پشاور(21 اگست 2025): خیبر پختونخوا حکومت نے وزیر اعلیٰ علی امین گنڈا پور کی قیادت میں تاریخ رقم کردی۔

تفصیلات کے مطابق کے پی کے حکومت کی جناب سے ملنے والی سپورٹ کے بعدکوہ پیما سرباز خان اور عابد بیگ نے ہندوکش کی بلند ترین چوٹی ترچ میر سرکاری سطح پر پہلی مرتبہ سر کرلی۔

وزیراعلیٰ کی ایڈونچر ٹور ازم کے فروغ میں ذاتی دلچسپی پر قومی کوہ پیماؤں کو مکمل سپورٹ فراہم کی گئی، ڈائریکٹر ٹور ازم اتھارٹی اور باقی کوہ پیما کی ٹیم سخت موسمی صورتحال پر 7 ہزار 300 میٹر تک محدود رہی۔

ترچ میر چوٹی اس سے قبل 1950 میں ناروے کوہ پیماؤں نے سر کی تھی، قومی کوہ پیماؤں کی ٹیم 5 اگست کو چترال سے روانہ ہوئی تھی، ڈی جی تورازم اتھارٹی نے کہا کہ ترچ میر سمٹ ایک تاریخی سنگ میل کی حیثیت رکھتی ہے، قومی کوہ پیماؤں نے پاکستان کی ایڈونچر ٹورازم میں نیا باب رقم کیا۔

اس سے قبل پاکستان کے مشہور پہاڑی سلسلے ہندوکش کی سب سے اونچی چوٹی ترچ میر بیس کیمپ تک ٹریکنگ کے لیے پہلی مرتبہ خواتین ٹریکرز کا ایک گروپ روانہ ہوا ہے جس میں 16 خواتین ٹریکرز شریک ہیں۔ محکمۂ سیاحت خیبر پختونخوا کے حکام کے مطابق صوبے میں ایڈوینچر ٹورازم کو فروغ دیا جا رہا ہے۔

پشاور : خیبرپختونخوا حکومت کے ہیلی کاپٹر کریش ہونے کی ابتدائی رپورٹ سامنے آگئی، جس میں بتایا حادثہ خراب موسم اور دھند کے باعث پیش آیا۔

تفصیلات کے مطابق خیبرپختونخوا حکومت کے ہیلی کاپٹرکریش ہونے کی رپورٹ جاری کردی گئی ، جس میں بتایا گیا کہ ہیلی کاپٹر 10 بجکر30 منٹ پر باجوڑ کے لئے روانہ ہوا، 12 بجے کے قریب ہیلی کاپٹر سے رابطہ منقطع ہوا۔

رپورٹ میں کہنا تھا کہ 4 بجے ہیلی کاپٹر کو ٹریس کیا گیا جو مہمند میں کریش ہوا، جس جگہ ہیلی کاپٹرکریش ہوا وہ تقریباً 8 ہزار میٹر بلندی پر ہے ، جائے وقوعہ کے آس پاس کوئی آبادی نہیں ہے۔

سرکاری حکام نے بتایاکہ حادثہ خراب موسم اور دھند کے باعث پیش آیا کیونکہ حادثہ جس جگہ پر ہوا وہاں بارش نہیں ہورہی تھی، وہاں اونچا پہاڑبادلوں اور دھند میں ڈوبا ہوا تھا اور ہیلی کاپڑ کا ملبہ خشک نالے میں گرا۔

شہدا کی لاشیں ہیلی کاپٹر کے ذریعے پشاور منتقل کی گئیں، جن میں شہید پائلٹس میں شاہد سلطان اور ریٹائرڈ ونگ کمانڈر آفتاب شامل ہیں۔

یاد رہے گذشتہ روز امدادی سامان لیجانے والا خیبرپختونخو احکومت کا ہیلی کاپٹر گر گیا تھا ، جس میں پانچ افراد شہید ہوئے تھے۔

خیبرپختونخو احکومت نے ہیلی کاپٹر کریش کی تصدیق کرتے ہوئے بتایا تھا کہ چینگئی بانڈہ کے قریب سوکئی میں سرکاری ہیلی کاپٹر کریش کرگیا،سرکاری ہیلی کاپٹر ایم آئی17 ریسکیوٹیم اور امدادی سامان باجوڑ لے جا رہا تھا۔

پشاور: خیبرپختونخوا حکومت کا سرکاری ہیلی کاپٹر لاپتہ ہو گیا، ہیلی کاپٹر ریسکیو آپریشن میں حصہ لے رہا تھا۔

