صاف خون دل کی صحت کو سہارا اور بہتر گردش کو فروغ دیتا ہے، یہی خون اگر زہریلا یا صاف نہ رہے تو بہت سے امراض اور پیچیدگیوں کا سبب بن سکتا ہے۔
یہاں یہ بات بھی ذہن نشین رکھنی چاہیے کہ آلودہ غیر صحت بخش خون کی وجہ سے کیل مہاسوں، داغ دھبوں اورخشک جلد کی شکایت بہت زیادہ ہوجاتی ہے۔
دوسری جانب صحت مند خون اہم اعضاء کے افعال کو درست طریقے سے سرانجام دینے کے ساتھ ساتھ الرجی، سر درد اور قے وغیرہ سے بھی بچاتا ہے۔
اگر آپ اپنے خون اور اس کی نالیوں کو صاف کرنے کا آسان اور قدرتی طریقہ تلاش کر رہے ہیں تو یہ طبی نسخہ انتہائی کارآمد اور اور مفید ہے۔
اس کے علاوہ اگر آپ چاہتے ہیں کہ آپ کے چہرے کا رنگ گورا اور جگر صحت مند رہے تو اس نسخے کو لازمی استعمال کریں۔
اس نسخے کی خاص بات یہ ہے کہ اس کے کسی بھی قسم کے مضر اثرات (سائیڈ افیکٹس) باکل بھی نہیں ہیں اس کو تیار کرنا بھی نہایت آسان ہے۔
نسخے کے اجزاء :
ایک گلاس پانی
اُنّاب ۔ ۔ ۔ دو عدد
مُنڈی ۔ ۔ ۔ ۔ 4 سے 6 عدد دانے
آملہ خشک ۔ ۔ ۔ ۔ ایک چائے کا چمچ
چُرائتہ ۔ ۔ ۔ ۔ ۔ ڈھائی گرام
نیم کے خشک پتے ۔ ۔ ۔ ۔ 4 سے 6 عدد
ان تمام اشیاء کو ملا کر اس کا قہوہ بنالیں اور دن میں دو مرتبہ صبح اور رات کو کم از کم 3 ماہ تک پئیں آپ کو اس کے فوائد خود ہی محسوس ہونا شروع ہوجائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