ARYNews.tv | Urdu – Har Lamha Bakhabar

Tag: خیبر پختونخواہ

  • پشاور میں خواجہ سراؤں پر فائرنگ کرنے والا ملزم گرفتار

    پشاور میں خواجہ سراؤں پر فائرنگ کرنے والا ملزم گرفتار

    پشاور : پہاڑی پورہ میں خواجہ سراؤں پر فائرنگ اور تشدد کرنے والے ملزم کو گرفتار کر لیا گیا ہے۔

    تفصیلات کے مطابق گزشتہ شب شادی کے پروگرام سے واپس آنے والے خواجہ سراؤں کو نامعلوم ملزم نے تشدد کا نشانہ بنایا اور مبینہ طور پر فائرنگ کر کے ایک خواجہ سرا عائشہ کو زخمی کردیا تھا جس کے بعد خواجہ سراؤں نے احتجاج کرتے ہوئے شاہراہ بلاک کر دی تھی۔

    اسی سے متعلق : خواجہ سراعلیشہ کے قتل میں ملوث مرکزی ملزم گرفتار

    پولیس نے خواجہ سراؤں کے احتجاج کے بعد نامعلوم شخص کے خلاف ایف آئی آر درج کرانے کے بعد تحقیقات کا آغاز کردیا تھا اور آج ایک کامیاب چھاپہ مار کارروائی کے بعد مبینہ ملزم کو گرفتار کر کے تھانے منتقل کر دیا ہے جہاں ملزم سے تفتیش کا عمل جاری ہے۔

    یہ خبر پڑھیں : خیبر پختونخوا میں ایک اور خواجہ سرا فائرنگ سے زخمی

    واضح رہے اس سے قبل بھی خیبر پختونخواہ میں ایک خواجہ سرا کو فائرنگ کر کے ہلاک کردیا گیا تھا جس پر پولیس نے روایتی سست روی کا مظاہرہ کیا تاہم میڈیا کے دباؤ کے پیش نظر کیس کی سنوائی ہوئی اور بلا آخر ملزم گرفتارہوا۔

  • نفسیاتی جنگ جیت چکے،دہشت گردنےآسان ہدف کونشانہ بنایا،چوہدری نثار

    نفسیاتی جنگ جیت چکے،دہشت گردنےآسان ہدف کونشانہ بنایا،چوہدری نثار

    مردان : وزیرداخلہ چودھری نثارعلی خان نے مردان پہنچ کرکچہری میں ہونے والے دھماکے کی جگہ کا معائنہ کیا، وکلا سے تعزیت کی اور وکلاء سے خطاب بھی کیا۔

    وزیرداخلہ چودھری نثارعلی خان نے مردان بارروم میں وکلا سے خطاب کررہے تھے انہوں نے وزیراعظم اورحکومت کی جانب سے سانحہ مردان پروکلاء اور مردان کے عوام کو تعزیت پیش کرتے ہوئے بتایا کہ کچہری واقعہ سے متعلق صوبائی حکومت کو 2 دفعہ انٹیلی جنس رپورٹ بھیجی تھی تا ہم دیکھنا ہے کہ حفاظتی اقدامات میں کہاں کمی رہ گئے تھے۔

    انہوں نے وکلاء کو بتایا کہ سانحہ مردان میں متاثر تمام زخمیوں کی حالت خطرے سے باہر ہے،کچھ زخمیوں کو پشاوکے لیڈی تیڈنگ اسپتال بھی منتقل کیا گیا ہے جن کی حالت اب خطرے سے باہر ہے

    وفاقی وزیرنے سیکیورٹی اہلکاروں کوخراج تحسین پیش کرتے ہوئے کہا کہ سیکیورٹی اداروں نےجان دیکر دہشت گردوں کے حملوں کو ناکام بنایا دہشت گرد آخری سانسیں لے رہے ہیں اُن کے ڈر سے بازار، اسکول اور کچہری بند نہیں کریں گے۔

