Tag: خیرپور

خیرپور : صحافی اللہ ڈنو شر کے قتل کیس میں ملوث گرفتار 5 ملزمان نے اعترافِ جرم کرلیا، جس میں لڑکی ، 2 بھائی اور ان کے دوست شامل ہیں۔

تفصیلات کے مطابق خیرپور کے صحافی اللہ ڈنو شر کے قتل کیس میں ملوث پانچ ملزمان کو گرفتار کرلیا۔

ایس ایس پی سمیع اللہ سومرو نے بتایا کہ گرفتار ملزمان نے اعتراف جرم کرلیا اور ملزمان کی نشاندہی پر آلہ قتل اور مقتول صحافی کا موبائل فون بھی برآمد کرلیا۔

صحافی  کے قتل میں خاتون سمیت 5افرادملوث ہیں، قتل کیس میں لڑکی ،2بھائی اور انکےدوست شامل ہیں، گرفتارملزمان سےمزیدتفتیش کی جارہی ہے۔

دوسری جانب صحافی کے قتل کا مقدمہ ٹھری میرواہ تھانے میں درج کرلیا، مقدمہ اللہ ڈنو شر کے چچا زاد بھائی کی مدعیت میں درج کیا گیا ہے۔

مقدمے میں 7 ملزمان کو نامزد کیا گیا ہے، کیس میں ایک لڑکی سمیت 5 ملزمان کو گرفتار کیا گیا ہے۔

مقدمے میں کہنا تھا کہ مزید 2 ملزمان کو گرفتار کرنے کیلئےٹیم تشکیل دی گئی ہے، پوری کوشش ہے کیس شفافیت کی بنیاد پر عدالت تک پہنچائیں، کیس کی تفتیش جاری ہے، تفصیلات سے آگاہ کیا جائے گا۔

سکھر : خیرپور میں صحافی کو تشدد کرکے کلہاڑیاں مار کر قتل کردیا گیا اور لاش کھیتوں سے ملی تاہم پولیس نے تحقیقات شروع کردی ہے۔

تفصیلات کے مطابق خیرپور کے علاقے ٹھری میر واہ سے صحافی کی تشددزدہ لاش ملی ، پولیس نے بتایا کہ صحافی اےڈی شرکو کلہاڑیاں مارکرقتل کیاگیا ، لاش کھیتوں سے ملی۔

حکام کا کہنا تھا کہ ل اللہ ڈنو شر کی لاش کو ضروری کارروائی کیلئے اسپتال منتقل کردیا ہے، واقعے کی جگہ سے شواہد اکٹھے کرلیے ہیں اور تحقیقات جاری ہیں۔

نجی ٹی وی چینل کے ساتھ کام کرنے والے اے ڈی بلوچ کافی عرصے سے لاپتہ تھے، ان کا فون بھی بند تھا، گھر والوں سے کوئی رابطہ نہیں تھا۔

گذشتہ سال رونتی میں سندھی نیوز چینل آواز ٹی وی کے مقامی رپورٹر بچل گھنیو صبح سویرے اپنے گھر کے قریب ہی کھیتوں میں گئے تھے کہ مسلح افراد نے حملہ کرکے فائرنگ کردی تھی جس سے وہ موقع پر ہی جاں بحق ہوگئے تھے۔

بعد ازاں صحافی محمدبچل گھنیو کے قتل میں ملوث مرکزی ملزم کو گرفتار کرکے آلہ قتل برآمد کرلیا گیا تھا۔

سکھر : ایم ڈی کیٹ ٹیسٹ میں بے ضابطگیوں کیخلاف احتجاج کرنے طلبا نے انکشاف کیا 10 لاکھ روپے میں انٹری ٹیسٹ کا پیپر لیک کیا گیا۔

تفصیلات کے مطابق سکھر میں ایم ڈی کیٹ ٹیسٹ میں بے ضابطگیوں کیخلاف طلبا نے احتجاج کیا اور قومی شاہراہ بند کر دی، جس کے باعث گاڑیوں کی قطاریں لگ گئیں۔

