Tag: خیبر پختو نخواہ

پشاور: خیبر پختونخوا کے ضلع شانگلہ کے علاقے لیلونئی میں ’پراسرار‘ بیماری کے باعث ایک ماہ کے دوران ایک ہی خاندان کے سات جان کی بازی ہار گئے.

تفصیلات کے مطابق صوبہ خیبرپختو نخواہ کے ضلع شانگلہ میں پراسرار بیماری کے باعث بچوں کی اموات پر علاقہ مکین خوفزدہ ہیں،اس حوالے سے ڈسٹرکٹ ہیلتھ آفیسر (ڈی ایچ او) کا کہنا تھا کہ یہ بیماری بہت خطرناک ہے، جس کے باعث علاقے کے لوگوں میں خوف وہراس پایا جاتا ہے.

ڈسٹرکٹ ہیلٹھ آفیسر کا کہنا ہے کہ بچوں کی پراسرار بیماری کے باعث موت پر ڈاکٹرز بھی پریشان ہیں اور وہ اس کی وجوہات معلوم کرنے کی کوشش کر رہے ہیں.

اُن کا کہ مزید کہنا تھا کہ وہ ڈاکٹرز سے مسلسل رابطے میں ہیں اور جیسے ہی کوئی نتیجہ سامنے آتا ہے وہ میڈیا سے شیئر کریں گے،پراسرار بیماری سے ہلاک ہونے سے قبل بچوں کا بائیاں ہاتھ اور پاؤں ناکارہ ہوگئے تھے،جبکہ ڈاکٹرز وجوہات معلوم کرنے کے لیے مختلف ٹیسٹ کر رہے ہیں.

خیبر ٹیچنگ اسپتال کے فرانزک ڈیپارٹمنٹ کے سربراہ حکیم آفریدی کے مطابق ڈاکٹرز مختلف قسم کے ٹیسٹ کر رہے ہیں،جن سے واضح ہوجائے گا کہ بچوں کو کوئی ایک سے دوسرے کو منتقل ہونے والی بیماری تھی یا ممکنہ طور پر انہیں زہر دے کر ماراگیا.

سوات: مالم جبہ میں سیکورٹی فورسز نے دہشت گردی کا منصوبہ ناکام بنادیا،سیکورٹی فورسز کی کارروائی میں دو دہشت گرد مارے گئے.

تفصیلات کےمطابق سوات کے علاقے مالم جبہ میں سیکورٹی فورسز کی کارروائی میں دو دہشت گرد ہلاک ،دونوں ہلاک دہشت گردوں کے قبضے سے اسلحہ اور بارودی مواد بھی برآمد کیا گیا ہے.

سیکورٹی ذرائع کےمطابق دونوں دہشت گرد دہشت گردی کرنے افغانستان سے سوات آئے تھے کارروائی کے دوران ایک سیکورٹی اہلکار بھی زخمی ہوا جسے سی ایم ایچ منتقل کردیا گیا ہے.

چترال : وادی بروغل میں پرائمری اسکول کی عمارت ٹوٹ پھوٹ کا شکار ہے،اسکول کی عمارت میں محکمہ کمیو نیکیشن اینڈ ورکس نے ابھی تک پانی تک فراہم نہیں کیا.

تفصیلات کے مطابق چترال کی وادی بروغل کے چکار مقام پر واقع پرائمری اسکول کی عمارت ٹوٹ پھوٹ کا شکار ہے،بروغل وادی سطح سمندر سے تقریباًتیرہ ہزار فٹ کی بلندی پر واقع ہےجہاں وادی اکثر برف سے ڈھکی رہتی ہے.

اسکول کی عمارت میں محکمہ کمیو نیکیشن اینڈ ورکس نے ابھی تک پانی تک فراہم نہیں کیا،اس وادی سے تعلق رکھنے والے ایک طالب علم کا کہنا ہے کہ ٹھیکدار کام ادھورا چھوڑ کر چلا گیا اور بچےتاحال پانی سے محروم ہیں.

وادی کے اس اسکول میں اساتذہ کا حال یہ ہے کہ صرف ایک استاد چھ جماعتوں کو پڑھاتا ہے باقی اساتذہ آتے ہی نہیں، کبھی ڈسٹرکٹ ایجوکیشن آفیسر نے اس سکول کا معائنہ تک نہیں کیا.

وادی میں لڑکیوں کے لیے اسکول نہ ہونے کے سبب لڑکے لڑکیاں ایک ہی اسکول میں تعلیم لے رہےہیں،اس جدید دور میں بھی یہ وادی دو سو سال پہلے کے مناظر پیش کرتی نظر آرہی ہے.

یہاں ابھی تک سڑک، اسکول، کالج، اسپتال،بجلی،پانی،ٹیلیفون،مواصلات اور تمام تر بنیادی حقوق کی ضروریات سے محروم ہیں لوگوں کا مطالبہ ہےکہ اس وادی میں اسکول،کالج کے ساتھ ساتھ اسپتال اور بجلی فراہم کرنے کا بندوبست کیا جائے.