشید شاہ کو سوال نامہ ارسال کیا گیا تھا۔

اسلام آباد: قومی احتساب بیورو کی جانب سے انکوائریز کے بعد پی پی رہنما خورشید شاہ کو ایک اور مشکل کا سامنا ہے۔

تفصیلات کے مطابق نیب نے خورشید شاہ کمیٹی کی جانب سے مستقل کیے گئے ملازمین کی تمام تفصیلات طلب کر لی ہیں، ذرایع کا کہنا ہے کہ تمام وزارتوں کو ملازمین سے متعلق فیصلوں کی تفصیلات فراہم کرنے کی ہدایت کر دی گئی۔

وزارتوں کو خط لکھ کر کہا گیا ہے کہ عارضی ملازمین کو مستقل کرنے کی تفصیلات کل تک فراہم کی جائیں۔

ذرایع کا کہنا ہے کہ ملازمین کو مستقل کرنے پر تفصیلات انکوائری کمیشن کو بھیجی جائیں گی، خیال رہے کہ پی پی دور میں عارضی ملازمین کو مستقل کرنے سے متعلق نظر ثانی کمیٹی قائم کی گئی تھی۔

تازہ خبریں پڑھیں:  پچاس روڑ سے زائد خرد برد نیب کیس پر صرف سی کلاس ملے گی: فروغ نسیم

پیپلز پارٹی کے سینئر رہنما خورشید شاہ نظر ثانی کمیٹی کے چیئرمین تھے، کمیٹی نے عارضی اور ڈیلی ویجز ملازمین کو مستقل کیا تھا۔

یاد رہے کہ گزشتہ ماہ کے آخر میں نیب نے آمدن سے زائد اثاثہ جات اور منی لانڈرنگ کی تحقیقات کے سلسلے میں‌ خورشید شاہ سے اثاثوں کی تفصیلات طلب کی تھیں، نیب نے 50 سے زاید محکموں سے بھی خورشید شاہ کے اثاثوں کی تفصیلات مانگیں۔

واضح رہے کہ آج وفاقی وزیر قانون بیرسٹر فروغ نسیم نے اعلان کیا کہ کرپشن کیسز میں گرفتار ملزمان کے مزے ختم ہو گئے ہیں، پچاس کروڑ سے زاید کرپشن کرنے والے کو صرف سی کلاس ملے گی، دیوانی مقدمات کا فیصلہ ڈیڑھ سال کے اندر ہوگا، اوورسیز پاکستانیوں کی جائیدادوں سے متعلق بھی قانون لایا جا رہا ہے۔