Tag: خیبرپختونخوا کابینہ

پشاور: ترجمان خیبرپختونخوا حکومت اجمل وزیر کا کہنا ہے کہ صوبائی کابینہ میں ردوبدل کا امکان ہے۔

تفصیلات کے مطابق خیبرپختونخوا حکومت کے ترجمان اجمل وزیر کا کہنا ہے کہ وزیراعظم قبائلی علاقوں کی ترقی میں دلچسپی لے رہے ہیں، صحت انصاف کارڈ، انتظامی اداروں کا دائرہ کار قبائلی اضلاع تک بڑھا دیا گیا، ایک ارب روپے بلا سود قرضے قبائلی علاقوں میں عوام کو دے رہے ہیں۔

اجمل وزیر نے کہا کہ نوکریوں میں غیرمقامی لوگوں کی بھرتیوں کی معلومات حاصل کروں گا۔ انہوں نے کہا کہ اپوزیشن کے پاس بی آر ٹی منصوبے کےعلاوہ کچھ نہیں ہے، بی آرٹی منصوبے سے متعلق تحقیقات کا خیرمقدم کرتے ہیں۔

ترجمان کے پی کے حکومت نے کہا کہ پی پی نے سندھ کا بیڑہ غرق کر دیا، تھرمیں بچے مر رہے ہیں، سندھ واحد ہے جس نے نیشنل ایکشن پلان میں کوئی مدد نہیں کی۔ انہوں نے کہا کہ وزیراعظم عمران خان کسی صورت کرپشن برداشت نہیں کرتے۔

پرانے سسٹم سے پیسہ بنانے والے مافیا کے لیے 2020 مشکل سال ہوگا، وزیراعظم

یاد رہے کہ تین روز قبل وزیراعظم عمران خان کا کہنا تھا کہ پرانے سسٹم سے پیسہ بنانے والے مافیا کے لیے 2020 مشکل سال ہوگا، 2020 میں عوام کو بہتر تبدیلی نظر آئے گی۔

وزیراعظم کا کہنا تھا کہ تبدیلی اور اصلاحات کرنا چاہتے ہیں تو راستے میں مافیا کھڑا ہوتا ہے، کرپٹ نظام سے فائدہ اٹھانے والا مافیا ہر جگہ ہوتا ہے۔

پشاور: وزیراعلیٰ خیبرپختونخواہ کی زیرصدارت کابینہ اجلاس آج ہوگا جس میں 31 نکاتی ایجنڈے پر غور کیا جائے گا۔

تفصیلات کے مطابق وزیراعلیٰ خیبرپختونخواہ محمود خان کی زیرصدارت صوبائی کابینہ کا اجلاس آج ہوگا، اجلاس کا 31 نکاتی ایجنڈا جاری کر دیا گیا۔

اجلاس میں صوبائی بہبود آبادی ایکشن پلان پرعمل درآمد کا جائزہ لیا جائے گا، پناہ گاہ بل، ویلیج اور نائی برہوڈ کونسلز کے لیے بجٹ کی منظوری بھی ایجنڈے میں شامل ہے۔

صوبائی کابینہ کے اجلاس کے ایجنڈے میں سرکاری میڈیکل کالجز کی ٹیچنگ فیکلٹی کے لیے الاونس کی منظوری بھی شامل ہے۔

خیبرپختونخوا پہلا صوبہ ہے جس نے اپنے وسائل سے موٹروے مکمل کی، مراد سعید

یاد رہے کہ گزشتہ روز سیاحت کے فروغ اور مسافروں کی سہولت کے لیے وفاقی حکومت نے خیبرپختونخوا حکومت کے ساتھ ایم او یو سائن کیا تھا۔ وزیراعلیٰ خیبرپختونخوا اور وفاقی وزیر مواصلات نے معاہدے پر دستخط کیے تھے۔

وزیراعلیٰ خیبرپختونخواہ محمود خان کا کہنا تھا کہ سوات موٹروے کو توسیع دے کر ٹورسٹ زون بنایا جائے گا۔

دوسری جانب وفاقی وزیر مواصلات مراد سعید کا کہنا تھا کہ فیصلے سے ملکی سیاحت کو فروغ ملے گا، خیبر پختونخوا پہلا صوبہ ہے جس نے اپنے وسائل سے موٹروے مکمل کی۔

پشاور: وزیراعلیٰ خیبرپختونخواہ کی زیرصدارت کابینہ اجلاس آج ہوگا جس میں 16 نکاتی ایجنڈے پر غور کیا جائے گا۔

تفصیلات کے مطابق وزیراعلیٰ خیبرپختونخواہ محمود خان کی زیرصدارت صوبائی کابینہ کا اجلاس آج ہوگا، اجلاس کا 16 نکاتی ایجنڈا جاری کر دیا گیا۔

صوبائی کابینہ کے اجلاس میں ضم قبائلی اضلاع کے لیے 52 گاڑیوں کی خریداری کی منظوری لی جائے گی۔

سول پروسیجرکوڈ میں ترامیم کی منظوری اور رزمک کیڈٹ کالج کی ریگولیشن کی منظوری بھی اجلاس کے ایجنڈے میں شامل ہے۔ اجلاس میں چائلڈ میرج کی روک تھام سے متعلق بل پرغور کیا جائے گا۔

صوبائی کابینہ کے اجلاس میں تربیلہ کشتی حادثے کے متاثرین کے لیے خصوصی پیکیج کی منظوری دی جائے گی، سرکاری ریسٹ ہاؤسسزکو نجی شعبے کو لیزپر دینے سے متعلق بھی غور ہوگا۔

پاک اٖفغان بارڈر کو 24گھنٹے کھولے رکھیں گے، وزیراعلیٰ کے پی محمود خان

یاد رہے کہ 31 جولائی کو وزیراعلیٰ خیبرپختونخوا نے چیف سیکریٹری اور دیگرحکام کے ساتھ طورخم بارڈر کا دورہ کیا تھا ، وزیراعظم کے مشیرارباب شہزاد بھی دورے میں شریک تھے، امیگریشن اورکسٹم حکام نے حکام کو مسائل و مشکلات پر بریفنگ دی تھی۔

وزیراعلیٰ خیبرپختونخوا محمود خان کا کہنا تھا کہ پاک اٖفغان بارڈر کو 24 گھنٹے کھولے رکھیں گے، بارڈرکھلے رہنے سے ٹرانزٹ بڑھے گی ، طور خم بارڈر کو جدید سہولتوں سےآراستہ کر رہے ہیں۔