Tag: خوفناک آگ.

  • لانڈھی ایکسپورٹ پروسیسنگ زون میں خوفناک آگ، ریسکیو آپریشن جاری

    لانڈھی ایکسپورٹ پروسیسنگ زون میں خوفناک آگ، ریسکیو آپریشن جاری

    کراچی: لانڈھی ایکسپورٹ پروسیسنگ زون میں لگنے والی خوفناک آگ پر قابو نہ پایا جاسکا، آگ بجھانے کیلئے ریسکیو آپریشن جاری ہے۔

    تفصیلات کے مطابق لانڈھی ایکسپورٹ پروسیسنگ زون کی فیکٹریوں میں لگنے والی آگ بجھانے کے دوران ایک فیکٹری کا کچھ حصہ گرگیا جس کے باعث 5 افراد زخمی ہوگئے، زخمی ہونے والوں میں میں 3 ریسکیو اہلکار بھی شامل ہیں۔

    لانڈھی ایکسپورٹ پراسیسنگ زون میں خوفناک آتشزدگی ، 2 فیکٹریاں راکھ کا ڈھیر بن گئیں

    فائر بریگیڈ کا عملہ آگ بجھانےمیں مصروف ہے، 3 میں سے 2 فیکٹریاں انتہائی مخدوش قرار دے دی گئی ہیں، فائر فائٹرز کو اندر جانے سے روک دیا گیا ہے۔

    ریسکیو1122 نے بتایا کہ لانڈھی ایکسپورٹ پروسیسنگ زون میں واقع جن فیکٹریوں میں آگ لگی وہاں کیمیکل ہے، دیوار میں دراڑیں پڑگئیں۔

    https://urdu.arynews.tv/fire-in-export-processing-zone-under-control-after-20-hours/

  • کیلیفورنیا میں لگنے والی خوفناک آگ پر آخر کار قابو پالیا گیا

    کیلیفورنیا میں لگنے والی خوفناک آگ پر آخر کار قابو پالیا گیا

    امریکی ریاست کیلیفورنیا میں لگنے والی آگ پر 24 دن کی جدوجہد کے بعد آخر کار قابو پالیا گیا۔

    بین الاقوامی خبر رساں ادارے کی رپورٹ کے مطابق امریکی ریاست کیلیفورنیا میں لگنے والی آگ پر 24 دن کی جدوجہد کے بعد قابو پالیا گیا ہے۔

    کیلیفورنیا ڈیپارٹمنٹ آف فاریسٹری اینڈ فائر پروٹیکشن کی ویب سائٹ پر دی گئی معلومات کے مطابق 24 دن کی جدوجہد کے بعد ایٹن اور پالیسیڈس کی آگ بجھا دی گئی ہے۔

    امریکی ریاست کیلیفورنیا کے مختلف علاقوں میں لگنے والی آگ سے 29 افراد لقمہ اجل بن گئے، جبکہ تقریباً 23 ہزار ہیکٹر اراضی کو نقصان پہنچا۔

    رپورٹس کے مطابق تقریباً 16,000 عمارتوں کو تباہ کرنے والی اس آگ کی وجہ جاننے کے لیے تحقیقات کا عمل جاری ہے۔

    واضح رہے کہ گزشتہ ہفتے مزید پانچ مقامات پر آگ بھڑک اٹھی جس کے بعد مزید پچاس ہزار افراد کو نقل مکانی کی ہدایات جاری کی گئی تھی۔

    لاس اینجلس، سان ڈیاگو، وینچورا اور ریوَر سائیڈ کاؤنٹیز میں 5 مقامات پر لگنے والی آگ کو لاگونا، سیپولویدا، گبل، گلمن اور بارڈر 2 فائر کے نام دیے گئے تھے۔

    کیلیفورنیا میں لگنے والی آگ کیوں پھیلی؟ اہم وجہ سامنے آگئی

    پیلیسیڈس اور ایٹن میں لگنے والی آگ نے مجموعی طور پر 40 ہزار ایکڑ سے زائد رقبے جلا کر خاکستر کر دیا اور کم از کم 28 افراد ہلاک ہوچکے ہیں۔

