Tag: خیبرپختونخوا حکومت

پشاور : شہریوں کیلئے لائف انشورنس اسکیم متعارف کرانے کی منظوری دے دی گئی، 60 سال سے کم عمر میں انتقال کرنے والے افراد کے لواحقین کو 10 لاکھ روپے دیئے جائیں گے۔

تفصیلات کے مطابق وزیراعلیٰ خیبرپختونخوا کے مشیر برائے اطلاعات بیرسٹر محمد علی سیف نے اپنے بیان میں کہا کہ خیبرپختونخوا حکومت نے صحت کارڈ کے بعد ایک اور بڑے ریلیف کی منظوری دے دی۔

صوبائی مشیر کا بتانا تھا کہ کے پی کے تمام شہریوں کے لیے لائف انشورنس اسکیم متعارف کرانے کی منظوری دی، اسکیم پر سالانہ 4.5 ارب روپے لاگت آئے گی۔

مزید پڑھیں : آسان کاروبار کارڈ اسکیم : قرض حاصل کرنے کے خواہشمند افراد کے لیے اہم خبر

انھوں نے کہا کہ گھر کے سربراہ کا انتقال ہو جائے تو لواحقین کو فوری مالی امداد فراہم کی جائے گی۔

بیرسٹر سیف کا مزید کہنا تھا کہ 60 سال سے کم عمر میں انتقال کرنے والے افراد کے لواحقین کو 10 لاکھ اور 60 سال سے زیادہ عمر میں وفات پانے والے افراد کے لواحقین کو 5 لاکھ دیے جائیں گے۔

پشاور: خیبرپختونخوا حکومت کے معاون خصوصی شفقت ایاز نے کہا ہے کہ انٹرنیٹ مسئلے کے حل کیلئے ایلون مسک اور چین سے رابطہ کروں گا۔

تفصیلات کے مطابق خیبرپختونخوا حکومت کے سائنس اینڈٹیکنالوجی کے معاون خصوصی شفقت ایاز نے اے آروائی نیوز سے گفتگو میں کہا کہ مریم نواز وفاق کو بائی پاس کر کے چین جاسکتی ہیں تو ہم کیوں نہ جائیں۔

انہوں نے کہا کہ انٹرنیٹ مسئلے کے حل کیلئے ایلون مسک اور چین سے رابطہ کروں گا، ہمارے صوبے میں انٹرنیٹ اسپیڈ کا مسئلہ سنگین ہوتا جارہا ہے۔

شفقت ایاز نے مزید کہا کہ وفاقی وزیر کی نیٹ یوزرز زیادہ ہونے سے اسپیڈ میں کمی کی منطق سمجھ سے بالاتر ہے، پی ٹی اے کو بار بار خط بھی لکھا کہ آئی ٹی ڈپارٹمنٹ میں نیٹ کا مسئلہ ہے اسے حل کرایا جائے لیکن اس مسئلے کو سنجیدہ نہیں لیا گیا۔

پشاور : خیبرپختونخوا حکومت آئندہ مالی سال کا بجٹ آج پیش کرے گی ، بجٹ کا مجموعی حجم پندرہ سے سولہ کھرب کےدرمیان ہوگا۔

تفصیلات کے مطابق خیبرپختونخوا اسمبلی میں آئندہ مالی سال کا سولہ کھرب روپے تک کابجٹ آج پیش ہوگا، کابینہ کی منظوری سےوزیرخزانہ آفتاب عالم سال دوہزارچوبیس پچیس کابجٹ اسمبلی میں پیش کریں گے۔

بجٹ میں ملازمین کی تنخواہوں میں دس سےپندرہ فیصد اضافہ ہوگا جبکہ ترقیاتی منصوبوں کیلئےتین سوارب روپےرکھےجائیں گے۔

بجٹ میں بیس فیصد فنڈ بلدیاتی حکومتوں کودینےکی تجویزہے تاہم ضم اضلاع میں کوئی ٹیکس نہیں لگے گا جبکہ آئی ایم ایف کے مجوزہ ٹیکس نظرانداز کردئیے گئے ہیں۔