    چوہدری نثار نے مزید کہا کہ اب ہم نے نفسیاتی جنگ جیتنی ہے، دہشت گردوں کا ڈنک نکال دیا گیا جس کی وجہ سے اب دہشت گرد مشکل ہدف کو ٹارگٹ نہیں کرسکتے بلکہ آسان اہداف کو نشانہ بنا رہے ہیں۔

    اس موقع پر چوہدری نثار نے پختون قوم کو خراج تحسین پیش کرتے ہوئے کہا کہ پختون قوم بہادر قوم ہے اتنے بڑے حادثے کے بعد بھی مردان سے مایوسی کی آواز نہیں آئی،دہش گردی کا قلع قمع کرنے کے لیے اسی بہادری اور ہمت کی ضرورت ہے۔

    وزیر داخلہ کا مزید کہنا تھا کہ تحریک طالبان والے سرحد پار بیٹھے ہوئے ہیں دہشتگردی کےخلاف جنگ پاکستان کے مستقبل کی جنگ ہے جو پاکستانی افواج، پولیس، ایف سی اور انٹیلی جنس اداروں نے مل کرجیتی ہے ابھی اوربہت سے کام کرنا باقی ہیں جواتحاد واتفاق سے کیےجاسکتےہیں۔

  • مردان میں خودکش دھماکہ،12افراد جاں بحق

    مردان میں خودکش دھماکہ،12افراد جاں بحق

    مردان : صوبہ خیبر پختو نخواہ کےشہر مردان میں ضلع کچہری گیٹ کے قریب خودکش حملہ آور نے خود کودھماکے سے اڑادیا.دھماکے میں بارہ افراد جان کی بازی ہار گئے.

    تفصیلات کے مطابق مردان میں ضلع کچہری میں گیٹ کے قریب خودکش حملہ نے دس بج کر بیس منٹ پرخود کو دھماکے سےاڑادیا جس کے نتیجے میں چار پولیس اہکاروں اور تین وکلاسمیت 12افراد جاں بحق اور60 افراد زخمی ہوگئے.

    ضلع کچہری کے گیٹ پر پولیس اہلکار نےحملہ آور کو روکنے کی کوشش کی جس پر خودکش حملہ آور نے دستی بم پھینکا اور فائرنگ کردی پولیس اہلکاروں کی جوابی کارروائی کرنے پر حملہ آور نے خود کو دھماکے سے اڑادیا.

    عینی شاہد کے مطابق دھماکے سے پہلے خودکش حملہ آورنے فائرنگ کی جبکہ دھماکے کے بعد سیکورٹی فورسز نے علاقے کو گھیرے میں لے لیا.

    ڈی پی او مردان فیصل شہزاد کے مطابق دھماکہ خودکش تھا جو ضلع کچہری کے گیٹ کے قریب ہوا جس میں60 افراد زخمی ہیں.انہوں نے مزید بتایا کہ خودکش حملہ آور نے 8 کلو گرام دھماکہ خیز مواد استعمال کیا.

    خودکش دھماکے میں زخمی ہونےوالوں میں وکلاء اور عام شہری شامل ہیں جن میں سے 13افراد کی حالت تشویش ناک ہے.دھماکے میں زخمی ہونے والے افراد کو ڈسٹرکٹ اسپتال مردان منتقل کردیا گیا جبکہ شہر بھر کے اسپتالوں میں ایمرجنسی نافذکری گئی ہے.

    *کرسچن کالونی میں دہشت گردوں کا حملہ ناکام،4دہشت گرد ہلاک

    یاد رہے اس سے قبل آج صبح پشاور میں ورسک روڈ پر واقع کرسچن کالونی پر دہشت گردوں کے حملے کے بعد جوابی کارروائی میں چاروں دہشت گرد ہلاک مارے گئے.

    *ضربِ عضب میں پکڑا جانے والا بارود 21 سال کے لیے کافی تھا: عاصم باجوہ

    واضح رہے کہ گزشتہ روز ڈی جی آئی ایس پی آر لیفٹننٹ جنرل عاصم سلیم باجوہ کا کہنا تھاکہ شمالی علاقہ جات بشمول خیبر ایجنسی سے پکڑاجانے والا اسلحہ اور گولہ بارود اکیس سال جنگ لڑنے کے لئے کافی تھا.

