Tag: خیبرپختونخوا

اسلام آباد : وفاقی حکومت اور قانونی ٹیم کی اہم میٹنگ میں خیبرپختونخوا میں گورنرراج کیلئے صوبائی اسمبلی سےقراردادکی شق پر غور کیا گیا۔

تفصیلات کے مطابق خیبرپختونخوا میں گورنر راج پر وفاقی حکومت کی قانونی ٹیم کی اہم میٹنگ ہوئی ، ذرائع نے بتایا کہ میٹنگ میں گورنرراج کیلئے صوبائی اسمبلی سےقراردادکی شق پر غور کیا گیا۔

ذرائع کا کہنا تھا کہ قانونی ماہرین کی رائےمیں اندرونی سیکیورٹی مسائل پرصوبائی اسمبلی کی قرارداد کی ضرورت نہیں۔

حکومتی ٹیم نے بتایا کہ سیکیورٹی مسائل پرگورنر راج کیلئےپارلیمنٹ کےمشترکہ اجلاس سےقراردادکافی ہوگی۔

ذرائع کا کہنا ہے کہ حکومتی قانونی ٹیم نےاقدام سےقبل سیاسی اتحادیوں کو اعتماد میں لینےکی تجویز دی تاہم آئین کےمطابق گورنر راج لگانے کے3 ماہ کےاندرمتعلقہ اسمبلی سےقرارداد کی منظوری شرط ہے۔

یاد رہے وفاقی کابینہ ارکان کی اکثریت نے خیبرپختونخوا میں گورنر راج کی حمایت کی ، جس پر معاملے پر پیپلزپارٹی کو اعتماد میں لینے کا فیصلہ کیا گیا ہے۔

مزید پڑھیں : کابینہ ارکان کی اکثریت کی خیبرپختونخوا میں گورنر راج کی حمایت

ذرائع نے بتایا تھا کہ گورنر راج کی ابتدائی مدت چھے ماہ ہوگی، حتمی فیصلہ ایک دو روز میں کیا جائے گا، اٹارنی جنرل سمیت قانونی ماہرین نے کابینہ ارکان کو بریفنگ دی۔

ذرائع کا کہنا تھا کہ صوبائی حکومت نے اسلام آبادمارچ میں سرکاری وسائل استعمال کیے، صوبائی محکمے اورملازمین بھی استعمال کیے گئے، کابینہ ارکان نے رائے دی صوبائی حکومت نے اس کا جواز پیدا کردیا ہے۔

اس معاملے پر پیپلز پارٹی دو حصوں میں تقسیم ہے ، ذرائع کے مطابق ایک دھڑے کا کہنا ہے کہ اس سے سے پی ٹی آئی کو سیاسی فائدہ ہوگا، وہ اسے کیش کرائے گی

اسلام آباد : پاکستان میں پولیو وائرس کا ایک اور کیس سامنے آنے کے بعد کیسز کی تعداد 50 ہوگئی۔

تفصیلات کے مطابق ملک میں پولیو وائرس کاایک اورکیس سامنے آگیا، نیشنل ریفرنس لیب کی خیبرپختونخوا سے پولیو کیس کی تصدیق کردی ہے ، جس کے بعد رواں سال کے پولیو کیسزکی تعداد50ہوگئی ہے۔

ذرائع کا کہنا تھا کہ پولیوپازیٹیو20 ماہ کی بچی کاتعلق ضلع ٹانک سےہے، بچی میں وائلڈپولیووائرس ٹائپ ون کی تصدیق ہوئی ہے،ذرائع

رواں سال ٹانک سےپولیووائرس کادوسراکیس رپورٹ ہواہے، پولیوکیس کاجینیاتی تعلق جولائی میں ٹانک سےرپورٹ شدہ کیس سے ہے۔

رواں سال بلوچستان سے 24 ، سندھ سے 13 ، کے پی سے 11 کیسزرپورٹ ہوئےہیں جبکہ رواں سال پنجاب ایک اسلام آبادسےایک پولیوکیس رپورٹ ہوا ہے۔

مزید پڑھیں : انسداد پولیو کے عالمی سپریم بورڈ کے وفد کا پاکستان کے دورے کا فیصلہ

یاد رہے پاکستان میں پولیو کے پھیلاؤ پرانسداد پولیو کے عالمی سپریم بورڈ کا وفدبیس نومبرکو پاکستان پہنچے گا، دورہ پاکستان میں اہم فیصلے متوقع ہیں۔

