ARYNews.tv | Urdu – Har Lamha Bakhabar

Tag: خیبرپختونخوا

  • خیبرپختونخوا میں کورونا سے ایک اور ڈاکٹر چل بسا، شہید ڈاکٹرز کی تعداد 42 ہوگئی

    خیبرپختونخوا میں کورونا سے ایک اور ڈاکٹر چل بسا، شہید ڈاکٹرز کی تعداد 42 ہوگئی

    پشاور : کورونا سے خیبرپختونخوا میں ایک اور ڈاکٹر صفدر علی شاہ شہید ہوگئے ، جس کے بعد صوبے میں کورونا سےشہید ڈاکٹرزکی تعداد 42 ہوگئی ہے۔

    تفصیلات کے مطابق خیبرپختونخوا میں کورونا کے باعث ایک اور ڈاکٹر صفدر علی شاہ انتقال کر گئے ، پراونشل ڈاکٹرز ایسوسی ایشن نے بتایا کہ ڈاکٹر صفدر علی شاہ کئی دنوں سے بیمار تھے اوران کا تعلق ضلع کرک سے تھا، صوبے میں کورونا سےشہید ڈاکٹرز کی تعداد 42 ہوگئی ہے۔

    خیال رہے نیشنل کمانڈ اینڈ آپریشن سینٹر کے جاری کردہ اعداد و شمار کے مطابق چوبیس گھنٹوں کے دوران ملک بھر میں کرونا وائرس کے ایک ہزار 947 نئے کیسز رپورٹ ہوئے، جس کے بعد ملک میں کورونا کے فعال کیسز کی تعداد 35 ہزار 707 تک جاپہنچی ہے۔

    این سی او سی کے مطابق چوبیس گھنٹوں کے دوران ملک بھر میں کرونا وائرس میں مبتلا مزید 59 مریض انتقال کرگئے، جس کے بعد کرونا سے مجموعی اموات کی تعداد 10 ہزار 409 ہوگئی ہے۔

    رپورٹ میں بتایا گیا ہے کہ ملک میں چوبیس گھنٹے کے دورن کرونا وائرس کے ٹیسٹ مثبت آنے کی شرح 5.55 فیصد رہی۔

  • خیبرپختونخوا کے شہری شناختی کارڈ کو بطور ہیلتھ کارڈ آج سے استعمال کرسکیں گے

    خیبرپختونخوا کے شہری شناختی کارڈ کو بطور ہیلتھ کارڈ آج سے استعمال کرسکیں گے

    لاہور : وزیراعظم عمران خان آج خیبرپختونخوا کے شہریوں کیلئے ہیلتھ کارڈ کا عملی آغاز کریں گے ، جس کے بعد شہری شناختی کارڈ کو بطور ہیلتھ کارڈ استعمال کرسکیں گے۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے پیغام میں کہا کہ وزیراعظم آج کےپی کے شہریوں کیلئے ہیلتھ  کارڈ کاعملی آغاز کریں گے ، جس کے بعد سوات کے شہری شناختی کارڈ کوبطورہیلتھ کارڈ آج سے استعمال کرسکیں گے۔

    ڈاکٹر شہباز گل کا کہنا تھا وزیراعظم عمران خان سوات میں بڑےاسپتال کا بھی افتتاح کریں گے۔

    خیال رہے وزیراعظم عمران خان سوات کے گراسی گراونڈ میں جلسے سے خطاب کریں گے، عمران خان کے دورے کے دوران سوات سمیت ملاکنڈ ڈویژن کیلیے بڑا پیکیج متوقع ہے۔

    یاد رہے خیبرپختونخوا کے عوام کو ہیلتھ انشورنس کارڈ کی فراہمی پر وزیراعظم عمران خان نے کے پی حکومت کو ہیلتھ کارڈ کے اجرا پر مبارکباد دیتے ہوئے کہا تھا یہ پاکستان کوریاست مدینہ کی طرزپر فلاحی ریاست بنانےکی جانب بڑاقدم ہے۔

    دوسری جانب وفاقی وزیرمراد سعید نے اپنے پیغام میں کہا تھا شکریہ عمران خان، کےپی کےبڑے سرکاری اورنجی اسپتالوں میں مفت سہولتیں ملیں گی، صوبے کی سو فیصد آبادی کومفت اور بہترین علاج کی سہولت میسرہوگی، ہر شہری کو دس لاکھ روپےکی ہیلتھ انشورنس حاصل ہوگی۔

