Tag: خیبرپختونخوا

خیبرپختونخوا کے بلدیاتی انتخابات میں بائیو میٹرک سسٹم متعارف کرانے کےعمل کو حتمی شکل نہیں دی جاسکی، جس کے بعد متعلقہ محکموں کی ایک کمیٹی قائم کردی گئی جوایک ہفتہ میں رپورٹ پیش کرے گی۔

الیکشن کمیشن کے اجلاس کے بعد ڈی جی الیکشن کمیشن شیرافگن نے میڈیا کو بتایا کہ سندھ اور پنجاب میں انتخابی عمل شیڈول کے مطابق جاری رہے گا۔ سندھ حکومت سپریم کورٹ سے رجوع کرتی ہے تو آئندہ کی صورتحال کے مطابق پیش رفت ہوگی۔

شیرافگن کا کہنا تھا کہ بیلٹ پیپرزکی چھپائی کیلئے مہلت کا معاملہ غور وخوض کیلئے کمیشن کے سامنے رکھ دیا گیا ہے تاہم تیرہ جنوری کو بیلٹ پیپرکی چھپائی شروع کردی جائے گی، شیرافگن نے بتایا کہ خیبرپختونخوا لوکل گورنمنٹ ایکٹ کو قبائلی علاقوں تک توسیع دیدی ہے۔

دوہفتوں تک رولز اور حلقہ بندیاں مکمل کرکے تفصیلات پیش کردی جائیں گی، چھاؤنیوں میں بلدیاتی انتخابات سے متعلق لوازمات مکمل کرنے کیلئے کمیشن سے ایک ہفتے کی مہلت طلب کرلی گئی ہے، جب کہ وزارت داخلہ کواسلام آباد میں بلدیاتی انتخابات کے حوالے سے قانون سازی اور دیگر تفصیلات ایک ہفتے میں فراہم کرنے کی ہدایت کی گئی ہے۔

خیبرپختونخوا حکومت نے صوبے میں بجلی اور گیس کی لوڈشیدنگ کے خلاف احتجاج کا اعلان کردیا خیبر پختونخوا کے مشیرمعدنیات ضیاءاللہ کہتےہیں میاں نواز شریف آٹے کی طرح بجلی اور گیس کو بطور ہتھیار استعمال کر رہے ہیں۔

بجلی اور گیس کی بندش کے خلاف خیبر پختون خوا حکومت نے اعلان احتجاج کردیا۔ خیبر پختون خوا حکومت کے مشیرمعدنیات ضیاءاللہ نے پشاور میں ارکان اسمبلی کے ساتھ مشترکہ پریس کانفرنس میں کہا کہ ۔بجلی اور گیس کو پی ٹی آئی حکومت کے خلاف بطورہتھیاراستعمال کیا جارہا ہے۔

انھوں نے کہا کہ وفاقی حکومت کے خلاف احتجاج میں عمران خان اور وزیر اعلیٰ کی حمایت بھی حاصل ہے۔احتجاج کے دوران واپڈا اور سوئی گیس کے دفاتر کا گھیراؤ کیا جائے گا، صوبائی مشیرضیاءاللہ کا کہنا تھا کہ کل سے ہونے والے احتجاج کے حوالے سے جماعت اسلامی سے بھی رابطہ کریں گے
    

ڈی جی الیکشن کمیشن کہتے ہیں خیبرپختونخوا میں با ئیو میٹک سسٹم کے لئے اٹھائیس دسمبر کو فرضی مشق کروائی جا ئے گی۔  نتائج اکتیس دسمبر کو کمیشن کے سامنے رکھے جائیں گے، کمیشن کی منظوری کے بعدسسٹم متعارف کروادیں گے۔

ڈی جی الیکشن کمیشن کہتے ہیں مشق کے نتائج اکیتس دسمبر کو کمیشن کے سامنےرکھے جائیں گے بائیو میٹرک سسٹم کمیشن کی منظوری کے بعد ہی قابل استعمال ہو گا۔

انھوں نے کہا کہ کے پی کے میں باون ہزارپولنگ اسٹیشنز میں ہر ایک بوتھ کے لئے ایک بائیو میٹرک مشین درکار ہوگی اور ایک بائیو میٹرک سسٹم پر چالیس ہزار روپے کا خرچہ آئے گا۔انھوں نے یہ بھی کہا کہ خیبر پختونخواہ کے بلدیاتی انتخابات کا شیڈول پندرہ جنوری کو جاری کیا جائےگا۔

خیبرپختونخواہ جنوری کے پہلے ہفتے میں حلقہ بندیاں اور قوانین کی تفصیلات الیکشن کمیشن کو فراہم کر دے گا۔
   

    اٹک موٹروے پولیس نے خیبرپختونخوا سے بھاری مقدار میں اسلحہ پنجاب اسمگل کرنے کی کوشش ناکام بنا دی اور دوملزمان کو گرفتار کرلیا ہے

    موٹروے پولیس کی کامیاب کارروائی اسلحہ پنجاب اسمگل کرنے کی کوشش ناکام بناتے ہوئے برہان انٹر چینج قریب کار سے بھاری مقدار میں اسلحہ برآمد کرلیا، پولیس کے مطابق کار میں سوار افراد کی مشکوک حرکات پر انہیں روکا گیا۔ 

گاڑی کی تلاشی کے دوران گاڑی کی ڈگی سے چار ایس ایم جی گن،بارہ لائٹ ویٹ مشین گن،ایک مارک ون رائفل،نو بارہ بور ریپیٹر،اٹھارہ پستول،پانچ ہزار کے قریب گولیاں،نائن ایم ایم گن کی تین ہزار گولیاں اور بھاری مقدار میں دیگر اسلحہ برآمد کرکے دو ملزمان محمدعاصم اورامین اللہ کو گرفتار کرلیا۔

ملزمان نے انکشاف کیا کہ وہ یہ اسلحہ ساہیوال اسمگل کرنا چاہتے تھے اور

اس سے قبل بھی متعدد بار وہ بھاری اسلحہ اسمگل کرچکے ہیں