Tag: خیبر پختونخواہ

پشاور جمعرات کے روزگورنرخیبر پختونخواہ اقبال ظفر جھگڑا کا کہنا تھا کہ پوری قوم دہشت گردی کے خاتمے کے لئے متحد ہے.

تفصیلات کے مطابق پشاورمیں گورنر ہاؤس میں ایپکس کمیٹی کے ایک اجلاس سے خطاب کرتے ہوئے گورنرخیبر پختونخواہ اقبال ظفر جھگڑا کا کہنا تھا کہ قوم دہشت گردی کی لعنت کوجڑ سے اکھاڑنے کے لئے سیکورٹی فورسز کے شانہ بشانہ کھڑی ہے.

ایپکس کمیٹی کے اجلاس میں وزیر اعلی خیبر پختونخوا پرویز خٹک، کور کمانڈر پشاور لیفٹیننٹ جنرل ہدایت خان، چیف سیکرٹری خیبرپختونخوا امجد علی خان اور آئی جی پولیس ناصر درانی بھی موجود تھے.

نیشنل ایکشن پلان کے اجلاس میں خیبر پختوںخواہ اور فاٹا میں دہشتگردی کے خلاف اُٹھائے جانے والے اقدامات کا جائزہ لیا گیا.

اجلاس میں غیرقانونی سمز کو بند کرنے کے ساتھ ساتھ اغوابرائے تاوان اور دیگر سنگین جرائم کو روکنے کے خلاف اُتھائے جانے والے اقدامات کا جائزہ لیا گیا.

اجلاس میں آپریشن میں بے دخل ہونے والے افراد کی واپسی لوٹنے کے عمل کو تیز کرنے کی ہدایت کی گئی.

جنوری 2015 میں وفاقی حکومت کی جانب سے نیشنل ایکشن پلان قائم کیا گیا تھا جس کا مقصد دہشتگردی کے خلاف کاروائی کرنے کے ساتھ ساتھ شمال مغربی پاکستان میں دہشتگردئ کی لعنت کو جڑ سے ختم کرنا تھا.

نیشنل ایکشن پلان کی منصوبہ بندی کو وفاقی اور صوبائی حکومتوں نے ساتھ لے کر چلنے کی حمایت کی تاکہ ملک میں دہشتگردی کا خاتمہ کیا جاسکے، اور پوری قوم دہشتگردی کے خلاف سیاسی قیادت کے ساتھ شانہ بشانہ کھڑی نظر آئی.

پشاور : پاکستان تحریک انصاف کے چئیرمین عمران خان نے خیبر پختونخواہ میں دورہ وزیر اعظم پر تعلیمی سرگرمیاں معطل ہونے پر ذمہ داروں کےخلاف کاروائی کرنے کا حکم دے دیا.

تفصیلات کے مطابق عمران خان کایوتھ گیمز2016 کے افتتاح کے موقع پر کہنا تھا کہ میں نےخیبرپختونخواہ
حکومت سے کہا کہ وزیراعظم کی آمد پر مانسہرہ یونیورسٹی اور بنوں میں اسکولوں کی بندش پر ذمہ داروں کے خلاف سخت کاروائی کی جائے.

انہوں نے اپنی ایک ٹویٹ میں کہا کہ تعلیمی اداروں کو بند کرنا جب کوئی وی آئی پی دورہ کر ے یہ ایک اچھا عمل نہیں ہے، انہوں نے حکومت سے کہا کہ اس طرح کے کلچر کو فروغ نہیں دیا جائے.

عمران خان نے کھیلوں کی سرگرمیوں کی حوصلہ افزائی کرتے ہوئے کہا کہ کھیلوں سےانسان جسمانی اور ذہنی طور پر تندرست ہوتا ہے جو ایک تندرست معاشرے کی علامت ہے.

انہوں نے کہا کہ چیمپئن آخری گیند تک لڑتا ہے، مجھے سیاست میں آئے ہوئے 20 سال ہوگئے ہیں لیکن میں نےکبھی ہار نہیں مانی اور نا ہی مستقبل میں کبھی ہار مانوں گا.

عمران خان نے کہا کہ انہوں نے خواب دیکھا تھا کہ وہ ایک یونیورسٹی اور اسپتال بنائے اور انہوں نے اپنے خواب کو حقیقت بنایا.

واضح رہے کہ خیبر پختونخواہ حکومت نے دسمبر 2015 میں نوٹیفیکیشن جاری کیا تھا، جس میں حکومت کی جانب سے وی آئی پی کلچر کے خاتمے کی بات کی گئی تھی.