  • خیبرپختونخوا کے سرکاری ملازمین کے لیے خوش خبری

    خیبرپختونخوا کے سرکاری ملازمین کے لیے خوش خبری

    پشاور: خیبر پختونخوا حکومت نے سرکاری ملازمین کو بلاسود اور آسان اقساط پر قرض دینے کا فیصلہ کیا ہے۔

    تفصیلات کے مطابق خیبر پختونخواہ حکومت کا ایک اور شاندار اقدام، سرکاری ملازمین کو بلا سود آسان اقساط پر قرض ملے گا، اس حوالے سے حکومت نے مراسلہ جاری کر دیا۔

    مراسلے میں کہا گیا ہے کہ گھرکی تعمیر،گاڑی،موٹر سائیکل اور سائیکل خریدنے کے لیے قرض دیا جائے گا،گریڈ ایک سے 17 تک ملازمین قرضہ لے سکتے ہیں۔

    صوبائی حکومت کی جانب سے جاری مراسلے میں کہا گیا ہے کہ گریڈ17 سے اوپر کے ملازمین صرف گاڑی خریدنے کے لیے قرض لے سکتے ہیں،8 ہزار روپے سے ڈھائی لاکھ روپے تک قرض دیا جائے گا۔

    خیبر پختونخواہ حکومت نے مراسلہ تمام انتظامی امور کے ذمے داروں کو ارسال کیا گیا ہے۔

    اس سے قبل رواں سال جون میں صوبائی حکومت نے نئے مالی سال کے موقع پر سرکاری ملازمین کے تنخواہوں اور پنشن میں اضافہ نہ کرنے کا فیصلہ کیا تھا۔

  • خیبرپختونخوا میں بارشوں اور سیلاب سے تباہی ، مختلف حادثات میں 27 افراد جاں بحق

    خیبرپختونخوا میں بارشوں اور سیلاب سے تباہی ، مختلف حادثات میں 27 افراد جاں بحق

    سوات : خیبرپختونخوا میں بارشوں اور سیلاب نے تباہی مچادی ، مختلف حادثات میں جاں بحق ہونے والے افراد کی تعداد 27 ہو گئی، بارشوں سے 110 گھروں کو جزوی نقصان جبکہ 13گھر مکمل تباہ ہوگئے۔

    تفصیلات کے مطابق خیبرپختونخوا میں بارش اور سیلاب کی تباہ کاریاں جاری ہے ، مختلف حادثات کے دوران اب تک 27 افراد جاں بحق ہوگئے۔

    صوابی میں رات گئے شدید بارش کے باعث مکان کی چھت گرنے سے 3بچوں سمیت 5 افراد جاں بحق ہوئے ۔

    سوات میں طوفانی بارش کا سلسلہ چوتھے روز بھی جاری ہے، لینڈ سلائیڈنگ کے باعث فضاگٹ روڈ مکمل طور بند ہوگیا ہے ، وزیراعلی خیبرپختونخوا آج سوات کا دورہ کرکے صورتحال کا جائزہ لیں گے۔

    سوات میں اب تک بارشوں سے 6 افراد جاں بحق ہوچکے ہیں جبکہ صوابی میں پانچ،مانسہرہ میں نو ،بٹگرام میں 2 ،کوہستان میں 1 جبکہ شانگلہ میں 2 افراد مختلف حادثات کے دوران جان سے گئے اور 34 افراد زخمی ہیں۔

    دریائے سوات میں ڈوبنے والے تین افراد کی لاشوں کی تلاش جاری ہے ،پی ڈی ایم اے کے مطابق بارشوں سے 110گھروں کو جزوی نقصان پہنچا ہے جبکہ 13گھر مکمل تباہ ہوگئے ہیں۔

    شدید بارشوں سے بالائی علاقوں کا زمینی رابطہ ملک بھر سے منقطع ہے ، دریائے سوات میں نچلے درجے کا سیلاب ہے، نشیبی علاقوں سے عوام کی نقل مکانی کا سلسلہ جاری ہے جبکہ بالائی علاقوں میں سیلاب کے تباہ کاریوں کے بعد بحالی کے کام جاری ہے ، بارشوں کے وجہ سے اسمیں مشکلات کا سامنا کرنا پڑ رہا ہے۔

  • خیبرپختونخوا کے شہریوں کیلئے یونیورسل ہیلتھ انشورنس کا اعلان

    خیبرپختونخوا کے شہریوں کیلئے یونیورسل ہیلتھ انشورنس کا اعلان

    پشاور : خیبرپختونخوا حکومت نے تمام شہریوں کیلئے یونیورسل ہیلتھ انشورنس کا اعلان کردیا، وفاقی وزیرمواصلات مراد سعید کا کہنا ہے کہ مستفید شہری وزیراعظم اورپی ٹی آئی حکومت کودعائیں دے رہے ہیں۔

