حیدرآباد میں ٹنڈو جام کے قریب خیبرایکسپریس کی ٹکر سے آئل ٹینکر دو حصوں میں تقسیم ہوگیا، تاہم معجزانہ طور پرکوئی جانی نقصان نہیں ہوا۔
پولیس ذرائع کے مطابق رات گئے کراچی سے پشاور جانے والی خیبر ایکسپریس حیدرآباد میں ٹنڈو جام کے قریب خیبر ایکسپریس آل ٹینکر سے ٹکرا گئی، تاہم حادثے میں ٹرین کے مسافر معجزانہ طور پر بچ گئے جبکہ آئل ٹینکر 2ٹکڑوں میں ہوگیا۔
حادثے کے بعد ریلوے ٹریک بند کردیا گیا، ذرائع کے مطابق شدید سردی کے باعث امدادی کاموں میں تاخیر سے مسافروں کو شدید مشکلات کا سامنا کرنا پڑا۔