  • کرسچن کالونی میں دہشت گردوں کا حملہ ناکام،4دہشت گرد ہلاک

    کرسچن کالونی میں دہشت گردوں کا حملہ ناکام،4دہشت گرد ہلاک

    پشاور : صوبہ خیبر پختونخواکے شہر پشاور میں ورسک روڈ پر واقع کرسچن کالونی پر دہشت گردوں کے حملے کے بعد جوابی کارروائی میں چاروں دہشت گرد ہلاک ہوگئے.

    تفصیلات کے مطابق پشاور کے علاقے ورسک روڈ پر صبح سویرے کرسچن کالونی میں دہشت گرد کالونی میں داخل ہوئے تو سیکورٹی فورسز کے ساتھ فائرنگ کا تبادلہ ہوا جس میں چاروں دہشت گرد مارے گئے.

    آرمی چیف جنرل راحیل شریف نے ورسک روڈ پرسیکورٹی فورسز کی جانب سے دہشت گردوں کاحملہ ناکام بنانے پرسیکورٹی فورسز کو خراج تحسین پیش کیا گیا ہے.

    مردان میں خودکش دھماکہ،7افراد جاں بحق

    پاک فوج کے سربراہ جنرل راحیل شریف نے کہا کہ سیکورٹی فورسز کی بروقت کارروائی سے دہشت گردوں کو ناکامی ہوئی.

    اس سے قبل ڈی جی آئی ایس پی آر لیفٹیننٹ جنرل عاصم باجوہ سلیم باجوہ نےسماجی رابطے کی ویب سائٹ ٹوئٹر پر ٹویٹ کی جس میں انہوں نے پاک فوج کی جانب سے چارخودکش بمباروں کو ورسک روڈ پر ہلاک کرنے کی تصدیق کی.

    آئی ایس پی آر کے مطابق ورسک روڈ اور اس کے اطراف کے علاقوں میں سرچ آپریشن مکمل کرلیاگیا.

    ڈی جی آئی ایس پی آر کے مطابق چار حملہ آور پانچ بج کر پچاس منٹ پر کرسچن کالونی میں داخل ہوئے تاہم سیکورٹی فورسز نے بروقت کارروائی کرتے ہوئے دہشت گردوں کو گھیرلیا اور فائرنگ کے تبادلے میں چاروں دہشت گرد مارے گئے.

    ورسک روڈ پر دہشت گردوں کے حملے میں زخمی ہونےوالوں کو اسپتال منتقل کردیاگیا.

    آپریشن میں فائرنگ کے تبادلے میں سیکورٹی فورسز کے دو ایف سی کے جوان اور ایک پولیس اہلکار، دو سول گاڑدز زخمیہوئے جبکہ دہشت گردوں کی فائرنگ سے 3 مقامی افراد زخمی ہوگئے.

    دہشت گردوں نے خود کو دھماکے سے اڑا لیا: کرنل نعیم

    پشاور حملے پر کرنل نعیم اللہ خان نے پریس بریفنگ دیتے ہوئے کہا کہ سیکیورٹی فورسز نے بروقت رسپانڈ کرتے ہوئے دہشت گردوں کے مذموم ارادوں کو ناکام بنایا ہے ۔

    ان کا کہنا تھا کہ دہشت گرد کالونی کے مرکزی گیٹ تک پہنچنے میں کامیاب ہوگئے تھے تاہم سیکیورٹی فورسز نے انہیں قریب ہی واقع زیرِ تعمیر عمارت میں گھیر لیا۔ دہشت گرد دستی بم ‘ ایس ایم جی گنوں اور خود کش جیکٹ سے مسلح تھے۔

    سیکیورٹی فورسز کی جانب سے کیے گئے سخت محاصرے کو نہ توڑ پانے کے سبب دہشت گردوں نے یکے بعد دیگرے خود کو دھماکے سے اڑا لیا ۔ خوش قسمتی سے اس واقعے میں مسیحی برادری اور سیکیورٹی فورسز کے جوان بالکل محفوظ رہے۔

    واضح رہے کہ آئی جی ایف سی میجر جنرل شاہین مظہر آپریشن کی خود نگرانی کررہے تھے.