    تفصیلات کے مطابق خیبرپختونخوا کے تمام شہریوں کیلئے یونیورسل ہیلتھ انشورنس کا اعلان کردیا گیا، وفاقی وزیرمواصلات مراد سعید نے اپنے بیان میں کہا کہ خیبرپختونخوا حکومت کا یہ اقدام فلاحی ریاست کی جانب اہم قدم ہے، صحت کی بہترین سہولتوں کی فراہمی پارٹی منشور کا اہم ترین جزو ہے۔

    مراد سعید کا کہنا تھا کہ مستفید شہری وزیراعظم اورپی ٹی آئی حکومت کودعائیں دے رہے ہیں، ماضی میں فراہمی صحت کے حوالے سے سنگین غفلت کا مظاہرہ کیاگیا، سنگین بیماری میں مزدورطبقے کے پاس سسکنے کے علاوہ کوئی چارہ نہ تھا۔

    وفاقی وزیر کا کہنا تھا کہ تنخواہ دارطبقہ قرض کابوجھ سہتایامرض کےہاتھوں تکلیف برداشت کرتاتھا، ہیلتھ انشورنس ملنے سے کے پی میں قابل ذکرتحفظ حاصل ہوا ہے۔

    ان کا کہنا تھا کہ کےپی حکومت کا یہ قدم فلاحی ریاست کےحصول کی منزل آسان بنائےگا، دیگر صوبے بھی کےپی حکومت کے نقش قدم پر چلیں اور عوام کی صحت و علاج کیلئے مؤثر اقدامات اٹھائیں۔

  • کالج طلبا کیلئے اہم خبر، 2 سالہ بی اے اور بی ایس سی پروگرام ختم

    کالج طلبا کیلئے اہم خبر، 2 سالہ بی اے اور بی ایس سی پروگرام ختم

    پشاور : خیبرپختونخوا میں کالجوں سے 2 سالہ  بیچلر آف آرٹس(بی اے) اور بیچلر آف سائنس(بی ایس سی)  پروگرام ختم کردیا گیا ، ہائیر ایجوکیشن ڈیپارٹمنٹ کا کہنا ہے کہ طلبا اب صرف 4 سالہ بی ایس میں داخلے لیں گے۔

    تفصیلات کے مطابق خیبرپختونخوا کے کالجوں میں بیچلر آف آرٹس(بی اے) اور بیچلر آف سائنس(بی ایس سی) کے پروگرام کو ختم کر دیا گیا ہے، اس حوالے سے ہائیرایجوکیشن ڈیپارٹمنٹ نے تمام کالجز کو مراسلہ ارسال کردیا ہے۔

    مراسلے میں کہا گیا ہے کہ نئےداخلے بی ایس پروگرام میں کیے جائیں، صوبے کے 128کالجزمیں 4سالہ بی ایس پروگرام شروع کردیاگیا ہے ، بی ایس پروگرام کے بعد بی اے اور بی ایس سی کا2سالہ پروگرام ختم کیا گیا۔

    مراسلے کے مطابق طلبااب صرف 4 سالہ بی ایس میں داخلےلیں گے ، کالجزکوبی اے،بی ایس سی پروگرام ختم کرنےکی ہدایت جاری کردی گئی۔

    خیال رہے ہائیرایجوکشن کمیشن نے سال 2020 تک بی اے بی ایس ختم کرنے کا فیصلہ کیا تھا۔

    یاد رہے کہ گزشتہ سال محکمہ تعلیم پنجاب نے دو سالہ بی اے اور بی ایس سی کی ڈگری ختم کرنے کا فیصلہ کیا تھا اور نوٹیفکیشن جاری کرتے ہوئے تعلیمی اداروں کو ہدایت کی تھی کہ بی اے بی، ایس سی کی جگہ نئی اور جدید دو سالہ ایسوسی ایٹ ڈگری کا آغاز کیا جائے گا۔

    ایسوسی ایٹ ڈگری میں طلبا جنرل مضامین کی جگہ اسپیشلائزڈ مضامین رکھ سکیں گے اور اس کے تحت طلبا کو نمبرز کے حصول کیلئے پریکٹیکل ٹریننگ کرنا ہوں گی۔