مظاہرین نے کہا کہ 10 لاکھ روپے میں انٹری ٹیسٹ کا پیپر لیک کیا گیا، اس طرح پیپر پیسوں کےعوض ملنے لگے تو میرٹ کا کیا ہوگا۔

دوسری جانب خیرپور میں ببرلو قومی شاہراہ پر طلبہ نے ایم ڈی کیٹ کے نتائج کے خلاف احتجاج کیا ، طلبہ کےاحتجاج کےباعث قومی شاہراہ پرگاڑیوں کی قطاریں لگ گئیں

مظاہرین کا کہنا تھا کہ پیپر وقت سے پہلے ہی آؤٹ ہواسیٹیں پیسوں کےعوض فروخت کی گئی، ہر سال پیپر لیک کرکے میرٹ کی خلاف ورزی کی جارہی ہے۔

گذشتہ روز ڈاؤیونیورسٹی نے ایم ڈی کیٹ نتائج کے اعداد و شمار جاری کئے تھے، جس کے مطابق ٹیسٹ میں سندھ بھر سے 22 ہزار 366 امیدوار کامیاب قرار پائے اور شرح 58 اعشاریہ 79فیصد رہی۔

ڈاؤ یونیورسٹی کے زیراہتمام ٹیسٹ میں 38ہزار 41 امیدوار شریک ہوئے، اوجھا اور این ای ڈی ٹیسٹ سینٹرز میں 12ہزار 572 امیدواروں نےحصہ لیا۔

دونوں مراکز سے ایم بی بی ایس کیلئے اہل امیدواروں کی تعداد 6ہزار 947 تھی جب کہ دونوں مراکز سے بی ڈی ایس کیلئےاہل امیدواروں کی تعداد 7 ہزار 941 تھی۔

یاد رہے کراچی میں طلبا نے ایم ڈی کیٹ کے امتحان پر تحفظات کا اظہار کرتے ہوئے ڈاؤ یونیورسٹی گیٹ کے سامنے احتجاج کیا تھا۔

طلبا کا کہنا تھا ایم ڈی کیٹ کے تقریباً سوالات اور سوشل میڈیا پر وائرل ہونے والا پرچہ ایک جیسا ہی تھا، ٹیسٹ کومسترد کرتے ہیں، پرچہ ہرسال امتحان سے ایک رات قبل آؤٹ ہوتا ہے اور اس سال بھی ایسا ہی ہوا۔

طلبا نے سوشل میڈیا پر لیک پیپر کی تحقیقات، ٹیسٹ کے دوبارہ انعقاد کا مطالبہ کرتے ہوئے کہا تھا کہ نارواسلوک کےباعث متعددطلباٹیسٹ میں شرکت نہیں کرسکے۔

خیر پور: سرکاری اسپتال کے باہر کار سے 2 افراد کی لاشیں برآمد ہوئی ، جس میں سے ایک لاش خاتون ٹک ٹاکر کی نکلی۔

خیر پور میں سرکاری اسپتال کے باہر کار سے 2 افراد کی لاشیں ملی ہیں، پولیس نے بتایا کہ خاتون اور مرد کی لاشوں کو سول اسپتال منتقل کردیا ہے۔

پولیس نے کہا کہ کوثراسپتال کے قریب کار سے ملنے والی دونوں لاشوں کی شناخت ہوگئی، لاشوں کی شاخت ٹک ٹاکر سیما خاصخیلی اور ظفرعباس حاجانو کے نام سے ہوئی۔

حکام کا کہنا تھا کہ سول اسپتال میں لاشوں کا پوسٹ مارٹم کیا جائے گا، تاہم واقعہ کیسے پیش آیا، اس حوالے سے تفتیش جاری ہے، گاڑی گزشتہ 2 روز سے اسپتال کے باہر کھڑی تھی۔