Tag: خیبرپختونخوا

اسلام آباد: وفاقی وزیر برائے مواصلات مراد سعید کا کہنا ہے کہ سوات موٹروے کو کالام تک توسیع دینے کا فیصلہ کیا گیا ہے۔

تفصیلات کے مطابق سیاحت کے فروغ اور مسافروں کی سہولت کے لیے ایک اور اہم قدم، وفاقی حکومت نے خیبرپختونخوا حکومت کے ساتھ ایم او یو سائن کرلیا۔ وزیراعلیٰ خیبرپختونخوا اور وفاقی وزیر مواصلات نے معاہدے پر دستخط کیے۔

سوات ایکسپریس وے کے انتظامی معاملات این ایچ اے کے سپرد کردیے گئے۔ سوات ایکسپریس وے پرروڈ سیفٹی، سفری سہولیات کی نگرانی موٹر وے پولیس کرے گی۔

وزیراعلیٰ محمود خان نے کہا کہ این ایچ اے کی تمام سہولتیں سوات ایکسپریس وے پردستیاب ہوں گی، فیصلہ سوات کالام جانے والے سیاحوں کی آسانی کے لیے کیا گیا۔

وزیراعلیٰ خیبرپختونخواہ نے کہا کہ سوات موٹروے کو توسیع دے کر ٹورسٹ زون بنایا جائے گا۔

دوسری جانب وفاقی وزیر مواصلات مراد سعید نے کہا کہ فیصلے سے ملکی سیاحت کو فروغ ملے گا، خیبر پختونخوا پہلا صوبہ ہے جس نے اپنے وسائل سے موٹروے مکمل کی۔

مراد سعید نے کہا کہ صوبے میں سیاحت کے فروغ کے لیے اقدامات جاری ہیں، مسافروں کے تحفظ کے لیے موٹروے پولیس سے معاہدہ کیا گیا۔

وفاقی وزیر برائے مواصلات نے کہا کہ وزارت مواصلات سوات ایکسپریس وے کو ٹیک اوور کرے گی، سوات موٹروے کو کالام تک توسیع دینے کا فیصلہ بھی کر لیا گیا ہے۔

مراد سعید نے کہا کہ مسافر سوات ایکسپریس وے پر این ایچ اے کی موبائل ایپ استعمال کرسکیں گے، موسم کی صورت حال، سیاحتی مقامات کی پیشگی اطلاع مل سکے گی۔

پشاور: صوبائی وزیر اطلاعات شوکت یوسفزئی نے کہا ہے کہ فضل الرحمان کو شوق ہے تو وہ بھی جیل جائیں، جیل میں مشاورت کرلیں حکومت کیسے گرانی ہے۔

تفصیلات کے مطابق وزیر اطلاعات خیبرپختونخوا شوکت یوسفزئی نے کابینہ میٹنگ کے بعد پریس کانفرنس کرتے ہوئے کہا کہ کچھ لوگ ٹی وی پر بیٹھ کر کہتے ہیں ملک تباہ کردیا، شرم ان لوگوں کو نہیں آتی ہے، ن لیگ اور پی پی ایک دوسرے کو سچ کہتی تھیں کہ آپ چور ہیں۔

شوکت یوسفزئی ہے کہا کہ جن کیسز میں یہ جیل گئے یہ کیس ہم نے نہیں بنائے، کرپشن کے خلاف ہیں، احتساب کا عمل جاری رہے گا، کرپشن کے خلاف کمیشن بننا چاہئے۔

انہوں نے کہا کہ 15 روز میں شاپنگ بیگز مارکیٹ سے ہٹانے کی منظوری دے دی گئی ہے، 15 روز بعد پلاسٹک شاپنگ بیگز پر کارروائی ہوگی، کسی کے ساتھ رعایت نہیں ہوگی۔

مزید پڑھیں: قوم نوافل ادا کرے کہ بڑے مگرمچھ گرفتار ہو رہے ہیں: شوکت یوسفزئی

صوبائی وزیر اطلاعات نے کہا کہ ریٹائرمنٹ کی عمر مختلف ممالک میں مختلف ہے، ریٹائرمنٹ کی عمر 63 سال کرنے کی منظوری دی گئی ہے، پاکستان میں ہر سال 10 ہزار لوگ ریٹائر ہوتے ہیں، ریٹائرمنٹ کی عمر زیادہ کرنے سے ہر سال کئی ملین بچت ہوگی۔

انہوں نے کہا کہ کابینہ میٹنگ میں میر علی بازار کے متاثرہ دکانداروں کے لیے خصوصی پیکیج کی منظوری دی گئی ہے۔

واضح رہے کہ چند روز قبل شوکت یوسفزئی کا کہنا تھا کہ قوم نوافل ادا کرے کہ بڑے بڑے مگرمچھ گرفتار ہورہے ہیں، آصف زرداری کی گرفتاری میں حکومت کا کوئی عمل دخل نہیں، قوم کو سمجھ آچکی ہے اپوزیشن تحریک کیوں کررہی تھی۔

پشاور: محکمہ اینٹی کرپشن خیبر پختون خوا نے بد عنوانی کے خلاف کارروائیاں کرتے ہوئے 5 ماہ میں کرپٹ عناصر سے 5 کروڑ وصول کر لیے۔

تفصیلات کے مطابق خیبر پختون خوا میں اینٹی کرپشن کا محکمہ گزشتہ پانچ ماہ کے دوران متحرک رہا، جنوری سے اب تک 15 ایف آئی آر درج جب کہ 36 ملزمان گرفتار کیے گئے۔

کرپٹ عناصر سے 5 ماہ میں 5 کروڑ روپے وصول کیے گئے، اس عرصے میں 3 افراد پر جرم ثابت ہوا جنھیں سزائیں سنائی گئیں۔

محکمہ اینٹی کرپشن کا کہنا ہے کہ گزشتہ پانچ ماہ کے دوران 27 کیس، 356 انکوائریاں اور 1052 شکایات نمٹائی گئیں، جب کہ 98 کیسز، 1634 انکوائریاں اور 1879 شکایات زیر تفتیش ہیں۔

اینٹی کرپشن حکام نے بتایا کہ سب سے زیادہ شکایات 504 محکمہ مال کے خلاف ہیں، دوسرے نمبر پر 311 شکایات محکمہ آب پاشی، 159 شکایات سی اینڈ بلیو کے خلاف ہیں۔

یہ بھی پڑھیں:  کرپشن اور ترقی کا سفر ایک ساتھ نہیں چل سکتا: وزیر اعظم

حکام نے مزید بتایا کہ احتساب کمیشن کے خاتمے کے بعد 547 شکایات اینٹی کرپشن کے حوالے کیے گئے، 146 شکایات پر کارروائی مکمل کی گئی جب کہ 401 پر کارروائی جاری ہے۔

واضح رہے کہ وزیر اعظم عمران خان کا کہنا ہے کہ کرپشن اور ترقی کا سفر ایک ساتھ نہیں چل سکتا، قومی اداروں کی تنظیم نو کا عمل ڈی ریل نہیں ہوگا، پاکستان تیزی سے معاشی استحکام کی طرف بڑھ رہا ہے، قوم کرپشن اور غربت سے نجات چاہتی ہے، مایوس نہیں کریں گے۔