خیبر ایجنسی: خیبر ایجنسی میں جاری فوجی آپریشن میں تیزی کے بعد باڑہ میں کالعدم لشکر اسلام کے اہم کمانڈروں سمیت کئی شد ت پسندوں نے ہتھیار ڈال دیئے۔
تفصیلات کے مطابق خیبر ایجنسی میں پاکستان فوج کی جانب سے آپریشن تیزی سے جاری ہے اور پاک فوج علا قے میں موجود شدت پسندوں کے خلاف زمینی اور فزائی کاروائیاں کر رہی ہے جس میں سیکٹروں شدت پسند ہلاک اور گرفتار ہو ئے ہیں۔
سیکیورٹی ذرائع کے مطابق خیبر ایجنسی میں کالعدم لشکر اسلام سے منحرف ہونیوالے سابق امیر نےباڑہ کےکئی علاقوں پر اپنا کنڑول حاصل کر لیا ہے۔
پشاور: شمالی وزیرستان میں کلیئرنس آپریشن کے دوران جھڑپ میں دو فوجی اہلکار شہید ہو گئے ہیں۔ سیکورٹی فورسز نے چار حملہ آور دہشتگرد ہلاک کر دیے۔ ترجمان طالبان نے اپنے خودکش حملوں کے ماسٹر مائنڈ کمانڈر ابوجندل کی ہلاکت کی تصدیق کردی ہے۔
تفصیلات کے مطابق آئی ایس پی آر کے مطابق اتوار کی شام گرلامائی میں کلیئرنس آپریشن کے دوران دہشتگردوں سے جھڑپ میں چار دہشت گرد مارے گئے ہے۔ فائرنگ کے تبادلے میں دو فوجی جوان بھی شہید ہوگئے ہیں۔ پشاور میں دونوں شہید فوجیوں کی نماز جنازہ ادا کر دی گئی ہے۔
دہشتگردوں کے خلاف پاک فوج کا آپریشن خیبرون اور خیبر ٹو کامیابی سے جاری ہے اور پاک فوج کی جانب سے جیٹ طیاروں کی شدت پسندوں پربمباری بھی جاری ہے۔ آئی ایس پی آر کے مطابق تازہ کارروائی تحصیل تیراہ کے علاقے آکا خیل میں کی گئی۔ جس میں اہم کمانڈر سمیت تیرہ شدت پسند ہلاک ہوگئے ہے۔ آئی ایس پی آر کے مطابق فضائی کارروائی میں دہشت گردوں کے سولہ ٹھکانے اور گولہ بارود تباہ کردیا گیا ہے۔
گذشتہ روز بھی علاقےسےسترہ دہشتگردوں کی لاشیں برآمد ہوئی تھیں۔ پولیٹیکل انتظامیہ کے مطابق ہلاک شدگان کا تعلق کالعدم تنظیم لشکراسلام سے ہے۔ ذرائع کا کہنا ہے کہ خیبر ون اور شمالی وزیرستان میں آپریشن ضرب عضب سے علاقے میں امن وامان بحا ل ہورہا ہے اور نقل مکانی کرنیوالےافراد کی واپسی کیلئے بھی حکومت کی جانب سے لائحہ عمل تیار کیا جارہا ہے۔
دوسری جانب طالبان کے ترجمان نے پچھلے دنوں پاکستانی فوج کے ہاتھوں ایک کاروائی میں اپنے خود کش حملوں کے ماسٹر مائنڈ کمانڈر ابو جندل کی ہلاکت کی تصدیق کر دی ہے۔ دوسری جانب اہم ذرائع نے انکشاف کیا ہے کہ داعش نے پاکستان میں دہشت گردی کا منصوبہ بنایا ہے اور اس حوالے سے داعش نے10رکنی خصوصی ونگ بھی بنا لیا ہے۔
تیراہ آکا خیل: خیبر ایجنسی کے علاقے تیراہ آکا خیل میں جیٹ طیاروں نے بمباری کر کے پانچ شدت پسند ہلاک کردیئے۔خیبرایجنسی میں پاک فوج کآآپریشن خیبر ون اورٹو کامیابی سے جاری ہے۔
ذرائع کے مطابق تازہ کارروائی کےدوران تحصیل تیراہ آکا خیل میں سیکیورٹی فورسز نے پانچ شدت پسندوں کوہلاک کردیا۔گذشتہ روز بھی علاقےسےسترہ دہشت گردوں کی لاشیں برآمد ہوئی تھیں۔