تفصیلات کے مطابق خیبرپختونخوا حکومت کا سرکاری ہیلی کاپٹر لاپتہ ہو گیا، چیف سیکریٹری کے پی شہاب علی شاہ نے بتائا کہ ہیلی کاپٹر مہمند کے علاقے میں ریسکیو آپریشن میں مصروف تھا،جب خراب موسم کے باعث اس کا رابطہ منقطع ہو گیا۔

چیف سیکریٹری کا کہنا تھا کہ لاپتہ ہیلی کاپٹر کی تلاش کے لیے فوری اقدامات شروع کر دیے گئے ہیں اور متعلقہ ادارے اس کی لوکیشن معلوم کرنے کی کوشش کر رہے ہیں۔

انھوں نے بتایا کہ ہیلی کاپٹر ریسکیو آپریشن میں حصہ لے رہا تھا اور حادثے کے وقت علاقے میں شدید موسمی صورتحال تھی۔

اس حوالے سے وزیراعلیٰ کے پی علی امین گنڈا پور نے کہا کہ باجوڑ،سلارزئی میں امدادی سامان لے جانیوالےہیلی کاپٹر ایم آئی17سے رابطہ منقطع ہوگیا ہے ، خراب موسم کی وجہ سے مہمند کے فضائی حدود میں ہیلی کاپٹر سےرابطہ منقطع ہوا ،علی امین گنڈاپور

ان کا کہنا تھا کہ ہیلی کاپٹر سے رابطہ قائم کرنے کے لئے تمام تر کوششیں کی جارہی ہیں اور علاقے میں فوری طور پر ٹیمیں بھیجنے کی ہدایات دی گئی ہیں تاہم کے پی حکومت کادوسراہیلی کاپٹر بونیر میں ریسکیو کاروائیوں میں مصروف ہے،علی امین گنڈاپ

یاد رہے وزیراعلیٰ نے امدادی سرگرمیوں کے لئےہیلی کاپٹر مختص کیا تھا اور ہیلی کاپٹر کے ذریعے عوام کو محفوظ مقامات پر منتقل کیا جا رہا ہے، دوائیں اور دیگر ضروری سامان بھی پہنچایاجا رہا ہے۔

وزیراعلیٰ کی ہدایت پر متاثرہ اضلاع میں امدادی کارروائیاں جاری ہیں، وہ خود امدادی سرگرمیوں کی نگرانی کر رہے ہیں۔

پی ڈی ایم اے، ریسکیو ودیگر متعلقہ ادارے امدادی کارروائیوں میں مصروف ہیں تاہم ناخوشگوار واقعے پرپی ڈی ایم اے کنٹرول روم 1700 پر اطلاع دی جا سکتی ہے۔

خیبرپختونخوا حکومت کی جانب سے عوام کےلیے اہم اقدام سامنے آیا ہے، ٹریفک چالان کی ادائیگی اب آن لائن کی جاسکے گی۔

کے پی کے عوام کو اب ٹریفک چالان آن لائن بھرنے کی سہولت حاصل ہوگی، یہ اقدام بانی پی ٹی آئی کے ویژن پر عملدرآمد کرتے ہوئے وزیراعلیٰ خیبرپختونخوا علی آمین گنڈاپور نے شروع کیا ہے۔

یہ بھی پڑھیں: خیبر پختونخوا حکومت کا سندھ میں مقیم اپنے باشندوں کیلیے اہم فیصلہ

معاونِ خصوصی ڈاکٹر شفقت ایاز نے ایک پوڈ کاسٹ میں گفتگ کرتے ہوئے کہا کہ صوبہ خیبرپختونخوا میں لوگ اپنا ٹریفک اب چالان آن لائن بھرسکیں گے۔

ڈاکٹر شفقت ایاز کا کہنا تھا کہ ٹریفک چالان آن لائن بھرنے کی سہولت ایسا اقدام ہے جس سے عوام اور حکومت دونوں کو فائدہ ہوگا۔

https://urdu.arynews.tv/kp-govt-letter-federal-for-payment-muzzammil-aslam/

پشاور : خیبرپختونخوا حکومت نے کفایت شعاری پالیسی کا اعلان کرتے ہوئے بڑی پابندیاں عائد کردیں۔

تفصیلات کے مطابق خیبرپختونخوا حکومت کے کفایت شعاری کے اقدمات کرتے ہوئے پالیسی کا اعلان کردیا ، جس میں سرکاری اخراجات پر دیگر ممالک میں ورکشاپس اور تربیتی پروگرامز میں شرکت پر پابندی عائد کردی۔

