ARYNews.tv | Urdu – Har Lamha Bakhabar

Tag: خوفناک آتشزدگی

  • بھارت: حیدرآباد کی عمارت میں خوفناک آتشزدگی، 17 افراد ہلاک

    بھارت: حیدرآباد کی عمارت میں خوفناک آتشزدگی، 17 افراد ہلاک

    بھارت کے شہر حیدرآباد دکن میں تاریخی چار مینار کے قریب رہائشی عمارت میں خوفناک آتشزدگی کے نتیجے میں 17 افراد ہلاک ہو گئے۔

    بھارتی میڈیا کے مطابق آتشزدگی کا واقعہ حیدرآباد کے پرانے شہر کے علاقہ گلزار حوض میں ایک رہائشی عمارت میں اتوار کی صبح پیش آیا۔ 7 افراد زندہ جل کر ہلاک ہوئے جب کہ 10 افراد کی موت دم گھٹنے کے باعث ہوئی۔

    رپورٹ کے مطابق مرنے والوں میں 2 بچے اور چار خواتین بھی شامل ہیں۔ جب کہ متعدد افراد جھلسنے سے زخمی یا دم گھٹنے سے بے ہوش ہوئے۔ انہیں طبی امداد کے لیے مختلف اسپتالوں میں منتقل کیا گیا۔

    تلنگانہ کے وزیراعلیٰ ریونت ریڈی، وزیراعظم مودی نے حادثے پر دکھ کا اظہار کرتے ہوئے متاثرہ خاندانوں کے لیے مالی امداد کا اعلان کیا ہے۔

    دریں اثنا پرانے حیدرآباد شہر کے علاقے میلار دیوپلی میں تین منزلہ ایک اور رہائشی عمارت میں آتشزدگی کا واقعہ پیش آیا۔ تاہم عمارت کے مکین خطرہ محسوس کرتے ہوئے چھت پر چلے گئے اور سب کو بحفاظت ریسکیو کر لیا گیا۔

    ابتدائی رپورٹ کے مطابق آگ لگنے کی وجہ شارٹ سرکٹ بتائی جا رہی ہے۔ تاہم ایک ہی دن دو عمارتوں میں آتشزدگی کے واقعات کی تحقیقات جاری ہیں۔

  • ویڈیو: امریکا کے جنگل میں خوفناک آتشزدگی، ہزاروں افراد کو انخلا کا حکم

    ویڈیو: امریکا کے جنگل میں خوفناک آتشزدگی، ہزاروں افراد کو انخلا کا حکم

    امریکی ریاست کیلیفورنیا کے جنگل میں لگنے والی آگ تیزی سے پھیل رہی ہے اور حکام نے ہزاروں افراد کو انخلا کا حکم دے دیا ہے۔

    غیر ملکی میڈیا کے مطابق امریکی ریاست کیلیفورنیا کے جنگل میں گزشتہ روز لگنے والی آگ تیزی سے پھیل رہی ہے اور اب تک 4 ہزار ایکڑ (16 مربع کلومیٹر سے زائد) رقبہ کو اپنی لپیٹ میں لے لیا ہے،

    رپورٹ کے مطابق اس آگ نے قریبی شہر ملیبو کے درجنوں مکانات کو بھی خاکستر کر دیا ہے جس کے بعد متعلقہ حکام نے وہاں کے رہائشی 6 ہزار سے زائد افراد کو انخلا کے احکامات جاری کر دیے ہیں۔

    آتشزدگی کے باعث پیپرڈائن یونیورسٹی کو بھی خطرات لاحق ہوگئے ہیں اور ہوسٹل کے طلبہ کو بھی گھر جانے کی ہدایت کردی گئی ہے۔

     

    بتایا جا رہا ہے کہ 1500 سے زائد فائر فائٹرز آگ بجھانے میں مصروف ہیں تاہم جنگل میں آتشزدگی کی وجہ تاحال معلوم نہیں ہو سکی ہے۔

    واضح رہے کہ رواں سال جولائی میں بھی کیلیفورنیا کے جنگلات میں آگ لگی تھی جس نے ساڑھے تین لاکھ ایکڑ سے زائد رقبے کو خاکستر کر دیا تھا۔

