Tag: خیبر پختونخوا

لاہور: وفاقی وزیر منصوبہ بندی احسن اقبال نے کہا ہے کہ عمران خان نے اپنی سیاست کےلیےملک کاوقارداؤ پرلگایاہو ا ہے،لوگ عمران خان کی سیاست سے مایوس ہوچکےہیں،عمران خان سیاست کوسیاست رہنے دیں ،ملکی وقارسے نہ کھیلیں۔

انہوں نے کہا کہ وفاقی حکومت خیبر پختونخوا میں پاور سیکٹر کے 4 منصوبوں کی منظوری پہلے ہی دے چکی ہے، عمران خان کی جانب سے کوئلے کی بذریعہ سڑک سندھ سے پنجاب ٹرانسپورٹیشن کی بات سراسر غلط ہے۔

ان خیالات کا اظہار انہوں نے لاہور میں انسٹیٹوٹ آف انجینئرنگ پاکستان کی تقریب کے بعد میڈیا سے گفتگو کرتے ہوئے کیا، وفاقی وزیر احسن اقبال کا کہنا تھا کہ خیبر پختونخوا میں زیر غور 2 منصوبوں کا تخمینہ زائد ہونے کے باعث نظرثانی کیلئے کمیٹی تشکیل دی گئی جس میں خیبر پختونخوا حکومت کے نمائندے بھی شامل ہیں۔

انہوں نے کہا کہ عمران خان کی جانب سے کوئلے کی بذریعہ سڑک سندھ سے پنجاب ٹرانسپورٹیشن کی بات سراسر غلط ہے، کوئلے سے چلنے والے زیادہ منصوبے سندھ اور بلوچستان میں لگائے جا رہے ہیں۔

پنجاب میں لگنے والے منصوبوں کیلئے کوئلہ بذریعہ سڑک نہیں بلکہ بذریعہ ریل منصوبوں کی جگہ پر پہنچایا جائے گا، جس کیلئے ریلوے کو خطیر رقم فراہم کر دی گئی ہے۔