  • خیبرپختونخوا میں دریافت گیس کا منصوبہ مکمل، بڑا مسئلہ حل ہوگیا

    خیبرپختونخوا میں دریافت گیس کا منصوبہ مکمل، بڑا مسئلہ حل ہوگیا

    پشاور : خیبر پختونخوا میں دریافت گیس کا منصوبہ مکمل کرلیا گیا، جس کے تحت کل سے ایس این جی پی ایل کو روز 12 ملین کیوبک گیس کی فراہمی شروع ہوجائے گی، جس سے گیس کی فراہمی کا دیرینہ مسئلہ بھی حل ہوگیا ہے۔

    تفصیلات کے مطابق کوہاٹ ڈھوک حسین کے مقام پر دریافت گیس کا منصوبہ مکمل کرلیا گیا ، جس کے بعد 12 ایم ایم سی ایف ڈی کی14کلومیٹرطویل لائن ایس این جی پی ایل میں شامل ہوگئی ہے۔

    کنویں سےگیس کی پیداوار کے علاوہ 360 بیرل تیل بھی نکالاجائےگا اور گیس سےسالانہ 790 ملین کی رائلٹی کے پی حکومت کو وصول ہو گی جبکہ خیبر پختونخواہ او جی ڈی سی ایل کو سالانہ 131 ملین روپے کاریونیو حاصل ہوگا۔

    وزیراعلیٰ کے پی محمودخان نے کہا کہ ڈھوک حسین گیس فیلڈ کوہاٹ ایس این جی پی ایل لائن سے منسلک کردی گئی ہے، کل سےایس این جی پی ایل کو روز12 ملین کیوبک گیس کی فراہمی شروع ہوجائے گی۔

    محمود خان کا کہنا تھا کہ خیبر پختونخوا حکومت کو رائلٹی کی مد میں سالانہ ایک ارب کی آمدن ہوگی اور رائلٹی علاقے کی تعمیر و ترقی پر خرچ کی جائے گی، علاقے کو گیس کی فراہمی کا دیرینہ مسئلہ بھی حل کر دیا گیا ،منصوبے کی تکمیل نہ صرف صوبے بلکہ ملک کے لیےاہم پیشرفت ہے۔

  • شادی ہالز کب کھلیں گے؟ نئی حکمت عملی تیار

    شادی ہالز کب کھلیں گے؟ نئی حکمت عملی تیار

    پشاور: خیبرپختونخوا میں شادی ہالز کے لیے ایس اوپیز تیار کرنے سے متعلق کمیٹی تشکیل دینے کا فیصلہ کرلیا گیا۔

    تفصیلات کے مطابق خیبرپختونخوا میں شادی ہالز سے متعلق ایس او پیز تیاز کی جائے گی جس کے بعد ہالز کھولنے کے حوالے سے معاملہ زیرغور آئے گا، مشروط اجازت کے تحت ممکنہ طور پر صوبے میں ہالز کھل جائیں گے۔

    وزیراعلیٰ محمود خان سے شادی ہالز ایسوسی ایشن کے وفد نے ملاقات کی، اس دوران شادی ہالز کی صنعت سے وابستہ لوگوں کو درپیش مشکلات پر بات چیت ہوئی۔ وفد نے مخصوص اوقات کار کے تحت شادی ہالز کو مشروط طور پر کھولنے کی استدعا کی جس پر شادی ہالز کے لیے ایس اوپیز تیار کرنے سے متعلق کمیٹی تشکیل دینے کا فیصلہ کیا گیا۔

    کرونا وائرس : حکومتی احکامات کی خلاف ورزی، شادی ہال کا مالک گرفتار

    محمود خان کا کہنا ہے کہ ایس اوپیز کے بعد شادی ہالز کھولنے کا معاملہ این سی سی میں اٹھاؤں گا، شادی ہالز پر فیصلہ این سی سی کے اجلاس میں وفاق کی مشاورت سے ہوگا، وبا کی وجہ سے ہالز سمیت تمام شعبے بری طرح متاثر ہوئے۔

    وزیراعلیٰ نے یہ بھی کہا کہ صوبائی بجٹ میں شادی ہالز کو ٹیکسز میں خاطر خواہ ریلیف دیا گیا ہے۔

    خیال رہے کہ کروناوائرس کے پیش نظر ملک بھر میں شادی ہالز پر پابندی ہے، کسی بھی ہالز میں شادی بیاہ یا پھر دیگر سماجی تقریبات کی اجازت نہیں ہے۔ البتہ اب حکومت اس معاملے پر لچک دکھا رہی ہے۔

  • خیبرپختونخوا: کرونا نے معیشت پر کیا اثرات مرتب کیے؟

    خیبرپختونخوا: کرونا نے معیشت پر کیا اثرات مرتب کیے؟

    پشاور: کروناوائرس سے خیبرپختونخوا کی معیشت پر پڑنے والے اثرات کی تفصیلات سامنے آگئیں، ملازمت کے مختلف شعبوں سے تعلق رکھنے والے ورکرز اور مزدوروں کو شدید مالی نقصان کا سامنا کرنا پڑا ہے۔

