Tag: خیبرپختونخوا

اسلام آباد: وزیراعظم عمران خان کا کہنا ہے کہ انضمام شدہ علاقوں کو ملک کے دیگر حصوں کے برابر لانا ترجیح ہے، بعض بیرونی عناصر ان علاقوں میں انتشار پھیلانے کی کوشش کر رہے ہیں۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت اجلاس ہوا، جس میں خیبرپختونخوا میں توانائی، ہائرایجوکیشن، صحت، ترقیاتی منصوبوں کا جائزہ لیا گیا۔ وزیراعظم کو انضمام شدہ علاقوں میں ترقیاتی منصوبوں کی رفتار پر بریفنگ دی گئی۔

اس موقع پر وزیراعظم عمران خان نے کہا کہ انضمام شدہ علاقوں کو ملک کے دیگر حصوں کے برابر لانا ترجیح ہے، بعض بیرونی عناصر ان علاقوں میں انتشار پھیلانے کی کوشش کر رہے ہیں۔

وزیراعظم کا کہنا تھا کہ ضروری ہے ترقیاتی منصوبوں اور مسائل کے حل پر قبائلی عوام کو باخبر رکھا جائے، انضمام شدہ علاقوں کے عوام کو پورے عمل میں ہر طرح سے شریک بنایا جائے۔

پاورپراجیکٹ منصوبوں کےواجبات سےمتعلق وزیراعظم نے معاملات حل کرنے کی ہدایت کرتے ہوئے کہا کہ پینے کے صاف پانی کے فراہمی کے منصوبوں کو ترجیحی بنیادوں پرمکمل کیا جائے۔

وزیراعظم عمران خان کا کہنا تھا کہ سالڈ ویسٹ مینجمنٹ پر قومی پالیسی تشکیل دینے کی ضرورت ہے، صوبائی حکومتوں کے ساتھ پالیسی تشکیل دینے کا عمل شروع کیا جائے، سالڈ ویسٹ مینجمنٹ کے حوالے سے منظم نظام تشکیل دیا جائے۔

پشاور: خیبرپختونخوا حکومت نے صوبے کی تاریخی درس گاہ ایڈورڈز کالج پشاور کی پراپرٹی منتقل نہ کرنے اور عیسائی شناخت برقراررکھنے کا فیصلہ کیا ہے۔

تفصیلات کے مطابق ایڈورڈز کالج کی موجودہ صورتحال سےمتعلق خصوصی اجلاس ہوا جس کی صدارت گورنر اور وزیراعلیٰ خیبرپختونخوانے مشترکہ طور پر کی۔

اجلاس میں ایڈورڈز کالج سےمتعلق مختلف امورپراتفاق کرتے ہوئے فیصلہ کیا گیا کہ ایڈورڈزکالج کی عیسائی شناخت برقراررہےگی۔

اجلاس میں اتفاق کیا گیا کہ نیشنلائزیشن کےتحت ایڈورڈزکالج کی پراپرٹی کومنتقل نہیں کیاجائے گا اور ایڈورڈزکالج کی پراپرٹی عیسائی برادری کی ہی رہےگی۔

خصوصی اجلاس میں یہ فیصلہ بھی کیا گیا کہ ایڈورڈزکالج کاپرنسپل ہمیشہ عیسائی برادری سےہی ہوگا۔

واضح رہے کہ پہلے یہ خبریں گرم تھیں کہ ایڈورڈز کالج کو حکومتی تحویل میں لیا جارہا ہے جس کے بعد سے غیر یقینی کی فضا تھی تاہم اب حکومت نے دو ٹوک اور واضح فیصلہ کیا ہے کہ ایڈورڈز کالج کی پراپرٹی منتقل ہوگی اور نہ ہی عیسائی شناخت تبدیل کی جائے گی۔