پولیٹیکل انتظامیہ کے مطابق ہلاک شدگان کا تعلق کالعدم تنظیم لشکراسلام سے ہے۔ذرائع کا کہنا ہے کہ خیبر ون اور شمالی وزیرستان میں آپریشن ضربِ عضب کے باعث علاقے میں امن وامان بحا ل ہورہا ہے جبکہ نقل مکانی کرنےوالےافراد کی واپسی کےلئے بھی حکومت کی جانب سے لائحہ عمل تیار کیا جارہا ہے۔
خیبر ایجنسی: وادی تیراہ میں سیکیورٹی فورسز نےدہشتگردوں کے خلاف کارروائی کرتےہوئےچھ شدت پسند ہلاک کردیئے ہیں۔
خیبر ایجنسی میں پاک فوج کے آپریشنز خیبرون اور خیبر ٹو کامیابی سے جاری ہیں ، سکیورٹی ذرائع کا کہنا ہے کہ وادی تیراہ میں سیکیورٹی فورسز نےتازہ کارروئی کے دوران دہشتگردوں کے ٹھکانوں پر گولہ باری کرکے چھ دہشتگرد ہلاک اور دس زخمی کردیئے ہیں۔
شمالی وزیرستان میں جاری آپریشن ضرب عضب اور خیبر ایجنسی میں جاری آپریشنزاور پاک فوج کے جوانوں کی قربانیوں کے باعث علاقے میں امن و امان کی فضاء بحال ہورہی ہے۔
حکومت کا کہنا ہے کہ آپریشن کے باعث نقل مکانی کرنے والے افراد کی جلد واپسی کےلئےبھی اقدامات کئے جارہے ہیں۔
خیبر ایجنسی: سیکیورٹی فورسز نے کاروائی کر تے ہو ئے خیبر ایجنسی کے علا قے باڑہ میں پانچ شدت پسندوں کا ہلاک اور متعدد کو زخمی کردیا ہے۔
تفصیلات کے مطابق شدت پسندوں نے خیبر ایجنسی کی تحصیل باڑہ میں سیکیورٹی فورسز پر حملہ کیا جس کے جواب میں سیکیورٹی فورسز نے کاروائی کر تے ہو ئے شدت پسندوں کو موثر جواب دیا اور پانچ شدت پسندوں کو ہلاک کردیا۔ جوابی حملے میں کئی شدت پسند زخمی بھی ہو ئے ہے۔
سیکیورٹی فورسز کی جوابی کاروائی کے دوران ایک سیکیورٹی اہلکار زخمی بھی ہواہے۔ واقع کی پولیٹیکل انتظامیہ نے تصدیق کی ہے اور شدت پسندوں کے ہلاک اور زخمی ہو نے کی اطلاعات کو درست قرار دیا ہے۔
پاکستان سیکیورٹی فورسز نے خیبر ایجنسی کی مختلف تحصیلوں میں شدت پسندوں کے خلاف نئے اور موثر آپریشنز کئے ہیں جن میں سیکٹروں شدت پسند ہلاک اور زخمی ہو ئے ہیں۔
خیبر ایجنسی: خیر ایجنسی کی تحصیل باڑہ اکاخیل میں مکان پر مارٹر گولہ گرنے سےایک خاتون سمیت دو بچے جاں بحق اور تین دیگر زخمی ہو گئے۔
تفصیلات کے مطابق خیبرایجنسی کی تحصیل باڑہ میں درو اڈہ کے مقام پر، ایک مکان پر مارٹر گولہ آگرا جس سے گھر میں موجود ایک خاتون اور دو بچے موقع پر ہی جاں بحق جبکہ تین خواتین اور تین بچے زخمی ہوگئے۔ جاں بحق اور زخمی ہو نے والوں کو قریبی ہسپتال منتقل کیا گیا۔
خیبر ایجنسی: وادی تیراہ میں سیکیورٹی فورسز نے فضائی کارروائی کرکے بیس دہشت گرد ہلاک جبکہ ان کے چار ٹھکانے تباہ کردیئے ہیں۔
شر پسند عناصر سے نمٹنے کیلئے پاک فوج کی شمالی وزیرستان سمیت خیبرایجنسی میں کاروائیاں جاری ہیں، خیبر ایجنسی کے علاقے وادی تیرہ میں فضائی کارروائی کئی گئی، جس میں جیٹ طیاروں نے شدت پسندوں کے ٹھکانوں کو نشانہ بنایا۔
