اسلام آباد : تحریک انصاف کے سربراہ عمران خان نے خیبر پختونخواہ حکومت سےکہا ہے کہ افغان نژاد خاتون شربت گلالئی کو انسانی ہمدردی کی بناء پر ڈی پورٹ نہ کیا جائے۔

تفصیلات کے مطابق پاکستان تحریک انصاف کے چیرمین عمران خان نے سماجی رابطے کی ویب سائیٹ پر اپنے ایک پیغام میں تحریر کیا ہے کہ خیبر پختونخواہ کی حکومت انسانی ہمدری کی بناء پر افغان خاتون کو افغانستان ڈی پورٹ نہ کیا جائے۔

I want to request CM KP and the KP govt not to deport Sharbat Gulla to Afghanistan on humanitarian/compassionate grounds.

— Imran Khan (@ImranKhanPTI) November 4, 2016

وزارت داخلہ کی جانب سے شناختی کارڈز کی دوبارہ سے جانچ پڑتال کے دوران سبز آنکھوں والی شربت گلا لئی کو نادرا افسرامن کی ملی بھگت سے جعلی شناختی کارڈز کے اجراء کا انکشاف ہوا تھا جس کے بعد افغان خاتون کو حراست میں لے لیا گیا تھا جب کہ اس کے دو بیٹے فرار ہونے میں کامیاب ہوگئے تھے۔

اسی سے متعلق : افغان خاتون شربت گلا لئی بی بی کو 15دن قید اور 1لاکھ 10ہزارروپے جرمانےکی سزا

مقامی عدالت نے شربت گلا لئی کو پندرہ دن قید اور ایک لاکھ دس ہزارروپے جرمانے کی سزا سنادی جبکہ سزا مکمل ہوتے ہی پاکستان بھی چھوڑنے کا بھی حکم دیدیا تھا۔

 یہ بھی پڑھیں : پشاور سبزآنکھوں والی افغان خاتون شربت بی بی گرفتار

اسی کی دہائی میں بین الاقوامی جریدے میں تصویر چھپنے کے بعد شہرت پانی والی سبز آنکھوں کی مالک بچی شربت گلا لئی کو معروف فوٹو گرافر نے افغان وار کے خاتمے کے بعد پھر سے ڈھونڈ نکالا تھا تا ہم اب سبز آنکھوں والی وہ بچی شربت گلالئی اب دو بچوں کی ماں بن چکی تھی اور ایک بار پھر شہرت حاصل کر لی تھی۔

پشاور : خیبر پختونخواہ کے وزیر اعلیٰ نے کہا ہے کہ اگر ہمیں اسلام آباد جانے سے روکا گیا تو وزیراعظم کو بھی کے پی کے میں جلسہ نہیں کرنے دیں گے۔

تفصیلات کے مطابق وزیراعلیٰ خیبر پختونخواہ نے یہ ردعمل اس وقت دیا جب وفاقی حکومت کی جانب سے اسلام آباد جانے والے تمام راستوں کو کنٹینر لگا کر بند کرنا شروع کردیا گیا ہے جس کے باعث پرویز خٹک بنی گالہ اپنے چیرمین عمران خان سے ملنے نہیں جا پا رہے ہیں۔

  اسی سے متعلق : دونومبر کو بتائیں گے عوامی طاقت کیا ہوتی ہے، عمران خان

وزیر اعلیٰ کے پی کے کا کہنا تھا کہ وزیراعظم نے کل بھی کوہاٹ میں جلسہ کیا اور ہم نے کسی قسم کی روکاٹ کھڑی نہیں کی جب کہ پنجاب میں ہمارے کارکنان کو سیاسی سرگرمیاں ادا کرنے سے روکا جارہا ہے خود مجھے اسلام آباد جانا ہے لیکن وفاقی حکومت نے کنٹینرز لگا کر اسلام آباد جانے والے راستے مسدود کر رکھے ہیں۔

یہ پڑھیں : چار گھنٹے میں لاہورمیں جلسہ کرسکتا ہوں: شیخ رشید کا چیلنج

واضح رہے کہ جمعہ کو راولپنڈی میں عوامی مسلم لیگ کی جاب سے حکومت مخالف جلسہ کرنے کے اعلان کے بعد راولپنڈی کو سِل کردیا گیا تھا اور لال حویلی کو سر بہ مہر کردیا گیا تھا جس کے بعد شیخ رشید موٹر سائیکل پر کمیٹی چوک پہنچ گئے تھے۔