    اس آگ کو امریکا کی تاریخ کی جنگلات میں لگنے والی سب سے بڑی آگ قرار دیا گیا تھا۔

  • قصور کے بعد لالہ موسیٰ میں بھی خوفناک آتشزدگی، 500 سے زائد دکانیں جل کر خاکستر

    قصور کے بعد لالہ موسیٰ میں بھی خوفناک آتشزدگی، 500 سے زائد دکانیں جل کر خاکستر

    گجرات: قصورکے بعد لالہ موسیٰ میں بھی خوفناک آتشزدگی سے پانچ سو سے زائد دکانیں جل کر خاکسترہوگئیں، آگ کی لپیٹ میں آکردو گاڑیاں اورایک رکشہ بھی جل گیا۔

    تفصیلات کے مطابق صوبہ پنجاب کے شہر لالہ موسی میں رات گئے اچانک لنڈا بازار کی دکانوں میں آگ لگ گئی، اطلاع ملتے ہی فائربریگیڈ کی گاڑیاں پہنچ گئیں جبکہ دکانداروں نے اپنی مدد آپ کے تحت سامان بچانے کی کوشش کی۔.

    بیس سے زائد فائرٹینڈرز نے 6 گھنٹوں کی جدو جہد کے بعد ڈھائی بجے لگنے والی آگ پر قابو پایا اور کولنگ کا عمل جاری ہے۔

    ریسکیوحکام نے بتایا کہ آتشزدگی سے تمام دکانیں جل کر خاکسترہوگئیں جبکہ آگ کی لپیٹ میں آکر2 گاڑیاں اور ایک رکشہ بھی جل گیا۔

    ریسکیوحکام کا کہنا تھا کہ لنڈا بازارمیں 500کے قریب دکانیں موجود ہیں، گ لگنےکی وجہ کاتاحال تعین نہیں ہوسکا تاہم دھویں کےباعث جی ٹی روڈ پر ٹریفک کی روانی متاثر رہی۔

    دکانداروں نے الزام عائد کیا ہے کہ لنڈا بازار کوٹارگٹ کرکے جلایا گیا، کسی نے بروقت مدد نہیں کی۔

    گذشتہ روز پنجاب کے شہر قصور کے ایک پیپر مل میں آتشزدگی سے دو مزدوروں جاں بحق اور 15زخمی ہوگئے تھے۔

  • کراچی: تولیہ فیکٹری میں خوفناک آتشزدگی، لاکھوں روپے کا سامان جل گیا

    کراچی: تولیہ فیکٹری میں خوفناک آتشزدگی، لاکھوں روپے کا سامان جل گیا

    کراچی : نیوکراچی میں واقع تولیہ فکٹری میں آتشزدگی سے لاکھوں روپے کا سامان جل گیا تاہم فائربریگیڈ کے عملے نے کئی گھنٹوں کی  جدو جہد کے بعد آگ پر قابو پایا۔

    تفصیلات کے مطابق کراچی کے علاقے نیوکراچی انڈسٹریل ایریا میں تولیہ فیکٹری میں آگ بھڑک اٹھی ، اطلاع ملتے ہی فائربریگیڈ کی7گاڑیاں آگ آگ بجھانے میں مصروف رہیں۔

    چیف فائر افسر نے بتایا کہ آگ فیکٹری کے گراؤنڈ فلور پر لگی ہے، آتشزدگی میں کوئی جانی نقصان نہیں ہوا تاہم آگ کومزیدپھیلنے سے روک لیا گیا ہے، جلد آگ بجھا کر کولنگ شروع کردی جائے گی۔

    حکام کا کہنا تھا کہ فائربریگیڈ نے 14گاڑیوں کی مدد سے کئی گھنٹوں کی جدو جہد کے بعد فیکٹری میں لگی آگ پر قابو پایا،رینجرزاہلکاروں نے بھی آگ بجھانے کے آپریشن میں حصہ لیا۔

    چیف فائرافسر نے مزید بتایا کہ آتشزدگی میں تولیہ فیکٹری میں موجود لاکھوں روپے کا مال جل گیا ہے ، کولنگ کے بعد آگ لگنے کی وجوہات کا تعین کیا جا سکے گا۔

  • لانڈھی ایکسپورٹ پراسیسنگ زون میں خوفناک آتشزدگی ، 2 فیکٹریاں راکھ کا ڈھیر بن گئیں

    لانڈھی ایکسپورٹ پراسیسنگ زون میں خوفناک آتشزدگی ، 2 فیکٹریاں راکھ کا ڈھیر بن گئیں

    کراچی : لانڈھی ایکسپورٹ پراسیسنگ زون میں خوفناک آتشزدگی کے باعث دو فیکٹریاں راکھ کا ڈھیر بن گئیں،فائر بریگیڈ حکام نے آگ کو تیسرے درجے کی آگ قرار دے دیا ۔

