پشاور (26 اگست 2025): خیبر پختونخوا میں حالیہ تباہ کن سیلاب کے کتنے متاثرین میں امداد تقسیم کی جاچکی ڈی جی پی ڈی ایم اے نے بتا دیا۔

اے آر وائی نیوز کے مطابق خیبر پختونخوا میں تاریخ کے تباہ کن سیلاب سے 400 سے زائد افراد جاں بحق ہوئے درجنوں اب بھی لاپتہ ہیں۔ کے پی حکومت نے متاثرین کے لیے 4.4 ارب روپے کی رقم جاری کر دی ہے۔

اب تک کتنے متاثرین کو امداد فراہم کی گئی اور باقی متاثرین کو چیک کیوں نہیں ملے، اس حوالے سے ڈی جی پراونشل ڈیزاسٹر منیجمنٹ اتھارٹی (پی ڈی ایم اے) نے اعداد وشمار بتا دیے۔

پشاور میں پریس کانفرنس کرتے ہوئے ڈائریکٹر جنرل پی ڈی ایم اے اسفندیار خٹک نے بتایا کہ کے پی میں سیلاب اور طوفانی بارشوں سے جاں بحق 406 افراد میں سے 332 کے ورثا کو امدادی چیکس دے دیے گئے ہیں۔ جو متاثرین باقی رہ گئے ہیں، انہیں چیکس کی فراہمی میں کچھ تیکنیکی مسائل ہیں۔

ڈائریکٹر جنرل پی ڈی ایم اے نے بتایا کہ اتوار تک تمام سیلاب متاثرین کو چیکس دے دیے جائیں گے۔ کے پی حکومت نے 2.4 ارب روپے پہلے اور مزید 2 ارب روپے آج جاری کیے ہیں۔ ان میں سے 3790 ملین روپے متاثرہ اضلاع کو ٹرانسفر کر دیے ہیں۔ ڈی آئی خان اور باجوڑ کو 100، 100 ملین روپے جاری کیے گئے ہیں۔

اسفندیار خٹک نے کہا کہ خوراک کی مد میں 15 ہزار فی خاندان دیا جا رہا ہے۔ خوراک کی مد میں 70 ہزار خاندانوں کو معاوضہ دیا جائے گا، اور اب تک باجوڑ میں 9 ہزار 165 افراد کو خوراک کی مد میں معاوضہ ادا کیا جا چکا ہے۔

انہوں نے بتایا کہ مکمل تباہ 598 گھروں میں سے 36 کے مالکان کو معاوضہ ادا کر دیا گیا ہے۔

https://urdu.arynews.tv/gilgit-baltistan-flood-victims-approved-of-rs-3-billion/

وفاقی وزیر ماحولیاتی تبدیلی مصدق ملک نے کہا ہے کہ خیبر پختونخوا میں جو نقصانات ہوئے ہیں اس کا ازالہ نہیں ہوسکتا۔

اے آر وائی نیوز کے پروگرام میں گفتگو کرتے ہوئے وفاقی وزیر ماحولیاتی تبدیلی مصدق ملک کا کہنا تھا کہ قدرتی آفت ہے جو نقصان ہوا ہے اس کا مداوا نہیں ہوسکتا، جہاں بھی تعمیراتی کام ہورہے تھے روک کر خیبر پختونخوا کیلئے مشینری دینےکی ہدایت ملی۔

مصدق ملک نے کہا کہ راستے بحال کرنے کی کوشش کی جارہی ہے، دوردرازعلاقوں میں پہنچا جارہا ہے، وزیراعظم نے ہدایت کی ہے کہ تمام وسائل بروئےکار لائے جائیں۔

انھوں نے کہا کہ شام کی صورتحال دیکھ لیں ایک تہائی حصہ چلاگیا، خانہ جنگی کا سامنا رہا، یوکرین کو بھی دیکھ لیں ایک تہائی حصہ چلا گیا اور جنگ اب بھی جاری ہے۔

وفاقی وزیر نے کہا کہ موجودہ صورتحال کو دیکھ کر اندازہ ہوگیا طاقتور ہونا ناگزیر ہے، وہ لوگ جو کہتے ہیں دفاع پر کم خرچ کرنا چاہیے انھیں اب اندازہ ہوجانا چاہیے۔

https://urdu.arynews.tv/app-compensation-to-flood-victims-kpk/

پشاور : وزیراعلیٰ علی امین گنڈاپور کی ہدایت پر سیلاب متاثرین کے لیے معاوضے کا پیکج دُگناکر دیا گیا، جاں بحق افراد کے لواحقین کو دس لاکھ کے بجائے بیس لاکھ روپے دیے جائیں گے۔

تفصیلات کے مطابق خیبر پختونخوا حکومت نے سیلاب متاثرین کے لیے معاوضوں کی ادائیگی کا باضابطہ آغاز کر دیا ہے۔

وزیر اطلاعات بیرسٹر سیف کے مطابق وزیراعلیٰ علی امین گنڈاپور کی ہدایت پر معاوضے کا پیکج دگنا کر دیا گیا ہے۔ جاں بحق افراد کے لواحقین کو دس لاکھ کے بجائے بیس لاکھ روپے دیے جائیں گے۔