  • لاس اینجلس میں خوفناک آگ، جو بائیڈن کا بڑا اعلان

    لاس اینجلس میں خوفناک آگ، جو بائیڈن کا بڑا اعلان

    لاس اینجلس میں آگ لگنے سے ہونے والی تباہی پر امریکی صدر جو بائیڈن نے اگلے چھ ماہ تک 100 فیصد اخراجات اٹھانے کا اعلان کردیا۔

    غیر ملکی ذرائع ابلاغ کے مطابق صدر جو بائیڈن نے آتشزدگی پر بریفنگ کے دوران کہا کہ فنڈنگ کی رقم سے متاثرہ علاقوں سے ملبہ ہٹایا جائے گا اور عارضی پناہ گاہیں بنائی جائیں گی۔

    بائیڈن کا کہنا تھا کہ ریسکیو ورکرز کی تنخواہوں سمیت جان و مال کے تحفظ کے لیے تمام اقدامات اُٹھائے جائیں گے۔

    امریکی صدر کا کہنا تھا کہ تعمیراتی کام کے لیے اضافی فنڈز پاس کرنے کی ضرورت پڑسکتی ہے جس کے لیے وہ کانگریس سے درخواست کریں گے۔

    واضح رہے کہ امریکی شہر لاس اینجلس کے جنگل میں لگی خوفناک آگ نے 29 ہزار سے زائد ایکڑ رقبہ لپیٹ میں لے لیا، متاثرہ علاقوں میں 7 افرادہلاک ہوگئے جبکہ ہلاکتوں میں اضافے کا خدشہ ظاہر کیا جارہا ہے۔

    امریکی میڈیا کے مطابق امریکی شہر کے جنگلات میں بدترین آگ کی صورتحال ہے، منگل سے لگی آگ پر اب تک قابو نہ پایا جاسکا۔

    متاثرہ علاقوں میں 95 ہزارصارف بجلی سے محروم ہوگئے ہیں، متاثرہ علاقوں سے ایک لاکھ 80 ہزار افراد کو انخلا کی ہدایت کی گئی ہے۔ 2ہزار سے زیادہ گھر اور عمارتیں راکھ کا ڈھیر بن گئی ہیں۔

    امریکی میڈیا کا کہنا ہے کہ مشہور ہالی وڈ شخصیات کے اربوں روپے مالیت کے گھر بھی تباہ ہوگئے ہیں، آگ سے نقصانات کاابتدائی تخمینہ 50 ارب ڈالر سے زائد ہوگیا ہے، خشک اور تیز ہوا سے آگ میں خطرناک اضافے کا خدشہ برقرار ہے۔

    امریکی شہر میں لگی خوفناک آگ نے سبکدوش ہونے والی صدر جوبائیڈن کے بیٹے ہنٹر کا عالی شان گھر بھی اپنی لپیٹ میں لے لیا۔

    لاس اینجلس آگ میں جوبائیڈن کے بیٹے کا عالی شان گھر جل کر خاک

    ڈیلی میل کی ایک رپورٹ کے مطابق مالیبو میں ہنٹر بائیڈن کا گھر خاک کا ڈھیر بن گیا جبکہ روسی ٹیلی ویژن کی طرف سے شیئر کی گئی تصاویر میں ایک گھر کے سامنے جلی ہوئی کار کو بھی دیکھا جا سکتا ہے۔

  • شاہین باغ کے ہوٹلوں میں خوفناک آتشزدگی

    شاہین باغ کے ہوٹلوں میں خوفناک آتشزدگی

    بھارت کے دارالحکومت دہلی کے مسلم اکثریتی علاقے میں موجود ایک ریسٹونٹ میں خوفناک آگ لگ گئی، جس نے دیکھتے ہی دیکھتے پوری عمارت کو اپنی لپیٹ میں لے لیا۔

    بین الاقوامی خبر رساں ادارے کی رپورٹ کے مطابق آگ اتنی بھیانک تھی کہ دیکھتے ہی دیکھتے متاثرہ عمارت کے ساتھ والی عمارتیں جس میں زہرہ ریسٹورنٹ، بسم اللہ ریسٹورنٹ بھی اس کی لپیٹ میں آگئے،جبکہ کچھ ہی دیر بعد قریشی کباب اور دوسرے ریسٹورنٹ میں خوفناک آگ کی زد میں آگئے۔