    تفصیلات کے مطابق کراچی کے علاقے لانڈھی ایکسپورٹ پروسیسنگ زون کی کپڑے کی فیکٹری میں اچانگ آگ بھڑگ اٹھی، جس نے دیکھتے ہی دیکھتے دوسری فیکٹری کو بھی اپنی لپیٹ میں لے لیا۔

    آگ کی اطلاع ملتے ہی پہلے مرحلے میں 4 گاڑیوں کو طلب کیا گیا تاہم آگ نے مزید شدت اختیار کی تو شہر بھر سے فائر ٹیندرز اور واٹر ٹینکر کو منگوائے گئے جبکہ پاک بحریہ کے فائرٹینڈرز نے بھی امدادی کارروائیوں میں حصہ لیا۔

    آگ کی شدت کی وجہ سے ایک فیکٹری کی عمارت زمین بوس ہو گئی جبکہ دوسرے فیکٹری چھت گر گئی، سیکٹری ایکسپورٹ پروسینگ زون کا کہنا ہے ہوائو کا دبائو زیادہ ہے، اس وجہ سے اگ بھجانے میں مشکلات کا سامنا ہے۔

    فائر بریگیڈ حکام نے آگ کو تیسری درجہ کی قرار دے دیا ہے تاہم اب تک آگ پر قابو نہیں پایا جاسکا ، حکام کا کہنا ہے کہ ایک سے ڈیرھ گھنٹے میں آگ پر قابو پالیا جائے گا۔

    دوسری جانب کراچی میں آئی آئی چندریگرروڈ پر دکانوں اور لیاری کےعلاقے چاکیواڑہ میں گودام میں لگی آگ کو بجھا دیا گیا ہے، فائربریگیڈ حکام کا کہنا ہے کہ فائربریگیڈ کی سات گاڑیوں نے دونوں مقامات پر لگی آگ بجھانے کے عمل میں حصہ لیا۔

    چاکیواڑہ میں آگ لگنے سے پاپڑ کا گودام اور دو گاڑیاں مکمل جل گئیں، متاثرہ گودام میں کولنگ کا کاعمل جاری ہے تاہم گودام میں آگ لگنے کی وجوہات تاحال معلوم نہیں ہوسکی۔

  • پوپ فرانسس کا ایمزون میں خوفناک آتشزدگی پر اظہار تشویش

    پوپ فرانسس کا ایمزون میں خوفناک آتشزدگی پر اظہار تشویش

    ویٹی کن سٹی:کیتھولک مسیحیوں کے روحانی پیشوا پوپ فرانسِس نے ایمزون کے جنگلات میں لگی آگ پر شدید تشویش ظاہر کی ہے۔

    تفصیلات کے مطابق انہوں نے ان جنگلات کو زمین کے کلیدی پھیپھڑے قرار دیتے ہوئے کہا کہ انہیں ان جنگلات کے ایک وسیع علاقے پر لگی آگ پر شدید تشویش ہے،سینٹ پیٹرز اسکوائر پر ہزاروں افراد کے مجمع سے اپنے ہفتہ وار خطاب میں ان کا کہنا تھا کہ زمین پر زندگی کی بقا کے لیے یہ جنگلات انتہائی ضروری ہیں۔

    انہوں نے کہا کہ تمام تر عزم اور ٹھوس اقدامات کے ساتھ دعا کرنے کی ضرورت ہے کہ یہ آگ بجھ جائے۔

    ماہرین موسمیات کا کہنا ہے کہ رواں برس ایمزون کے جنگل میں جنوری سے اگست تک 72 ہزار843 مرتبہ آگ بھڑک چکی ہےجو کہ گزشتہ سال کی نسبت 85 فیصد زیادہ ہے۔ جبکہ 2018 40 ہزار اور 2016 میں 68 ہزار مرتبہ لگی تھی۔

    خیال رہے کہ پیرو کے روز ایمزون کے جنگل میں ہولناک آگ بھڑکنے کے بعد 2700 کلومیٹر دور واقع شہر ساؤ پالو میں بھی دھوئیں کے گھنے و کالے بادلوں کے باعث اندھیرا چھاگیاتھا۔

    ایمزون کے جنگلات دنیا کی فضا کو آکسیجن فراہم کرنے میں اپنا 20 فیصد حصہ ڈالتے ہیں اورانہیں دنیا کے پھیپھڑوں سے تشبیہ دی جاتی ہے۔