  • پشاور میں سیکورٹی فورسز کا سرچ آپریشن،33افراد گرفتار

    پشاور میں سیکورٹی فورسز کا سرچ آپریشن،33افراد گرفتار

    پشاور : صوبہ خیبر پختونخواہ کے شہر پشاور میں سیکورٹی فورسز اور پولیس کے مشترکہ سرچ آپریشن کےدوران تینتیس افراد جو گرفتار کرکے اسلحہ برآمد کرلیا گیا.

    تفصیلات کے مطابق پشاور کے نواحی علاقے میں پولیس اور سیکورٹی فورسز نے رات گئے سرچ آپریشن کیا،جس میں 33 افراد کو گرفتار کیا گیا ہے،گرفتار افراد میں3 اشتہاریوں اور 17 مشتبہ افراد کوحراست میں لیاگیا ہے.

    آپریشن کے دوران گرفتار ملزمان میں چارافغان باشندے ہیں جو غیر قانونی طور پر پشاور میں مقیم تھے.

    ملزمان سے اسلحہ اور کارتوس بھی قبضے میں لیے گئے ہیں،پولیس کے مطابق گرفتار افراد کے خلاف مقدمات درج کرلیے گئے ہیں.ملزمان کو آج عدالت میں پیش کیا جائے گا.

    *کوئٹہ : خروٹ آبادمیں کومبنگ آپریشن،13ملزمان گرفتار

    یاد رہے کہ تین روز قبل صوبہ بلوچستان کے دارالحکومت کوئٹہ میں سیکیورٹی اداروں نےکومبنگ آپریشن کے دوران تیرہ مشتبہ افراد کو گرفتار کرکے اسلحہ برآمد کرلیا.

  • دریائے کنہار پر نوجوان سیلفی بناتے ہوئے دریا میں جاگرا

    دریائے کنہار پر نوجوان سیلفی بناتے ہوئے دریا میں جاگرا

    کاغان : سلفیی لینے کے شوق میں ملتان کا نوجوان اوررشتہ دار خاتون دریائے کنہار میں ڈوب گئے۔

    تفصیلات کے مطابق کاغان میں سیلفی کے بخار نے تفریح کی خوشی غم میں بدل دی، ملتان کی فیملی ایوب پل کے ساتھ دریائے کنہار کے کنارے سیلفی لے رہی تھی کہ ایک نوجوان کا پتھر پر سے پاؤں پھسلا اور دریائے کنہار میں جا گرا جسے بچانے کی خاطرایک خاتون نےبھی دریا میں چھلانگ لگا دی۔

    دریا کنارے سیلفی لینے والے 3 دوست دریا میں جا گرے

    دیکھتے ہی دیکھتے دونوں پانی میں گم ہوگئے، دونوں کی لاشیں تین گھنٹے جدو جہد کے بعد مقامی افراد نے پانچ کلو میٹر دور سے نکال لیں۔

    گزشتہ دنوں بھی دریائے کنہار پر پکنک کے لیے آئی صفیہ عاطف نامی 11 سالہ لڑکی سیلفی لیتے ہوئے دریا میں جاگری جسے بچانے کی کوشش کرتے ہوئے اس کے والدین بھی ڈوب کر جاں بحق ہوگئے، بچی کے والدین ڈاکٹر تھے جن کا تعلق پنجاب سے تھا اور وہ چھٹیاں گزارنے کے لیے وہاں موجود تھے۔

     