    واضح رہے کہ شاہین باغ کا چالیس فٹ روڈ فوڈ اسٹریٹ بن چکا ہے، یہاں پر لذیذ کھانا کھانے کے لئے دور دراز علاقوں سے لوگ آتے ہیں۔

    یہاں پر نامی گرامی برانڈ کے مسلم ریسٹورنٹس موجود ہیں، ان سب میں سب سے زیادہ مشہور ذائقہ زہرا ریسٹورنٹ کا مانا جاتاہے، مگر آگ نے سب کچھ جلا کر راکھ کردیا۔

    عینی شاہدین نے میڈیا کو بتایا کہ آگ شارٹ سرکٹ کے باعث لگی، اس کی اطلاع فائر بریگیڈ اور پولیس کو موقع پر دے دی گئی تھی لیکن موقع پر فائر بریگیڈ کی گاڑیاں ایک گھنٹے کی تاخیر سے پہنچیں جس کے باعث آگ نے بھیانک شکل اختیار کرلی۔ اگر فائر بریگیڈ کی گاڑیاں وقت پر پہنچ جاتیں تو اتنا نقصان نہ ہوتا۔

    اس سے قبل آئرلینڈ میں یوکرین کے سیاسی پناہ گزینوں کے لیے تیارہ کردہ رہائش گاہ کو نذر آتش کیے جانے کا ایک واقعہ پیش آیا تھا۔

    آئرلینڈ کی کاؤنٹی گالوے میں 70 سیاسی پناہ گزینوں کی رہائش کے لیے ایک قدیم اور خالی پڑے ہوٹل کی جگہ پر گھر تیار کیے گئے تھے، آئرلینڈ کی حکومت کا کہنا ہے کہ سیاسی پناہ گزینوں کے گھروں کو آگ لگانا انھیں ڈرانے کی مذموم کوشش ہے۔

    القسام بریگیڈ نے اہم بیان جاری کردیا

    راس لیک ہاؤس ہوٹل میں تیارہ کردہ گھروں میں آتش زدگی کو آئرلینڈ میں پناہ گزینوں کے خلاف ردعمل کی علامت قرار دیا جا رہا ہے، ماضی میں بھی تواتر کے ساتھ ایسے واقعات پیش آتے رہے ہیں۔

  • ویڈیو: مصر کے قدیم و معروف فلم اسٹوڈیو میں خوفناک آگ بھڑک اٹھی

    ویڈیو: مصر کے قدیم و معروف فلم اسٹوڈیو میں خوفناک آگ بھڑک اٹھی

    مصر کے جنوبی شہر الجیزہ کے قدیم و معروف فلم اسٹوڈیو الاحرام میں خوفناک آگ بھڑک اٹھی جس کی ویڈیو بھی سامنے آگئی۔

    تفصیلات کے مطابق مصر کے جنوبی شہر الجیزہ کے ایک مشہور ’الاحرام فلم اسٹوڈیو‘ میں لگنے والی آگ کی ویڈیو سامنے آئی ہے جس میں خوفناک آتش زدگی کے دوران آگے کے شعلوں کو بلند ہوتے دیکھا جا سکتا ہے۔

    آتشزدگی کا یہ واقع مصری شہر گیزا میں پیش آیا، آگ اس قدر ہولناک تھی جس نے دیکھتے ہی دیکھتے اسٹوڈیو کے بڑے حصے کو اپنی لپیٹ میں لے کر تباہ کردیا۔

    حکام کے مطابق اسٹوڈیو کے قریب موجود تمام عمارتوں کو خالی کرا لیا گیا، فلم اسٹوڈیو میں بہت سے ڈراموں اور رمضان سیریز کی ریکارڈنگ جاری تھی لیکن خوش قسمتی سے آتشزدگی سے کوئی جانی نقصان نہیں ہوا۔

  • خوفناک آگ نے ایمزون کے جنگل میں تباہی مچادی

    خوفناک آگ نے ایمزون کے جنگل میں تباہی مچادی

    براسیلیا :دنیا کے پھیپھڑوں کی حیثیت رکھنے والے دنیا کےسب سے بڑے برساتی جنگل ’’ ایمزون ‘‘ میں انتہائی خوفناک آگ بھڑک اٹھی ہے جو مسلسل پھیلتی جا رہی ہے۔