    خیال رہے کہ ایمزون کا جنگل 30 لاکھ اقسام کے درختوں، پودوں ، جانوروں اور دس لاکھ مقامی باشندوں(جنگلی قبائل) کا گھر ہے۔

    سوشل میڈیا پر جاری تصاویر میں دیکھا جا سکتا ہے کہ جنگلات میں لگنے والی آگ کے سبب برازیل میں دھویں کے بادل چھائے ہوئے ہیں جنہوں نے کئی شہروں کو اندھیرے میں ڈبو دیا ہے۔

  • شیر شاہ میں آئل ٹینکر الٹنے کے باعث خوفناک آتشزدگی

    شیر شاہ میں آئل ٹینکر الٹنے کے باعث خوفناک آتشزدگی

    کراچی : شیرشاہ میں گل بائی پُل پر آئل ٹینکر الٹ گیا، ٹینکر سے آئل لیک ہونے کے باعث ہولناک آگ بھڑک اٹھی، حکام نے سٹرک ٹریفک کے لیے بند کردی۔

    تفصیلات کے مطابق شہر قائد کے علاقے شرشاہ میں گل بائی پُل پر ہزاروں لیٹر کروڈ آئل سے لدا ٹینکر نامعلوم وجوہات کے باعث الٹ گیا، جس کے نتیجے میں ڈرائیور معمولی زخمی ہوگیا اور ٹینکر سے ہزاروں لیٹر کروڈ آئل بھی بہے کر ضائع ہوگیا۔

    حادثے کے بعد کسی امکانی واقعے سے بچنے کے لئے انتظامیہ کی جانب سے اعتراف کی سٹرکوں اور آئی آئی چندیگر روڈ کو ٹریفک کہ لئے بند کرنے کے ساتھ ضلع کے تمام واٹر ہائیڈرنٹس پر ایمرجنسی نافذ کردی گئی ہے۔

    ذرائع کا کہنا ہے کہ آگ لگنے کے باعث قریبی گودام اور متعدد گاڑیاں بھی جل کر خاکستر ہوگئیں، تاحال کسی جانی نقصان کی اطلاع موصول نہیں ہوئی۔

    ذرائع کا کہنا ہے کہ دھوئیں کی وجہ سے علاقے میں سانس لینے میں مشکلات کا بھی سامنا کرنا پڑرہا ہے۔

    مزید پڑھیں : بہاولپور: آئل ٹینکر میں آگ لگنے سے 140 افراد جاں بحق

    یاد رہے کہ ایک برس قبل صوبہ پنجاب کےشہربہاولپورمیں احمد پور شرقیہ کے قریب آئل ٹینکر دھماکےکے نتیجےمیں 140 افراد جاں بحق جبکہ 146 افراد زخمی ہوگئے تھے۔

    واضح رہے کہ 29 رمضان کو ٹینکر میں آگ لگنے سے 140 افرادجاں بحق اور 100 سے زائد زخمی ہوگئے تھے، واقعہ قومی شاہراہ پر پُل پکی کے قریب اس وقت پیش آیا جب آئل ٹینکر سے تیل لیک ہوا اور لوگوں کی بڑی تعداد تیل جمع کرنے کے لیے وہاں پہنچی تو آئل ٹینکر اچانک دھماکے سے پھٹ گیا تھا۔

  • شارجہ : رہائشی عمارت میں خوفناک آتشزدگی، 7 سالہ بچہ ہلاک

    شارجہ : رہائشی عمارت میں خوفناک آتشزدگی، 7 سالہ بچہ ہلاک

    شارجہ : متحدہ عرب امارات کی ریاست شارجہ میں کثیر المنزلہ رہائشی عمارت میں ہولناک آتشزدگی کے باعث 7 سالہ بچہ ہلاک ہوگیا۔

    تفصیلات کے مطابق متحدہ عرب امارات کی ریاست شارجہ کے علاقے القولایا میں واقع کثیرالمنزلہ رہائشی عمارت میں نامعلوم وجوہات کی بناء پر بھڑکنے والی آگ نے 7 سالہ بچے کو بھی اپنی لپیٹ میں لے لیا۔

    اماراتی میڈیا کا کہنا ہے کہ عربی شہری نے اپنے متاثرہ بیٹے کو زخمی حالت میں اسپتال منتقل کیا تھا لیکن وہ جانبر نہ ہوسکا۔