اوورسائٹ بورڈ ڈاکٹرکرسٹوفر ایلیس کی زیر سربراہی اسلام آباد آئے گا اور 22 نومبر تک پاکستان میں قیام کرے گا۔

پولیو اوور سائٹ بورڈ کی اسلام آباد،راولپنڈی میں ملاقاتیں ہوں گی جبکہ پولیو اوور سائٹ بورڈ کی صوبائی حکام سے ملاقاتیں شیڈول ہیں۔

پشاور : صوبائی مشیر برائے اطلاعات بیرسٹرسیف کا کہنا ہے کہ خیبرپختونخوا اپنی پاور ٹرانسمیشن لائن بچھانے والا پہلا صوبہ بن گیا ہے۔

تفصیلات کے مطابق خیبرپختونخوا کے وزیراعلیٰ کے مشیر برائے اطلاعات بیرسٹرسیف نے اپنے بیان میں کہا کہ گنڈاپورکی قیادت میں خیبرپختونخواایک بارپھردیگرصوبوں پرسبقت لےگیا اور خیبرپختونخوا اپنی ٹرانسمیشن لائن بچھانے والاپہلا صوبہ بن گیا ہے۔

مشیراطلاعات کا کہنا تھا کہ صنعتی انقلاب برپاکرنےکیلئے اپنی پاور ٹرانسمیشن لائن بچھانے کا فیصلہ کیا، صوبائی حکومت نےاس سلسلے میں نجی کمپنی سےمعاہدہ کرلیا ہے۔

انھوں نے بتایا کہ 8ارب کی لاگت سےانقلابی منصوبہ ڈیڑھ سال میں مکمل کیا جائےگا، ٹرانسمیشن لائن سے صنعتوں کو انتہائی سستی بجلی فراہم کی جائے گی۔

صوبائی مشیر نے مزید بتایا کہ پہلےمرحلےمیں سوات مٹلتان سےمدین تک ٹرانسمیشن لائن بچھائی جائے گی ، پہلے مرحلے کی تکمیل سے صوبے کو سالانہ 7 ارب آمدن ہوگی۔

ان کا کہنا تھا کہ سوات میں پیدابجلی مقامی صنعتوں،نیشنل گرڈکوفراہم کی جائےگی، منصوبےکی تکمیل سے کے پی میں توانائی اور صنعتی انقلاب آئے گا۔

پشاور : خیبرپختونخوا میں صوبائی کابینہ اور پی ٹی آئی تنظیمی عہدوں میں ردوبدل کا امکان ہے ، اس حوالے سے کے پی آج اہم فیصلوں کا اعلان کریں گے۔

خیبرپختونخوا میں صوبائی کابینہ اور پی ٹی آئی تنظیمی عہدوں میں ردوبدل متوقع ہے، ذرائع نے بتایا کہ بانی پی ٹی آئی کی ہدایات وزیراعلیٰ کے پی کو موصول ہوگئیں، آج علی امین گنڈا پور اہم فیصلوں کا اعلان کریں گے۔

اس سے قبل وزیراعلیٰ علی امین گنڈاپور نےعاطف خان،شیرعلی ارباب کوپارٹی عہدوں سے ہٹا دیا تھا ، عاطف خان پی ٹی آئی پشاور ریجن کے صدر اور شیرعلی ارباب ضلع پشاورکے صدر تھے۔

عاطف خان نے برطرف وزیر شکیل خان کے حق میں بیان دیا تھا جبکہ شیرعلی ارباب نےوزیراعلیٰ پر اعتماد سے متعلق اقرار نامے پر دستخط کرنےسے انکار کیا تھا۔

پی ٹی آئی خیبرپختونخوا کے جنرل سیکریٹری علی اصغرخان نے نوٹیفکیشن جاری کردیئے ہیں۔

گذشتہ روز وزیراعلیٰ کےپی علی امین گنڈا پور کی اڈیالہ جیل میں بانی پی ٹی آئی سے ملاقات ہوئی تھی۔

ملاقات میں کے پی میں کرپشن تحقیقات ،جلسے سےمتعلق بھی امور پر بات چیت ہوئی اور بانی پی ٹی آئی نےعلی امین گنڈا پور کو خصوصی ہدایت بھی جاری کیں۔

علی امین گنڈاپور اور بانی پی ٹی آئی کی ملاقات پونے 2 گھنٹے جاری رہی ، ملاقات میں صوبےکی موجودہ صورت حال اور 8 ستمبر کے جلسے سے متعلق بھی گفتگو ہوئی تھی۔