یہ بھی پڑھیے : اسلام آباد: ہائی کورٹ کا شہر کے تمام راستوں سے کنٹینرز ہٹانے کا حکم

دوسری جانب تحریک انصاف کے دو نومبر کو ہونے والے دھرنے کو روکنے کے لیے اسلام آباد کی جانب آنے والے تمام راستے کنٹینرز لگا کر بند کردیے گئے ہیں جس کی وجہ سے کے پی کے کے وزیر اعلٰی پرویز خٹک اسلام آباد نہیں جا پا رہے ہیں۔

پشاور : جماعت اسلامی خیبرپختونخوا کے امیرمشتاق احمد خان نے کہا ہے کہ پاک چائنہ اقتصادی راہداری کے معاملے پر خیبرپختونخوا ہ اسمبلی سے اجتماعی استعفوں کی حمایت کرتے ہیں۔

تفصیلات کے مطابق پشاور میں میڈیا سے بات چیت کرتے ہوئے مشتاق احمد خان کا کہنا تھا کہ اگر صوبے کے حق کےلئے تمام جماعتیں اسمبلی سے مستعفی ہونے کا فیصلہ کرتی ہیں تو جماعت اسلامی سب سے آگے ہوگی۔

جماعت اسلامی خیبرپختونخواہ کے امیرکا کہنا تھا کہ خیبرپختونخواہ کی ترقی میں وفاقی حکومت رکاوٹ بن رہی ہے لیکن جماعت اسلامی صوبے کے حقوق پر کوئی سمجھوتہ نہیں کرے گی۔

واضح رہے کہ پاک چائنا اقتصادی راہداری کے رُوٹ پر خیبر پختون خواہ کی حکومت کی جانب سے اعتراضات اُٹھائے گئے تھے اور وفاق سے اپنی شکایات اور تحفظات کا برملا اظہار کرتے آئے ہیں،حال ہی میں وزیر اعلیٰ خیبر پختون خواہ نے وفاقی میٹنگ میں بھی شکایات کے انبار لگا دیے تھے۔

یاد رہے جماعت اسلامی خیبر پختونخواہ میں تحریک انصاف کی صوبائی حکومت کی حلیف جماعت ہے۔

پشاور: سنہری مسجد روڈ پر بم ڈسپوزیبل اسکواڈ نے کامیاب کارروائی کرتے ہوئے نصب بم کو ناکارہ بنا کر شہر کو بڑی تباہی سے بچالیا ہے۔

تفصیلات کے مطابق خیبرپختونخواہ کے صوبائی دارالحکومت پشاورکی معروف اور مصروف شاہراہ پر بم کی موجودگی کی اطلاع پر بم ڈسپوزیبل اسکواڈ نے اہلکاروں نے موقع پر پہنچ کر بم کو ناکارہ بنا دیا ہے۔

ذرائع کے مطابق بم اسکول کے نزدیک رکھا ہوا تھا جب کہ اس شاہراہ پر ایک بازار اور مسجد بھی واقع ہے جس کی وجہ سے یہاں کافی رش لگا رہتا ہے تا ہم بم کی اطلاع ملنے پر مقامی انتظامیہ نے شاہراہ کوبلاک کر کے علاقہ خالی کرالیا۔

جس کے بعد بم ڈسپوزیبل اسکواڈ کے اہلکاروں نے کمال مہارت کا مظاہرہ کرتے ہوئے پانچ کلو وزنی بم کو ناکارہ بنا دیا گیا جس کے باعث علاقہ دہشت گردی کی بڑی واردات سے محفوظ رہا۔

واضح رہے اس قبل بھی پشاور میں بم ڈسپوزیبل اہلکاروں نے کئی مقامات پر بم کو ناکارہ بناکرشہریوں کی جان و مال کے تحفظ کو ممکن بنایا تھا تا ہم ضرورت اس امر کی ہے اس ادارے کو جدید سہولیات اور ٹیکنالوجیز مہیا کی جائے تا کہ اس اہم ذمہ داری سے نبرد آزما ہو سکیں۔