    سیلفی لینے کے شوق میں سیاح گہرے آبشار میں جا گرا

    واضح رہے کہ اس قسم کے حادثات سے محفوظ رہنے کے لیے حکومت نے پکنک پوائنٹ اور دریا کنہار کے حساس علاقوں پر وارننگ سائن بھی لگا رکھے ہیں جن میں لوگوں کو دریا کے کنارے جانے سے منع کیا گیا ہے۔

  • سیلفی لینے کی کوشش میں لڑکی اور والدین جان سے گئے

    سیلفی لینے کی کوشش میں لڑکی اور والدین جان سے گئے

    پشاور: دریائے کنہار پر پکنک کے لیے آئی 11 سالہ لڑکی سیلفی لیتے ہوئے دریا میں جاگری جسے بچانے کی کوشش کرتے ہوئے اس کے والدین بھی ڈوب کر جاں بحق ہوگئے۔

    تفصیلات کے مطابق یہ دل خراش واقع واقعہ خیبر پختونخوا کے ایک سیاحتی گاؤں بیسیاں کے قریب دریائے کنہارکے مقام پر اُس وقت پیش آیا جب ایک 11 سالہ لڑکی سیلفی لیتے ہوئے توازن برقرار نہ رکھ سکی اور دریا میں جا گری جسے بچانے کے لیے دریا میں کودنے والے ماں باپ بھی ڈوب کر جاں بحق ہو گئے۔

    تفریح کے غرض سے آئے سیاحوں کے مطابق صفیہ عاطف نامی 11 سالہ لڑکی دریا کے کنارے سیلفی لے رہی تھی کہ پاؤں پھسلنے کے باعث وہ دریا میں جاگری،بیٹی کو ڈوبتا دیکھ کر والدہ شازیہ عاطف نے بھی دریا میں چھلانگ لگا دی تا ہم وہ بھی پانی کے تیز بہاؤ میں بہہ گئیں۔

    افسوسناک واقعے کو دیکھتے ہوئے عاطف حسین بھی اپنی بیٹی اور اہلیہ کو بچانے دریا میں کود پڑے لیکن بد قسمتی سے پانی کے تیز بہاؤ کا سامنا نہ کرسکے اور پانی کے ساتھ بہہ گئے۔

    اسی سے متعلق : مٹیاری میں دریا کنارے سیلفی لینے والے 3 دوست دریا میں جا گرے

    مقامی پولیس کے ذرائع کے مطابق دریائے کنہار میں ڈوبنے والے والدین اور بیٹی کی لاشوں کی تلاش شروع کرددی گئی تھی جس کے باعث ماں اور بیٹی کی لاش دریا میں سے نکال لی گئی ہے تا ہم ابھی والد عاطف حسین کی لاش اب تک نہیں مل سکی ہے۔

    ذرائع کے مطابق بچی کے والدین ڈاکٹر تھے جن کا تعلق پنجاب سے تھا اور وہ چھٹیاں گزارنے کیلیے وہاں موجود تھے، مذکورہ جوڑے کی ایک 9 سالہ بیٹی اور ایک 6 سال کا بیٹا بھی ہے جو حادثے کے وقت وہاں موجود تھے۔

    واضح رہے کہ اس قسم کے حادثات سے محفوظ رہنے کے لیے حکومت نے پکنک پوائنٹ اور دریا کنہار کے حساس علاقوں پر وارننگ سائن بھی لگا رکھے ہیں جن میں لوگوں کو دریا کے کنارے جانے سے منع کیا گیا ہے۔

  • پشاور: کالعدم تنظیم کا مبینہ خودکش حملہ آور گرفتار،بم برآمد

    پشاور: کالعدم تنظیم کا مبینہ خودکش حملہ آور گرفتار،بم برآمد

    پشاور: محکمہ انسداد دہشت گردی نے پشاور میں کارروائی کرتے ہوئے کالعدم تنظیم کے ایک دہشتگرد کو گرفتار کرلیا جس کے قبضے سے دو کلو گرام بارودی مواد برآمد ہوا.

