Tag: خیبرپختونخوا

پشاور: احساس نوجوان پروگرام کے تحت بلاسود قرضوں کی فراہمی شروع ہوگئی، نوجوانوں میں چیکس تقسیم کرنے کی تقریب کا انعقاد کیا گیا۔

وزیراعلیٰ ٰکےپی علی امین نے نوجوانوں میں بلاسود قرضوں کے چیکس تقسیم کیے، اس موقع پر علی امین گنڈاپور نے کہا کہ پروگرام نوجوانوں کو برسر روزگار اور بااختیار بنانے کا فلیگ شپ منصوبہ ہے، نوجوانوں کو کاروبار شروع کرنے کےلئے بلاسود قرضے فراہم کیے جارہے ہیں۔

بلاسود قرضے پر الیکٹرک بائیکس، عوام کے لئے بڑی خوشخبری

علی امین گنڈاپور کا کہنا تھا کہ 3 سالہ منصوبے پر 3 ارب روپے کی لاگت سے عملدرآمد شروع کیا گیا ہے، پروگرام پرعملدرآمد کےلئے رواں بجٹ میں 1 ارب 10 کروڑ مختص ہیں۔

انھوں نے کہا کہ پروگرام کے پہلے حصے پر بینک آف خیبر کے اشتراک سے عملدرآمد کیا جارہا ہے، اشتراک کے تحت 1 ارب کی لاگت سے بلاسود قرضے فراہم کیے جارہے ہیں۔

وزیراعلیٰ خیبر پختونخوا کا مزید کہنا تھا کہ پہلے 20 ماہ گریس پیرئیڈ ہوگا جس دوران کوئی وصولی نہیں ہوگی، احساس پروگراموں کےلئے رواں بجٹ میں 15ارب روپے مختص کیے گئے ہیں۔

https://urdu.arynews.tv/punjab-interest-free-loans-insaf-rozgar-scheme/

مشیرخزانہ کےپی مزمل اسلم نے کہا ہے کہ خیبرپختونخوا قرض اتارنے والا پہلا صوبہ بن گیا۔

اپنے بیان میں انہوں نے کہا کہ کےپی حکومت نے ڈیبٹ مینجمنٹ فنڈز میں 30 ارب روپے منتقل کر دیے دوسرے صوبے اور وفاقی حکومت صرف قرض لیتے ہیں اتارنے کیلئے کوئی پروگرام نہیں۔

مزمل اسلم نے بتایا کہ خیبرپختونخوا حکومت نے قرض اتارنے کیلئے قائم کیے گئے فنڈز میں 30 ارب روپے منتقل کر دیے اور اب مالی حالات کو دیکھتے ہوئے مزید فنڈز منتقل کریں گے، خیبرپختونخوا حکومت نے قومی اور دوسرے صوبائی حکومتوں کو قرض اتارنے میں پیچھے چھوڑ دیا جب وفاق میں ہماری حکومت آئے گی ملکی قرض بھی کم اور ختم کریں گے۔

ان کا کہنا تھا کہ ہماری حکومت آنے سے پہلے کےپی خزانہ میں تنخواہ جتنے فنڈز نہ ہونے کی باتیں تھی اب خیبرپختونخوا حکومت کے خزانے میں 3ماہ کی ایڈوانس تنخواہ پڑی ہے وفاقی حکومت نے صرف ماہ نومبر میں 12248 ارب روپے کا قرض لیا جب کہ خیبر پختونخواکا 77 سال کا مجمو عی قرض 725 ارب روپے ہے اتنا قرض شہباز شریف حکومت نے نومبر کے پہلے 20 دن میں لیا۔

پشاور : پہاڑی علاقوں میں برفباری کے باعث سیاحوں کیلئے گائیڈ لائنز جاری کردی گئیں، جس میں ضروری اشیا ساتھ رکھنے اور گرم کپڑوں کے استعمال کی ہدایت کی گئی ہے۔

تفصیلات کے مطابق خیبرپختونخوا کے پہاڑی علاقوں میں برفباری کے آغاز کے ساتھ ہی سیاحوں کیلئے گائیڈ لائنز جاری کردی گئیں۔

ترجمان ٹورازم اتھارٹی نے کہا ہے کہ سیاح سیاحتی مقامات کا رخ کرنے سے قبل ضروری اشیا ساتھ رکھیں اور برف باری والے مقامات کیلئے سنو چین اور گرم کپڑوں کااستعمال کریں۔

ترجمان نے کہا کہ سیاح سفر پر روانہ ہونے سے قبل ٹورازم ہیلپ لائن 1422 سے معلومات بھی حاصل کر سکتے ہیں، ٹورازم پولیس کے جوان کیلاش سمیت مختلف سیاحتی مقامات پر ڈیوٹی سر انجام دے رہے ہیں۔

ترجمان کا کہنا تھا کہ 2025کی پہلی برف باری وادی کیلاش اورکالام میں شروع ہوئی ہے، چترال لوئر کے پہاڑوں نے بھی سفید چادر اوڑھ لی ہے۔

خیال رہے سوات کی وادی کالام میں طویل خوشک سالی کےبعد برف باری نے وادی کا حسن دوبالا کردیا، جس سے سردی کی شدت میں بھی اضافہ ہوگیا۔

محکمہ موسمیات کا کہنا ہے آئندہ چوبیس گھنٹے تک برفباری وقفے وقفے سے جاری رہے گی جبکہ مقامی انتظامیہ کا کہنا ہےشہری موسم کو دیکھتے ہوئے وادی کا رخ کریں، برف باری کی وجہ سےٹریفک کی روانی متاثر ہے اورمسافروں کو سفری مشکلات کاسامنا بھی کرنا پڑرہا ہے۔