کاروائی میں مبینہ دہشت گردوں کے کئی ٹھکانے بھی تباہ کر دیئے گئے ہیں۔
ذرائع کے مطابق دہشت گردوں کی کمین گاہوں پر فضائی کارروائی کے دوران بیس شر پسند ہلاک اور متعدد زخمی ہوئے، فضائی کارروائی کے نتیجے میں ان کے چار ٹھکانوں کو بھی تباہ کردیا گیا ہے۔
واضح رہے پندرہ جون سے پاک گوج کا ضربِ عضب جاری ہے، جس کے نتیجے میں ہزاروں کی تعداد میں شدت پسند ہلاک ہوچکے ہیں جبکہ متعدد ٹھانے بھی تباہ کر چکے ہیں ۔
باڑہ: خیبر ایجنسی باڑہ میں سیکورٹی فورسز اور شدت پسندوں کے درمیان جھڑپ میں سیکورٹی فورسز کے تین اہلکار شہید اور تین زخمی ہو گئے جھڑپ میں تین شدت پسند مارے گئےاور چار زخمی ہو ئے۔
سیکیورٹی فورسز کے ذرائع کے مطابق نواحی سپاہ کے علاقہ باڑہ میں جاری آپریشن خیبر ون کے لئے راشن لےجایا جارہا تھا کہ شدت پسندوں نے بھاری ہتھیاروں سے حملہ کر دیا۔
جھڑپ کے دوران سیکورٹی فورسز کو ہیلی کاپٹروں کی بھی مدد حاصل رہی۔ جھڑپ میں تین شدت پسند مارے گئے اور چار زخمی ہو ئے، کالعدم لشکر اسلام کے ترجمان عمر آفریدی نے دعویٰ کیا ہے کہ جھڑپ میں سیکورٹی فورسز کے نو اہلکاروں کو مارا ہے اور پانچ گاڑیوں اور دو ٹینکوں پر قبضہ کرلیا، جس میں ایک ٹینک کو نذر آتش کردیا گیا ہے ۔
خیبر ایجنسی: آپریشن ضربِ عضب کامیابی سے جاری ہے، باڑہ کے علاقے ملک دین خیل اور کوہی شیر حیدر میں جیٹ طیاروں کی بمباری سے دو شدت پسند ہلاک اور آٹھ زخمی ہوگئے ہیں۔
جون دو ہزار چودہ سے آپریشن ضربِ عضب کامیابی سے جاری ہے، افغان سرحد سے ملحقہ قبائلی علاقے خیبر ایجنسی کی تحصیل باڑہ کے علاقے ملک دین خیل اور کوہی شیر حیدر میں پاکستانی جیٹ طیارورں نے دہشت گردوں کے ٹھکانوں کو نشانہ بنایا ہے، جس میں دو شدت پسند ہلاک اور آٹھ زخمی ہونے کی اطلاع ہے۔
پاک فوج کی جانب سے آپریشن ضربِ عضب میں اب تک نو سو سے زائد دہشت گردوں کو ہلاک کیا جاچکا ہے، متعدد بارودی سرنگیں بنانے کی فیکٹریاں تباہ کر دی گئیں ہیں جبکہ بڑی مقدار میں گولہ بارود بھی پکڑا جاچکا ہے۔
خیبر ایجنسی: تحصیل باڑہ میں ریمورٹ کنڑول بم دھماکے میں چار دہشت گرد ہلاک ہوگئے۔
پولیٹیکل انتظامیہ کے مطابق خیبر ایجنسی کی تحصیل باڑہ کے علاقہ یوسف تلاب میں دھماکے سے چار شدت پسند ہلاک ہوگئے، چار دہشت گردوں کی ہلاکت کی تصدیق پولیٹیکل انتظامیہ نے کر دی ہے۔
حکام کے مطابق شدت پسند گاڑی میں جا رہے تھے کہ یوسف تلاب کے مقام پر ان کی گاڑی بارودی سرنگ سے ٹکرا گئی، دھماکے کے نتیجے میں گاڑی تباہ ہوگئی اور چار شدت پسند موقع پر ہی ہلاک ہوگئے۔
سیکیورٹی فورسز نے علاقے کو گھیرے میں لے لیا اور واقعہ کی تحقیقات شروع کر دیں ہیں۔