    تفصیلات کے مطابق کے پی کے معیشت کے حوالے سے جاری کردہ رپورٹ میں کہا گیا ہے کہ صوبے میں زراعت کے 32.6فیصد مزدور زیادہ متاثر نہیں ہوئے، جبکہ صنعتی شعبے میں 12.3فیصد لیبر کو لاک ڈاؤن سے سست روی کا سامناکرنا پڑا، 13.7فیصد تعمیراتی شعبے کے مزدور سب سے زیادہ متاثر ہوئے۔

    رپورٹ میں بتایا گیا کہ ٹرانسپورٹ کے شعبے میں بین الاضلاعی سطح پر نقصان ہوا، 1.6فیصد سب سے زیادہ متاثر شعبہ سیاحت ہوا، محصولات میں کمی سے اخراجاتی منصوبہ جات بھی متاثر ہوئے۔

    رپورٹ کے مطابق گزشتہ مالی سال کی نسبت 2020۔21 میں30 فیصد محصولات میں کمی ہوئی، وفاقی حکومت احساس ایمرجنسی کیش سمیت1.2ٹریلین کا پیکج لائی، پیکج کا مقصد کمزور گروپوں اور شعبوں کوریلیف فراہم کرنا ہے۔

    خیبرپختونخوا: کرونا صورت حال کی وجہ سے محصولات کی مد میں کمی

    خیبرپختونخوا حکومت نے صحت، انفرااسٹرکچر اور آلات کی فراہمی کے لیے اضافی رقم مختص کی۔

    یاد رہے کہ 12 جون کو سرکاری حکام کا کہنا تھا کہ کرونا اور لاک ڈاؤن کے باعث محصولات کا حصول متاثر ہے، محصولات کی وصولی کے ادارے مقررہ اہداف حاصل نہ کرسکے، رواں بجٹ میں نان ٹیکسز اور ٹیکسز مد میں50ارب وصولی کا تخمینہ لگایا گیا تھا، جبکہ حکومت کو 33ارب روپے وصول ہوئے۔

    ذرائع نے بتایا کہ خیبرپختونخوا ریونیواتھارٹی سے 20ارب روپے آمدن متوقع تھی، محکمے نے 15 ارب روپے کے ٹیکسز وصول کیے، بورڈ آف ریونیو اور محکمہ ایکسائز سے 10 ارب روپے آمدن متوقع تھی، جبکہ ایکسائز 3.6ارب روپے میں سے 2.3ارب روپے ٹیکس وصول کرسکا۔

  • خیبرپختونخوا: کرونا سے مزید 14 افراد جاں بحق

    خیبرپختونخوا: کرونا سے مزید 14 افراد جاں بحق

    پشاور: صوبہ خیبر پختونخوا میں گزشتہ 24 گھنٹوں کے دوران کرونا وائرس سے مزید 14 افراد جان کی بازی ہار گئے۔

    محکمہ صحت خیبرپختونخواہ کے مطابق کرونا وائرس سے 24گھنٹے کے دوران 14 افراد جاں بحق ہوگئے، جس کے بعد صوبے میں کرونا وائرس سے اموات کی تعداد 675 ہوگئی۔

    محکمہ صحت کا کہنا تھا کہ خیبرپختونخوا میں کرونا سے متاثرہ افراد کی مجموعی تعداد 18ہزار 13 ہوگئی۔ترجمان محکمہ صحت کے مطابق صوبے میں وائرس سے اب تک 4 ہزار 539مریض صحت یاب ہوچکے ہیں۔

    محکمہ صحت خیبرپختونخوا نے بتایا کہ پشاور میں کرونا کیسز میں اضافے کے بعد متاثرہ افراد کی تعداد 6 ہزار 306 ہوگئی،صرف پشاور میں کووڈ 19 سے 345 افراد جان کی بازی ہار چکے ہیں۔

    ملک میں 24 گھنٹوں کے دوران 6 ہزار 825 نئے کیسز رپورٹ

    واضح رہے کہ گزشتہ 24 گھنٹوں کے دوران ملک بھر میں مزید 81 افراد کرونا انفیکشن کا شکار ہو کر جاں بحق ہو گئے جبکہ 6,825 نئے کیسز سامنے آئے۔

    نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 139,230 افراد متاثر ہو چکے ہیں، جب کہ اموات کی تعداد 2,632 ہو گئی ہے۔