    تفصیلات کےمطابق محکمہ انسداد دہشتگردی نے پشاور کے باچا خان چوک میں کارروائی کرتے ہوئے ایک دہشتگرد کو خود ساختہ بم سمیت گرفتار کرلیا ہے،دہشگرد کا تعلق کالعدم تنظیم جماعت الاحرار سے بتایا جاتا ہے.

    رحمان الدین کو خفیہ اطلاع پر ریڈیو پاکستان کے قریب سے گرفتار کیا گیا.دہشتگرد کے قبضے سے 2 کلو وزنی خود ساختہ بم بھی برآمد ہوا.

    سی ٹی ڈی کے مطابق رحمان الدین سے ابتدائی تحقیقات میں یہ بات سامنے آئی ہے کہ دہشتگرد نے خود کش حملہ کرنے کی تربیت حاصل کر رکھی تھی اور اسے خصوصی طور پر حملے کے لیے تیار کیا گیا تھا.دہشت گرد کو تفتیش کے لیے نامعلوم مقام پر منتقل کردیا.

  • پشاور: چارسدہ اڈہ کے قریب دھماکہ،6افراد زخمی

    پشاور: چارسدہ اڈہ کے قریب دھماکہ،6افراد زخمی

    پشاور : خیبر پختونخواہ کے دارالحکومت پشاور میں چارسدہ اڈہ کے قریب دھماکے کےنتیجے میں ٹریفک پولیس اہلکار سمیت چھ افراد زخمی ہوگئے.

    تفصیلات کے مطابق صوبہ خیبرپختونخواہ کے دارالحکومت پشاور میں چارسدہ اڈے پر دھماکے کے نتیجے میں ٹریفک پولیس اہلکار سمیت تین افرادزخمی ہوگئے.

    دھماکے کے بعد امدادی ٹیمیں جائے وقوعہ پر پہنچ گئیں اور دھماکے میں زخمی ہونے والے افراد کو لیڈی ریڈنگ اسپتال منتقل کردیا گیا.

    پولیس حکام کے مطابق دھماکے میں ڈیڑھ کلو بارودی مواد استعمال کیا گیا،ایس ایس پی آپریشنز کے مطابق دہشت گردوں کا ٹارگٹ دھماکے میں ٹریفک پولیس افسران کو نشانہ بنانا تھا.

  • سوات: پولیس موبائل پر بم حملہ،پانچ اہلکار زخمی

    سوات: پولیس موبائل پر بم حملہ،پانچ اہلکار زخمی

    سوات: صوبہ خیبر پختونخواہ کے ضلع سوات میں ہونے والے بم دھماکے میں پانچ پولیس اہلکار زخمی ہوگئے ہیں.

    تفصیلات کے مطابق خیبر پختنونخواہ کے ضلع سوات میں دھماکہ مانکیال کے علاقے میں اس وقت ہوا جب پولیس موبائل معمول کے گشت پر تھی،دھماکےمیں پانچ پولیس اہلکار زخمی ہوگئے.

    دھماکے کے بعد پولیس کی بھاری نفری نے علاقے کو گھیرے میں لےکر سرچ آپریشن شروع کر دیا ہے اور جگہ جگہ ناکہ بندیاں بھی کی گئی ہیں.

    یاد رہے کہ بحرین سوات کا سیاحتی علاقہ ہے اور پولیس کے مطابق اس سے پہلے بھی اس علاقے میں سکیورٹی اہلکاروں پر حملہ ہوئے ہیں.

    یاد رہے کہ سوات میں قیام امن کے بعد عید الفطر کے موقع پر سرکاری اعدادوشمار کے مطابق چار لاکھ سے زائد سیاحوں نے یہاں کے سیاحتی مقامات کا رخ کیا جبکہ بحرین اور کالام میں موجود تمام ہوٹلز سیاحوں سے بھر گئے تھے.

    واضح رہے کہ ہزاروں کی تعداد میں سیاحوں نے دریا کے کنارے، مساجد اور کرائے کے مکانوں میں قیام کیا تاہم مقامی لوگوں کے مطابق اس دھماکے سے علاقے میں خوف کی فضا پھیل گئی ہے.