Tag: خیبرپختونخوا

پشاور: خیبر پختونخوا کی درخواست۔وفاق نے سات حساس اضلاع میں انسداد پولیو مہم کے دوران ایف سی تعینات کرنے کا فیصلہ کرلیا۔

خیبرپختونخوا میں قومی انسداد پولیو مہم کے دوران ایف سی اہلکار سیکیورٹی کے فرائض انجام دیں گے، ذرائع کے مطابق وفاقی وزارت داخلہ نے کمانڈنٹ ایف سی کو مراسلہ بھیج دیا بٹہ گرام،مانسہرہ،لکی مروت،کرک ہنگو،صوابی اور ڈی آئی خان میں ایف سی سیکیورٹی کے فرائض انجام دے گی۔

ذرائع کے مطابق پولیو حکام کی سیکیورٹی کی درخواست کے پی کے حکومت کیجانب سے دی گئی تھی، قومی انسداد پولیو مہم اٹھارہ مئی تک جاری رہے گی۔

پشاور: خیبرپختونخوا اورگلگت بلتستان میں طوفانی بارشوں نے تباہی مچادی۔ چھتیں گرنے اوردیگر حادثات میں تیس افراد جان سے گئے، سوات ،شانگلہ، کوہستان اور چلاس میں لینڈسلائیڈنگ سے اہم سڑکیں بندہوگئیں۔

خیبیرپختونخوا اور گلگت بلتستان میں موسلادھار بارش کے باعث کئی لوگ جان سے گئے۔ نظام زندگی درہم برہم ہوگیا، کے پی کے میں شدیدبارشوں کا سلسلہ گزشتہ رات شروع ہوا جو وقفے وقفے سے جاری ہے۔ شانگلہ، چترال، چارسدہ اور دیگر اضلاع میں گھروں کی چھتیں گرنے سے چودہ افرادابدی نیند سوگئے۔

شبقدر میں مکان کی چھت گرنے سے بچی جاں بحق ہوگئی، دریائے سوات میں طغیانی کے باعث دو خواتین بہہ گئیں، سوات، مانسہرہ اورکوہستان میں لیڈ سلائیڈنگ سے بیشتر شاہراہیں بند ہیں، جس سے مسافر پھنس کر رہ گئے ہیں۔

گلگت بلتستان کے علاقےدیامیرمیں چھتیں گرنے اوردیگرحادثات میں دس افراد چل بسے، چلاس میں چھت گرگئی جس سے ایک ہی خاندان کے چار افرادلقمہ اجل بنے جبکہ تین افراد زخمی ہوگئے۔

لینڈسلائیڈنگ کے باعث شاہراہ قراقرم کئی مقامات پر بند ہے جس سے مسافر راستے میں پھنس گئے ہیں۔

ایبٹ آباد: پی پی پی شہید بھٹو خیبرپختونخوا کے صدرسید سلیم شاہ کوایبٹ آباد ضلعی انتظامیہ نےفوارہ چوک بند کرنےکےالزام میں گرفتار کرنے کے بعد ڈیرہ اسماعیل خان جیل بھیج دیا۔

شیروان اڈہ کی منتقلی کے خلاف فوراہ چوک میں چھ گھنٹے تک احتجاجی مظاہرہ کرنے والے مظاہرین کے خلاف ضلعی انتظامیہ اور پولیس حرکت میں آگئیں۔

، تھانہ کینٹ میں پی پی پی شہید بھٹو کے صوبائی صدر سید سلیم شاہ کے خلاف مقدمہ درج کیا تو صوبائی صدر نے عدالت سے سفری ضمانت کروا لی،جس کے بعد ڈپٹی کمشنر ایبٹ آباد کپٹن(ر) خالد محمود نے اپنے اختیارات کا استعمال کرتے ہوئے صوبائی صدر کو تھری ایم پی اوکے تحت گرفتار کرنے کا حکم دے دیا جس پر پولیس نے ان کے گھر چھاپہ مار کر صوبائی صدر کو گرفتارکرنے کے بعد فوری طور پر ڈیرہ اسماعیل خان جیل منتقل کر دیا گیا۔

پشاور: جماعت اسلامی نے قبائلی علاقوں کو خیبرپختونخوا میں شامل کرکے صوبے کے زیرانتظام قبائلی علاقہ کی حیثیت دینے کا مطالبہ کردیا ہے۔

جماعت اسلامی خیبرپختونخوا کے ہیدکوارٹر میں میڈیا سے بات چیت کے دوران جماعت اسلامی پاکستان کے امیر سراج الحق کا کہنا تھا کہ جماعت اسلامی قبائلی علاقوں کو صوبے میں شامل کرنے کے حوالے آل پارٹیز کانفرنس بلائے گی۔

ان کا کہنا تھا کہ حکومت قبائلی علاقوں کے ترقی کے لئے پندرہ سالہ ترقیاتی منصوبہ بنائے اور فاٹا کو ٹیکس فری زون قرار دیا جائے۔

ان کا کہنا تھا کہ اسلام آباد خود قبائلی عوام کے مستقبل کا فیصلہ کرنے کی بجائے قبائلی عمائدین کی مشاورت کو ترجیح دے۔