خیبرپختونخوا کے مالی سال 25-2024 کے بجٹ کی تجاویز کی دستاویز سامنے آگئی ، جس میں بتایا ہے کہ کےپی بجٹ کے حجم کا تخمینہ 1754 ارب روپے ہے اور بجٹ 100 ارب روپے سرپلس رکھنے کی تجویز دی گئی ہے۔

دستاویز میں کہا ہے کہ مجموعی اخراجات کیلئے1654 روپے مختص کرنے، ضم اضلاع کیلئے144 ارب روپے ، ترقیاتی بجٹ کیلئے 259 ارب روپے، صوبائی سالانہ ترقیاتی پروگرام کیلئے120 ارب روپے، ضم اضلاع کےسالانہ ترقیاتی پروگرام کیلئے36 ارب روپے، ایکسیلریٹڈ امپلی منٹیشن پروگرام کیلئے79 ارب روپے اور فارن پروگرام اسسٹنس مد میں 130 ارب روپے رکھنے کی تجویز ہے۔

دستاویز کے مطابق صوبے سے باہرکی گاڑیوں کی رجسٹریشن پر ٹیکس کی تجویزہے جبکہ انڈسٹریز کو ریلیف دینے کیلئے فلیٹ ریٹ اور گاڑیوں کی رجسٹریشن فیس میں کمی کی جائےگی۔

اس کے علاوہ تمباکو پر ایکسائز ڈیوٹی لگا کر حاصل رقم صحت کے شعبے پر خرچ ہوگی جبکہ ترقیاتی کاموں کیلئے 300 ارب، ڈھائی سال بعد مقامی حکومت کو ترقیاتی فنڈ کا 20 فیصد مختص کرنے اور صحت کارڈ کیلئے 28 ارب سےزائد رکھنے کی تجویز ہے۔

دستاویز میں کہا گیا ہے کہ کامیاب نوجوان پروگرام کے تحت آسان شرائط پر قرضے اور قرضوں کیلئے 10ارب روپے رکھنے کی تجویزہے، تین سال سے خالی اسامیاں پُر کرنے کے بجائے ختم کرنے اورچشمہ رائٹ بینک کینال منصوبے کیلئے 2 ارب روپے مختص کرنے کی تجویز دی گئی ہے۔

پشاور: خیبرپختونخوا کی صوبائی حکومت کی جانب سے سیاحوں کیلئے ہیلی کاپٹر سروس شروع کرنے کا فیصلہ کیا گیا ہے۔

تفصیلات کے مطابق خیبرپختونخوا کے مشیرِ سیاحت زاہد چن زیب نے بتایا کہ ہیلی کاپٹر سروس کا آغاز چترال کے سیاحتی مقامات سے ہوگا، دیگر سیاحتی مقامات پر بھی ہیلی کاپٹر سروس شروع کریں گے۔

نتھیا گلی میں ایلیٹ ایڈوانچر تھیم پارک کا افتتاح کردیا گیا ہے، پارک میں 8 آؤٹ ڈور اور 40 انڈور سیاحتی سہولیات فراہم کی گئی ہیں۔

مشیرسیاحت نے کہا کہ سیاحوں کو سہولیات کی فراہمی کیلئے اقدامات کررہے ہیں، ناران کاغان میں مختلف مقامات کیلئے مشینری بھی فراہم کی گئی۔

واضح رہے کہ اس سے قبل وزیراعلیٰ خیبر پختونخوا علی امین گنڈاپور کی زیر صدارت محکمہ صحت کے اجلاس میں صوبے میں ایئر ایمبولینس سروس شروع کرنے کا فیصلہ کیا گیا تھا۔

اجلاس میں متعلقہ حکام کو چار ماہ میں ایئر ایمبولینس سروس شروع کرنے کیلیے اقدامات کرنے کی ہدایت دی گئی تھی۔