بیرسٹر سیف نے بتایا کہ تمام متاثرہ اضلاع کو 85 کروڑ روپے جاری کر دیے گئے ہیں اور سیلاب متاثرین کو چیکس کی تقسیم کا عمل جاری ہے۔ وزیراعلیٰ نے سوات کا دورہ کیا اور متاثرین میں معاوضے کے چیکس تقسیم کیے۔

ان کا کہنا تھا کہ صوبائی حکومت مشکل کی اس گھڑی میں متاثرین کے ساتھ کھڑی ہے اور وزیراعلیٰ خود متاثرہ علاقوں کے دورے کر رہے ہیں تاکہ متاثرہ خاندانوں سے یکجہتی کا اظہار کیا جا سکے۔

مزید پڑھیں : صرف ضلع دیر میں 1000 سے زائد اموات ہو سکتی ہیں، وزیر اعظم کے معاون نے خدشہ ظاہر کر دیا

مشیر اطلاعات نے مزید کہا کہ صوبے میں مزید بارشوں کی پیش گوئی کی گئی ہے، اس لیے عوام احتیاطی تدابیر اپنائیں اور ندی نالوں کے قریب جانے سے گریز کریں۔

ان کا مزید کہنا تھا کہ کہ کسی بھی ناخوشگوار واقعے کی اطلاع فوری طور پر ایمرجنسی نمبر 1700 پر دی جائے۔

خیال رہے خیبر پختونخوا میں حالیہ بارشوں اور فلش فلڈ سے صوبے میں اب تک 325 افراد جاں بحق اور 156 زخمی ہو چکے ہیں۔

جاں بحق افراد میں 274 مرد، 30 خواتین اور 21 بچے شامل ہیں جبکہ زخمیوں میں 123 مرد، 23 خواتین اور 10 بچے شامل ہیں۔

بارشوں اور سیلاب کے باعث مجموعی طور پر 336 گھروں کو نقصان پہنچا جن میں سے 106 مکانات مکمل طور پر منہدم ہو گئے۔

اعداد و شمار کے مطابق سب سے زیادہ نقصان بونیر میں ہوا جہاں اب تک 217 افراد جان کی بازی ہار چکے ہیں۔ دیگر حادثات سوات، باجوڑ، مانسہرہ، شانگلہ، دیر لوئر اور بٹگرام میں پیش آئے۔

پشاور : خیبر پختونخوا میں سیلابی ریلوں سے متعدد گاؤں صفحہ ہستی سے مٹ گئے جبکہ مکانات، زرعی اراضی اور انفراسٹرکچر کو شدید نقصان پہنچا۔

تفصیلات کے مطابق خیبر پختونخوا اور گلگت بلتستان میں حالیہ بارشوں اور سیلابی ریلوں نے بڑے پیمانے پر تباہی مچا دی، کئی گاؤں اجڑ گئے، مکانات، زرعی اراضی اور انفراسٹرکچر کو شدید نقصان پہنچا جبکہ درجنوں جانور اور گاڑیاں بھی پانی کے ریلوں میں بہہ گئیں۔

خیبر پختونخوا کے مختلف اضلاع باجوڑ، لوئر دیر اور دیگر مقامات پر سیلابی ریلوں نے بستیاں اجاڑ دیں، کئی مقامات پر رابطہ سڑکیں اور راستے بند ہوگئے۔

صوبائی حکومت نے آج صوبے بھر میں یومِ سوگ منانے کا اعلان کیا ہے اور سرکاری عمارتوں پر قومی پرچم سرنگوں ہے۔

ادھر بلتستان کے علاقے شگر، کھرمنگ اور گانگچھے میں بھی بارشوں اور سیلاب نے قیامت ڈھا دی، گانگچھے کے علاقے سرمو میں دریا کی سطح بلند ہونے سے سپنشن برج بہہ گیا جبکہ کھرمنگ کے کمنگو نالے کے اطراف میں کئی مکانات اور زرعی زمین تباہ ہوگئی۔

مزیدپڑھیں : خیبرپختونخوا میں قدرتی آفت سے تاریخ کی سب سے بڑی تباہی، 307 افراد جاں بحق

باغیچہ کے مقام پر سیلابی ریلے کہ زد میں آکر آر سی سی پل بہہ جانے کے باعث جگلوٹ سکردو روڈ ہر قسم کی ٹریفک کے لئے معطل ہوگئے ہیں جبکہ شگر میں کئی کلومیٹر رابطہ سڑکیں اور دیہی علاقوں کا نقشہ بدل کے رکھ دیا ہے

اسکردو میں لینڈ سلائیڈنگ اور بارشوں کے باعث واپڈا پاور ہاؤسز کے چینل بند ہوگئے ہیں، جس کے نتیجے میں گزشتہ 48 گھنٹوں سے بجلی کی فراہمی معطل ہے۔ انٹرنیٹ اور موبائل سروس بھی ایک ہفتے سے بار بار متاثر ہو رہی ہے جس کے باعث شہریوں کو شدید مشکلات کا سامنا ہے۔

محکمہ موسمیات نے خیبر پختونخوا، کشمیر اور گلگت بلتستان کے بالائی علاقوں میں آج بھی موسلادھار بارش اور لینڈ سلائیڈنگ کا انتباہ جاری کیا ہے۔