Tag: خیبرپختونخوا اسمبلی

پشاور: تحریک انصاف کی اے پی سی میں اپوزیشن جماعتیں شرکت کریں گی یا نہیں، اس حوالے سے اپوزیشن لیڈر خیبرپختونخوا عباداللہ کا بیان سامنے آگیا۔

تفصیلات کے مطابق کل کےپی حکومت کے تحت ہونے والے کُل جماعتی کانفرنس کے حوالے سے اپوزیشن لیڈر خیبرپختونخوا اسمبلی ڈاکٹر عباداللہ نے کہا ہے کہ تمام اپوزیشن جماعتوں نے کل اے پی سی میں شرکت نہ کرنے کا متفقہ فیصلہ کیا ہے، خیبرپختونخوا حکومت کے فیصلے غیرسنجیدہ ہیں۔

قائد حزبِ اختلاف کےپی نے کہا کہ صرف ایک میز پر بیٹھنے سے مسائل حل نہیں ہوتے، عوامی مسائل کے حل کیلئے عملی اقدامات ناگزیر ہیں۔

یہ بھی پڑھیں: خیبرپختونخوا حکومت کی اے پی سی، پیپلزپارٹی کا اہم فیصلہ

ڈاکٹرعباداللہ کا کہنا تھا کہ تمام اپوزیشن جماعتیں مل کر آگے کا لائحہ عمل طے کریں گی، حکومت کا ہر فورم پر غیرسنجیدہ رویہ قابل افسوس ہے۔

خیال رہے کہ پیپلزپارٹی نے بھی خیبرپختونخوا حکومت کی کُل جماعتی کانفرنس کے بائیکاٹ کا فیصلہ کیا ہے۔

صدر پاکستان پیپلزپارٹی خیبرپختونخوا سید محمد علی شاہ باچا نے بیان میں کہا کہ کے پی حکومت کی اے پی سی کے بائیکاٹ کا فیصلہ کیا ہے پیپلزپارٹی کل ہونے والی اے پی سی میں شرکت نہیں کرے گی۔

محمد علی شاہ باچا کے مطابق کے پی حکومت کا رویہ انتہائی غیرسنجیدہ ہے صوبائی حکومت کی آل پارٹیز کانفرنس صرف دکھاوا ہے۔

https://urdu.arynews.tv/kpk-all-parties-conference/

پشاور : خیبرپختونخوا اسمبلی میں ن لیگی ایم پی اے ثوبیہ شاہد نے پی ٹی آئی ارکان کو جوتے دکھا کر نعروں کا جواب دیا۔

تفصیلات کے مطابق خیبرپختونخوا اسمبلی میں دوسرے دن بھی اجلاس میں بدنظمی دیکھنے میں آئی، اسپیکر کے انتخاب کے دوران ن لیگی ایم پی اے ثوبیہ شاہد کیخلاف گیلری سے کارکنوں نے نعرے لگائے۔

خاتون ایم پی اے نے ووٹ ڈالنے کے بعد تحریک انصاف کے نامزد وزیر اعلی علی امین گنڈاپورسے شکایت کی، جس پر علی امین گنڈاپور نے کارکنوں کو پُرامن رہنے کی تلقین کی۔

کے پی اسمبلی میں گیلری میں موجود پی ٹی آئی کارکنوں کے نعروں پر ن لیگ کی ایم پی اے ثوبیہ شاہد نے جوتا اٹھالیا ، ثوبیہ شاہد نے پی ٹی آئی ارکان کو جوتے دکھا کر نعروں کا جواب دیا تاہم اسمبلی میں شور شرابا ہوتا رہا۔

گذشتہ روز خیبر پختونخواہ اسمبلی کےاجلاس سے قبل گیلری سے نعرے بازی کی گئی تھی، جس پر اسپیکر ڈائس کے سامنے لیگی خاتون ہاتھ میں گھڑی پکڑ کر نعروں کا جواب دیتی رہیں۔

اس دوران پی ٹی آئی کارکنوں نے ن لیگ کی ایم پی اے ثوبیہ شاہد پر جوتا اور لوٹا پھینکا تھا جبکہ پی ٹی آئی کارکنوں کی جانب سے اپوزیشن پر پانی کی بوتلیں پھینکی گئیں۔