    شارجہ سول ڈیفینس کا کہنا ہے کہ 11 بج کر 3 منٹ پر اطلاع ملی تھی القولایا میں واقع عمارت کی پانچویں منزل پر خوفناک آتشزدگی ہوئی ہے۔

    شارجہ سول ڈیفینس نے بتایا کہ فائر بریگیڈ عملے نےفوری طور پر جائے حادثہ پر پہنچ پر متاثرہ عمارت کی آگ قابو پایا۔

    پولیس نے بتایا کہ آتشزدگی کے باعث گھر کا سارا سامان جل کر خاکستر ہوگیا ہے لیکن خاندان کے دیگر افراد محفوظ ہیں۔

    مزید پڑھیں : متحدہ عرب امارات، گھر میں ہولناک آتشزدگی، 8 افراد جاں بحق

    یاد رہے کہ دو ماہ قبل متحدہ عرب امارات کی ریاست ابوظہبی کے علاقے بنی یاس میں ایک مکان میں ہولناک آتشزدگی کے نتیجے میں چھ بچوں اور دو خاتون سمیت 8 افراد جاں بحق ہوئے تھے جبکہ گھر کی مالکن کو تشویشناک حالت میں اسپتال منتقل کیا گیا تھا۔

    مزید پڑھیں : اماراتی ریاست عجمان میں ہولناک آتش زدگی، 3 افراد ہلاک

    رواں برس اکتوبر میں ریاست عجمان کے علاقے الراشدیہ میں واقع کثیر المنزلہ رہائشی عمارت میں ہولناک آتشزدگی کے نتیجے میں 2 بچوں اور ایک بزرگ شہری سمیت 3 افراد ہلاک ہوئے تھے جبکہ عمارت میں موجود کرائے داروں بحفاظت باہر نکال لیے گئے تھے۔

  • نیو کراچی گارمنٹس فیکڑی میں خوفناک آتشزدگی

    نیو کراچی گارمنٹس فیکڑی میں خوفناک آتشزدگی

    کراچی : نیو کراچی صبا سنیما کے قریب گارمنٹس فیکڑی میں خوفناک آگ بھڑک اٹھی، فائر بریگیڈ عملہ آگ پر قابو پانے میں مصروف ہے۔

    تفصیلات کے مطابق کراچی کے علاقے نیو کراچی میں واقع کپڑوں کی ایک فیکڑی میں نامعلوم وجوہات کی بناء پر ہولناک آگ بھڑک اٹھی، آگ کئی گھنٹے گزرنے کے بعد بھی بے قابو ہے۔

    زرائع کا کہنا ہے کہ خوفناک آتشزدگی کے باعث لاکھوں کا سامان جل کر خاکستر ہوگیا۔

    ریسکیو ذرائع کا کہنا ہے کہ آگ تین منزلہ گارمنٹس فیکڑی کی عمارت کی بالائی منزل پر لگی تھی، فائر بریگیڈ کی 10 گاڑیاں آگ پر قابو پانے میں مصروف ہیں۔

    فائر بریگیڈ حکام کا کہنا ہے کہ فیکٹری میں لگی آگ کو مزید پھیلنے سے روک دیا گیا ہے، ایک سے ڈیڑھ گھنٹے میں آگ پر قابو پالیں گے۔

    فائر بریگیڈ عملے نے بتایا کہ متاثرہ فلور کے اندرونی مقامات تک رسائی دیوارتوڑ کر ممکن بنائی گئی، فیکٹری میں آگ بجھانے کے مناسب انتظامات نہیں تھے۔

    واٹر بورڈ انتظامیہ کا کہنا ہے کہ نیو کراچی گارمنٹس فیکڑی میں لگی آگ بجھانےکے لیے 40 ہزار گیلن  پانی فراہم کیا جاچکا ہے۔

    مزید پڑھیں : کراچی: کورنگی انڈسٹریل ایریا میں پلاسٹک کی فیکڑی میں آتشزدگی

    یاد رہے کہ ایک برس قبل کراچی کے صنعتی علاقے گورنگی انڈسٹریل ایریا میں مرتضی چورنگی کے قریب پلاسٹک فیکٹری میں خوفناک آتشزدگی کے باعث لاکھوں کا پلاسٹک جل کر خاکستر ہوگیا تھا۔

    زرائع کے مطابق فیکٹری میں اچانک آگ بھڑک اٹھی تھی، جس نے دیکھتے ہی دیکھتے عمارت کے کئی حصوں کو اپنی لیپٹ میں لے لیا تھا۔