    تفصیلات کے مطابق رین فاریسٹ کی خاصیت رکھنے والے یہ جنگل یعنی جہاں بارشیں سب سے زیادہ ہوتی ہیں، دنیا میں موجود برساتی جنگلات کا 60 فیصد حصہ ہیں، سائنسدانوں نے خدشہ ظاہر کیا ہے کہ اگر ایمزون میں ہونے والی آتشزدگی پر جلد قابو نہ پایا گیاتو موسمیاتی تبدیلیوں خلاف کی جانے والی کوششیں پر مضر اثرات مرتب ہوں گے۔

    برازیل کے نیشنل انستی ٹیوٹ آف اسپیس ریسرچ کی جاری کردہ تصاویر میں دیکھا جاسکتا ہےرواں برس آتشزدگی کا تناسب ایمزون کے جنگلات میں بہت زیادہ حد تک بڑھ گیا ہے۔

    غیر ملکی خبر رساں ادارے کا کہنا تھا کہ پیرو کے روز ایمزون کے جنگل ہولناک آگ بھڑکنے کے بعد 2700 کلومیٹر دور واقع شہر ساؤ پالو میں دھوئیں کے گھنے و کالے بادلوں کے باعث اندھیرا چھاگیاتھا تاہم ماہرین موسمیات کا کہنا تھا کہ دھوئیں کے مذکورہ بادل ایمزون ریجن سے نہیں بلکہ پیراگوئے میں لگنے والی آگ کے باعث آئے تھے جو ساؤ پالو کے نزدیک ہے۔

    ماہرین موسمیات کا کہنا ہے کہ رواں برس ایمزون کے جنگل میں جنوری سے اگست تک 72 ہزار843 مرتبہ آگ بھڑک چکی ہےجو کہ گزشتہ سال کی نسبت 80 فیصد زیادہ ہے۔ جبکہ 2018 40 ہزار اور 2016 میں 68 ہزار مرتبہ لگی تھی۔

    ایمزون کے جنگلات دنیا کی فضا کو آکسیجن فراہم کرنے میں اپنا 20 فیصد حصہ ڈالتے ہیں اورانہیں دنیا کے پھیپھڑوں سے تشبیہ دی جاتی ہے۔

    خیال رہے کہ ایمزون کا جنگل 30 لاکھ اقسام کے درختوں، پودوں ، جانوروں اور دس لاکھ مقامی باشندوں(جنگلی قبائل) کا گھر ہے۔

    سوشل میڈیا پر جاری تصاویر میں دیکھا جا سکتا ہے کہ جنگلات میں لگنے والی آگ کے سبب برازیل میں دھویں کے بادل چھائے ہوئے ہیں جنہوں نے کئی شہروں کو اندھیرے میں ڈبو دیا ہے۔

  • کیلی فورنیا:جنگلات میں لگی خوفناک آگ، 3 افراد گرفتار

    کیلی فورنیا:جنگلات میں لگی خوفناک آگ، 3 افراد گرفتار

    امریکی ریاست کیلیفورنیا کے اینجلزنیشنل فارسٹ میں لگنے والی خوفناک آگ کے ذمہ دار تین افراد کو پولیس نے گرفتار کرلیا۔

    امریکی شہر لاس اینجلس کے شمال میں موجود گھنے جنگلات میں اس وقت آگ بھڑک اٹھی جب کیلی فورنیا سےتعلق رکھنےوالے تین نوجوانوں نے غفلت کامظاہرہ کرتے ہوئے دوران کیمپنگ جنگل میں آگ بھڑکا دی۔

    جس کی چنگاریوں نے تیز ہوا کے باعث پورے جنگل کو اپنی لپیٹ میں لے لیا، حادثے کے ذمہ دار تینوں نوجوان پولیس حراست میں ہیں، جن میں سے ایک نوجوان نے اعتراف جرم بھی کرلیا ہے۔

    خوفناک آگ کے باعث حکام نے سات سو افراد کو علاقہ خالی کرنے کا حکم دے دیا ہے جبکہ آٹھ ہیلی کاپٹر اور دو سپراسکوپر طیارے آگ بجھانے میں مصروف ہیں۔