پشاور :‌ خیبرپختونخوا اسمبلی کے نو منتخب ارکان آج حلف اٹھائیں گے، اسپیکر مشتاق غنی نومنتخب ارکان سے حلف لیں گے۔

تفصیلات کے مطابق خیبرپختونخوا اسمبلی کا اجلاس آج ہونے جارہا ہے ، جس میں نو منتخب ارکان حلف اٹھائیں گے، اسپیکر مشتاق غنی نومنتخب ارکان سے حلف لیں گے۔

سنی اتحاد کے اکانوے، جے یوآئی کے سات، ن لیگ پانچ اور پیپلزپارٹی چار جبکہ اے این پی اور پی ٹی آئی پارلیمنیٹرینز کا ایک ایک رکن آج حلف اٹھائے گا جبکہ نامزد وزیراعلی علی امین گنڈاپور آزاد حیثیت سے حلف اٹھائیں گے۔

کے پی اسمبلی کے اجلاس کے موقع پر 350 سے زائد اہلکار سیکیورٹی پرمامور ہیں جبکہ 2ایس پیزسیکیورٹی کی نگرانی کررہے ہیں۔

اسمبلی کے اسپکیر اور ڈپٹی اسپیکرکے انتخاب کے لئے کاغذات نامزدگی بھی آج ہی جاری کئے جائیں، جو شام پانچ بجے تک جمع کرائےجاسکتے ہیں جبکہ اسپیکر،ڈپٹی اسپیکر کیلئے کاغذات نامزدگی کل رات 11بجے تک واپس لیے جاسکتے ہیں۔

پشاور : خیبرپختونخوا اسمبلی بحال کرنے کے لئے درخواست دائر کردی گئی، جس میں 18 جنوری 2023 کو اسمبلی تحلیل کے اقدام کو کالعدم قرار دینے کی استدعا کی گئی ہے۔

تفصیلات کے مطابق پشاور ہائی کورٹ میں خیبرپختونخوا اسمبلی بحال کرنے کے لئے درخواست دائر کردی گئی، درخواست محمد فرقان نے سیف اللہ محب کاکاخیل کی وساطت سے دائر کی۔

درخواست میں مؤقف اختیار کیا گیا کہ وزیراعلی خیبرپختونخوا نے بغیر کسی وجہ کے پارٹی سربراہ کی ہدایات پر اسمبلی تحلیل کی، تحریک انصاف کے چیئرمین نے بھی بعد میں کہا ہے کہ اسمبلی تحلیل کا مشورہ ان کو کسی اور نے دیا تھا۔

درخواست میں کہا گیا کہ 9 مئی کو افسوسناک واقعات ہوئے، الیکٹڈ حکومت ہوتی تو ایسے واقعات رونما نہ ہوتے، ملک میں نئے الیکشن کا دور دور کوئی امکان نہیں ہے۔

دائر درخواست میں کہنا تھا کہ لاہور ہائی کورٹ نے اسپیکر قومی اسمبلی کی جانب سے پی ٹی آئی اراکین اسمبلی کی استعفوں کو کالعدم قرار دیا ہے، صوبائی اسمبلی تحلیل کو بھی کالعدم قرار دیا جائے۔

درخواست گزار نے کہا کہ قومی اسمبلی کو تحلیل کیا گیا تو سپریم کورٹ نے مداخلت کرکے اسمبلی کو بحال کیا تھا۔

درخواست میں 18 جنوری 2023 کو اسمبلی تحلیل کے اقدام کو کالعدم قرار دینے کی استدعا کرتے ہوئے کہا کہ نگران حکومت بھی ناکام ہوچکی ہے, نگران حکومت کے پاس اتنے اختیارات نہیں ہوتے، ملک میں مہنگائی عروج پر ہے عوام شدید مشکلات کا شکار ہے۔

درخواست میں وفاقی اور صوبائی حکومت, الیکشن کمیشن اور سیکرٹری قانون کو فریق بنایا گیا ہے۔