Tag: خیبر پختونخوا

پشاور : خیبر پختونخوا کے آٹھ مختلف علاقوں میں واقع جنگلات میں آگ بھڑک اٹھی، دشوار گزار پہاڑیوں کی وجہ سے آگ بجھانے کے عمل میں مشکلات درپیش ہیں۔

تفصیلات کے مطابق خیبر پختونخوا کے آٹھ مختلف علاقوں میں واقع جنگلات میں آگ لگی۔

محکمہ جنگلات کی رپورٹ میں بتایا کہ آلہ ڈھنڈ بٹ خیلہ فارسٹ رینج، کالدرہ درگئی، بونیر، باغ کنڈی چکدرہ اور اوسکی کے دشوار گزار پہاڑی علاقے بھی شامل ہیں۔

ترجمان کا کہنا تھا کہ پیٹو درہ تیمرگرہ اور ادین زئی کے جنگلات میں لگی آگ پر قابوپا لیا گیا ہے۔

مزید پڑھیں : ایبٹ آباد کے قریب جنگلات میں لگی آگ بے قابو ہوگئی

ترجمان محکمہ جنگلات نے کہا کہ بعض جنگلات میں لگی آگ پر قابو پانے کی کوششیں جاری ہیں، دشوار گزار پہاڑیوں کی وجہ سے آگ بجھانے کے عمل میں مشکلات درپیش ہیں۔

ریسکیو آپریشن میں محکمہ جنگلات، ریسکیو، سول ڈیفنس اور مقامی رضاکاروں نے حصہ لیا، ریسکیو اہلکاروں کو کولنگ کا عمل مکمل ہونے تک وہاں پر رہنے کی ہدایت کی گئی ہے۔

محکمہ جنگلات نے مزید کہا کہ پہاڑی سلسلے میں آگ لگنے کی وجوہات کا تعین کیا جا رہا ہے۔

پشاور: محکمہ ابتدائی و ثانوی تعلیم نے موسم گرما کیلئے اسکول کی تعطیلات کا اعلان کردیا، چھٹیوں کا باقاعدہ نوٹیفکیشن جاری کردیا گیا۔

تفصیلات کے مطابق جاری اعلامیے میں کہا گیا ہے کہ سمرزون پرائمری اسکولز میں یکم جون سے 31اگست تک چھٹیاں ہونگی، اس کے علاوہ سمرزون ہائی وہائر سیکنڈری اسکولز میں 15 جون سے 31 اگست تک چھٹیاں ہونگی۔

اعلامیہ میں کہا گیا ہے کہ ونٹرزون اسکولز میں گرمیوں کی چھٹیاں یکم تا 31جولائی تک ہوں گی، محکمہ تعلیم خیبرپختونخوا نے بتایا کہ چھٹیوں کا اطلاق سرکاری اور نجی تعلیمی اداروں پرہوگا۔

تعلیمی اداروں میں موسم گرما کی تعطیلات، طلبا کے لئے خوشخبری

اس سے قبل گرمیوں کی چھٹی کے حوالے سے پنجاب کے بعد بلوچستان نے بھی اسکولوں میں موسم گرما کی تعطیلات 2025 کے شیڈول کا اعلان کیا تھا۔

بلوچستان حکومت کی جانب سے جاری کردہ ایک باضابطہ نوٹیفکیشن میں کہا گیا تھا کہ صوبے کے گرم علاقوں میں موسم گرما کی تعطیلات آج یعنی 17 مئی سے شروع ہوں گی۔

نوٹیفکیشن میں مزید کہا گیا کہ موسم گرما کی چھٹیاں 31 جولائی کو ختم ہوں گی، تمام اسکول یکم اگست (جمعہ) کو دوبارہ کھلیں گے۔

https://urdu.arynews.tv/summer-vacations-punjab-school-education-dept-shares-update/

پشاور : شدید بارشوں کا الرٹ جاری کردیا اور فلڈ ایڈوائزری کے پیش نظرہفتہ ،اتوار کی چھٹیاں منسوخ کرنے کا فیصلہ کیا گیا ہے۔

تفصیلات کے مطابق این ڈی ایم اے نے خیبر پختونخوا میں شدید بارشوں کا الرٹ جاری کردیا، ملاکنڈ ،ہزارہ، بنوں ڈویژن متاثر ہوسکتےہیں جبکہ لینڈ سلائیڈنگ اوربرفانی تودے گرنے کا خدشہ ہے۔

