Tag: خیبر پختونخواہ

پشاور : خیبر پختونخواہ میں پشاور بورڈ سمیت صوبے کے تمام بورڈز میں میٹرک کے امتحانات کا شیڈول تبدیل کردیا گیا، امتحانات مارچ کے بجائے اپریل میں ہوں گے۔

تفصیلات کے مطابق خیبرپختونخوا میں میٹرک امتحانات کا شیڈول تبدیل کرنے کا فیصلہ کرلیا گیا، پشاور بورڈ سمیت کے صوبے کے تمام بورڈز میں میٹرک کے امتحانات کا شیڈول تبدیل ہے۔

یہ فیصلہ طلباء اور والدین کی درخواستوں کے بعد کیا گیا ہے جنہوں نے رمضان کے مقدس مہینے کے ساتھ ہونے والے امتحانات کے بارے میں خدشات کا اظہار کیا تھا۔

چیئرمین پشاوربورڈ نصراللہ خان یوسفزئی نے کہا کہ میٹرک امتحانات 14 مارچ کے بجائے اب 18 اپریل کو ہوں گے ، ماہ رمضان کے تقدس کی خاطر امتحانی شیڈول کو تبدیل کیا گیا ہے۔

پشاور :خیبر پختونخواہ میں کل ہونے والے ایم ڈی کیٹ ٹیسٹ کے لیے انتظامات مکمل کرلئے گئے، جیمرز لگا کر موبائل سگنلزمعطل کیے جائیں گے۔

تفصیلات کے مطابق خیبر پختونخواہ میں کل ہونے والے ایم ڈی کیٹ ٹیسٹ کیلئے سیکورٹی کے سخت انتظامات کرلئے گئے۔

دستاویزات میں کہا گیا کہ آل یونیورسٹی پبلک اسکول،آل یونیورسٹی کالج فاربوائزمیں منعقد کیا جائے گا، سیکٹر انچارجزامتحانی ہالزکی سیکورٹی پرمامورپولیس اہلکاروں کی تلاشی بھی لیں گے۔

دستاویزات میں بتایا ہے کہ امتحانی ہالز یا احاطے میں موبائل فونزسمیت کسی الیکٹرانک ڈیوائس کے استعمال پر پابندی ہوگی۔

دستاویزات کے مطابق امتحانی مواد ترسیل کےوقت ہر گاڑی کیساتھ 10 پولیس اہلکارسیکورٹی پرمامور ہوں گے اور ہرامتحانی ہال کے مین گیٹ پر 24 پولیس اہلکار سمیت 6 لیڈی ہیلتھ ورکرزتعینات ہوں گے۔

روف ٹاپ پوائنٹس پر10سےزیادہ اہلکار ذمہ داریاں انجام دیں گے جبکہ سراغ رساں کتوں کی مددسےعلاقےکی سوئپنگ کی جائےگی۔

دستاویزات میں کہنا تھا کہ امتحانی ہالزکےاحاطےمیں ٹریفک کی ہموارروانی بھی یقینی بنائی جائےگی، اس موقع پر بی ڈی یو کی ٹیمیں بھی زمہ داریاں انجام دیں گی۔

پولیس اہلکاربغیرہنگامی صورتحال کےامتحانی ہال کے اندر نہیں جائےگا، ٹیسٹ کے دوران جیمرز لگا کر موبائل سگنلزمعطل کیےجائیں گے۔

ضلعی انتظامیہ کا کہنا ہے کہ ایم ڈی کیٹ کےشفاف انعقادکیلئے امتحانی ہالزکےاطراف دفعہ144نافذ ہے۔

پشاور : خیبر پختونخواہ کے حساس اضلاع میں 10،9محرم کو موبائل سروس بند کرنے کی سفارشات ارسال کردی ہے۔

تفصیلات کے مطابق خیبر پختونخواہ میں محرام الحرام کے سلسلے میں صوبے کے 8 اضلاع انتہائی حساس قرار دے دیئے گئے، سینٹرل پولیس آفس نے بتایا کہ حساس اضلاع میں 10،9محرم کو موبائل سروس بند کرنے کی سفارشات ارسال کردی ہے۔

پولیس کا کہنا ہے کہ کوہاٹ، ہنگو، ڈی آئی خان، اورکزئی ، لکی مروت اور کرم حساس اضلاع میں شامل ہیں ، محرم الحرام میں پولیس کو سیکیورٹی اداروں کی مکمل معاونت ہوگی۔

گذشتہ روز ملک میں محرم الحرام کا چاند نظر نہیں آیا تھا، یکم محرم الحرام1445 ہجری 20 جولائی بروز جمعرات کو ہوگی اور یوم عاشور 10 محرم الحرام 29 جولائی بروز ہفتہ کو ہوگا۔

واضح رہے نیا اسلامی سال اور ماہ شروع ہوتے ہی ملک بھر میں شہدا کربلا کی یاد میں مجالس اور جلوسوں کا اہتمام کیا جائے گا، وفاقی و صوبائی حکومتوں نے امن و امان کی صورتحال کو قابو میں رکھنے کے لیے سیکیورٹی کے خصوصی اقدامات بھی کیے۔