اعلامیے میں کہا گیا کہ حکومتی خرچ پر سیمینارز،ورکشاپس اور بیرون ملک علاج کی اجازت نہیں ہوگی اور جاری کردہ فنڈز پر اخراجات کی اجازت ہوگی، اضافی ادائیگی یا نئی ذمہ داری پر پابندی ہوگی۔

تمام محکموں پر بینک اکاؤنٹس میں رقوم رکھنے پر پابندی اور رقوم کو اکاؤنٹ ون میں منتقل کرنا لازمی قرار دیا گیا ہے۔

اس کے علاوہ تین سال میں مرمت شدہ عمارتوں یا سڑکوں کی دوبارہ مرمت پر فنڈز کا استعمال ممنوع قرار دیا اور ہر ترقیاتی اسکیم کی شفافیت اور نگرانی کے لیے ایم اینڈ ای رپورٹس لازمی قرار دی گئی ہے۔

اعلامیے میں کہنا تھا کہ مکمل شدہ ترقیاتی منصوبوں کیلئےوزیراعلیٰ کی منظوری سےمطلوبہ آسامیوں کےقیام کی منظوری دی جائے گی تاہم ایمبولینس،فائر بریگیڈ،ٹریکٹرز،مسافر بسوں،ریسکیو گاڑیوں ، کشتیوں اور قیدیوں کی گاڑیوں کی خریداری پر پابندی نہیں ہوگی۔

محکمہ خزانہ کی پیشگی اجازت کے بغیر چھٹی پر گئے کسی ملازم کی آسامی پر تقرری نہیں کی جائے گی تاہم تمام خودمختار اداروں،میڈیکل ٹیچنگ انسٹی ٹیوٹس اوراتھارٹیوں کو فوری عملدرآمد یقینی بنانے کی ہدایت کی گئی ہے۔

پشاور : نئے مالی سال کے آغاز جولائی 2025 سے ٹریفک جرمانوں میں بڑے پیمانے پر اضافے کا امکان ہے۔

تفصیلات کے مطابق خیبرپختونخوا حکومت نے نئے مالی سال 2025-26 کے فنانس بل میں ٹریفک جرمانوں میں نمایاں اضافے کی تجاویز پیش کی، جس کا مقصد سڑک کی حفاظت کو بڑھانا اور ٹریفک کے ضوابط کی سختی سے تعمیل کو یقینی بنانا ہے۔

مجوزہ فنانس بل میں بتایا گیا تین پہیوں والی گاڑیوں کو پہلی بار الگ کیٹیگری میں شامل کیا گیا ہے،رکشہ، چنگ چی اور لوڈر گاڑیوں پر جرمانہ 200 روپے سے شروع ہوکر 100 ہزار روپےتک ہو سکے گا۔

ایک اہم تجویز میں روٹ پرمٹ کی شرائط کی خلاف ورزی کرنے پر 5,000 روپے کا جرمانہ بھی شامل ہے جب کہ دوبارہ خلاف ورزی کرنے والوں کو دوہرے جرمانے کا سامنا کرنا پڑ سکتا ہے، جس سے پبلک ٹرانسپورٹ کے روٹس کے غلط استعمال کی مزید حوصلہ شکنی ہو گی۔

فنانس بل میں جعلی ڈرائیونگ لائسنس پر بھی سلیب شامل کیا گیا ہے، جس کے تحت 5,000 سے 10,000 روپے تک جرمانہ عائد کیا جا سکے گا۔

مزید برآں، حکومت جرمانے میں اضافہ کرکے کم عمر گاڑی چلانے کے مسئلے سے نمٹنے کا منصوبہ رکھتی ہے، اٹھارہ سال سے کم عمر موٹرسائیکل سوار پر جرمانہ ایک ہزار سے بڑھا کر 3 ہزار روپے کرنے کی تجویز دی گئی ہے جبکہ جبکہ کم عمر کار ڈرائیور کو 5000 روپے تک جرمانہ ہو سکتا ہے۔

یہ مجوزہ اقدامات ٹریفک کے نظم و ضبط کو بہتر بنانے اور حادثات کو کم کرنے کے لیے صوبائی حکومت کے ارادے کی عکاسی کرتے ہیں، خاص طور پر وہ جن میں غیر مجاز یا کم عمر ڈرائیور شامل ہیں۔

اگر منظوری دی گئی تو نئے جرمانے جولائی 2025 سے شروع ہونے والے آئندہ مالی سال کے دوران لاگو ہوں گے۔