خیر پور : کمسن گھریلو ملازمہ فاطمہ کی والدہ کا کہنا ہے کہ میں بیٹی کے قاتل کو پھانسی تک پہنچاکر دم لوں گی، کچھ بھی ہو جائے ان کے ساتھ کوئی صلح نہیں ہوگی۔
تفصیلات کے مطابق رانی پور کی حویلی میں قتل کی گئی کمسن ملازمہ فاطمہ کی والدہ نے میڈیا سے گفتگو کرتے ہوئے کہا میری بچی کے ساتھ بڑا ظلم ہوا ہے،ملزم کو سرعام پھانسی دی جائے۔
بچی کی والدہ کا کہنا تھا کہ کچھ بھی ہو جائے ان کے ساتھ کوئی صلح نہیں ہو گئی، میں اس قاتل پیر کو کبھی بھی نہیں بخشوں گی، اس قاتل کو پھانسی تک پہنچاکر دم لوں گی۔
انھوں نے کہا کہ اب کوئی ڈر نہیں لگ رہا اگر جان بھی چلی جائے تو بھی پرواہ نہیں۔
فاطمہ کے والد نے بتایا کہ بیٹی واپس لینےحویلی گیا تھا، میں فاطمہ کی واپسی کی بات کر رہا تھا اور فیاض شاہ میزبجا کرمیری تضحیک کررہا تھا۔
والدہ نے پھر انصاف کا مطالبہ کرتے ہوئے کہا دھمکیاں بھی ملیں گی تو کیس سے پیچھے نہیں ہٹوں گی۔