پی ڈی ایم اے نےفلیش فلڈایڈوائزری کے پیش نظر تمام ملازمین کی ہفتہ اتوار کی چھٹیاں منسوخ کردیں اور ملازمین کو19 اور 20 اپریل کوحاضری یقینی بنانے کی ہدایت کی۔

ترجمان نے کہا کہ ہنگامی صورتحال سےنمٹنےاورموثررابطہ کاری کیلئےچھٹیاں منسوخ کی گئیں، ایمرجنسی سینٹرہفتہ اوراتوار کومکمل فعال رہے گا۔

اسلام آباد اور راول پنڈی کے لیے بھی الرٹ جاری کیا ہے، پنجاب کے کئی شہروں میں تیزہواؤں اوربارش سے فصلیں بھی متاثر ہوسکتی ہیں، کسان نقصان سے بچنے کے انتظامات کرلیں۔

ترجمان کا کہنا تھا کہ شہری غیر ضروری سفر سے گریز کریں، کمزورعمارتوں اوردرختوں سےدور رہیں، عوام کوہنگامی صورتحال میں متعلقہ اداروں سےرابطہ کرنے کی ہدایت کی ہے۔

پی ڈی ایم اے کا کہنا تھا کہ دریائےکابل اورمنسلک دریاؤں میں18 سے20 اپریل شدیدسیلابی صورتحال کاخدشہ ہے، مغربی ہواؤں کاطاقتورسلسلہ آج رات کےپی کے بالائی علاقوں میں داخل ہوگا۔

ترجمان کے مطابق بالائی کے پی میں شدیدبارش سےدریائےکابل اورمنسلک دریاؤں میں سیلابی ریلوں کاخطرہ ہے، ضلعی انتظامیہ کوالرٹ رہنےاورپیشگی اقدامات کی ہدایات کردی گئیں جبکہ نشیبی علاقوں کےرہائشیوں اورکسانوں کوالرٹ رہنےکی ہدایت کی ہے۔

خیبر پختونخوا میں حالیہ دنوں میں غیرت کے نام پر قتل کے واقعات میں اضافہ دیکھا گیا ہے، بڑے شہروں میں بھی اس طرح کے واقعات ہونے لگے۔

تفصیلات کے مطابق خیبر پختونخوا کے دیہی علاقوں کے ساتھ ساتھ بڑے شہروں میں بھی غیرت کے نام پر قتل کے واقعات نظر آنے لگے ہیں، غیرت کے نام پر قتل کے واقعات یا وارداتوں کی روک تھام کےلیے قانون موجود ہے مگر پھر بھی حالیہ دنوں میں ان میں اضافہ دیکھنے میں آیا ہے۔

ہیومین رائٹ کمیشن آف پاکستان کے مطابق سال 2022 میں غیرت کے نام پر قتل کے 92 واقعات رپورٹ ہوئے، 2023 میں یہ تعداد 63 تھی جبکہ 2024 میں غیرت کے نام پرقتل کے 93 واقعات رپورٹ ہوئے۔

پروگرام منیجر عورت فائونڈیشن صائمہ منیر نے بتایا کہ کہ 2024 میں یہ شرح 35 فیصد کے قریب بن رہی ہے جو کہ خطرناک ہے اس طرح کے قتل میں صحیح طرح سے انویسٹی گیشن نہیں ہوتی، جب تک قوانین کے اندر نقائص موجود ہیں واقعات کم نہیں ہوسکتے

ایس پی فقیرآباد ڈویژن سید طلال شاہ کہتے قانون میں ترمیم ہوچکی ہے، دفعہ 311 لگ جائے تو فریقین کے پاس راضی نامہ کا حق نہیں رہتا۔

سینئرقانون دان استغراللہ خان کا کہنا ہے کہ ایسے واقعات میں دفعہ 311 ثابت ہوجائے اس میں عمر قید کی سزا ہوسکتی ہے۔

سماجی رہنما کے مطابق ایسے واقعات کی روک تھام تب ہی ممکن ہے جب قانون پر عمل درآمد اور واقعات میں ملوث ملزمان کو سخت سزائیں دی جائیں۔