Tag: داتا گنج بخش

شیخ سیّد ابو الحسن علی ہجویری رحمتہ اللہ علیہ المعروف داتا گنج بخش کا نو سو سترواں عرس لاہور میں شروع ہو گیا۔ عرس تین دن جاری رہے گا۔ شہر کا موسم شدید سرد،مگرعقیدت مندوں نے ماحول گرما رکھا ہے۔

لاہور میں حضرت داتا گنج بخش رحمتہ اللہ علیہ کے عرس کی تقریبات کا آغاز وزریرخزانہ اسحاق ڈار نے مزار پر چادر چڑھاکر کیا۔ جس کے بعد دودھ کی سبیل کا افتتاح کیا گیا۔ عرس کے باقاعدہ آغاز سے پہلے قرآن خوانی اور فاتحہ خوانی کی گئی۔

عرس مبارک کیلئے سکیورٹی کے انتہائی سخت انتظامات کیے گئے ہیں۔ اور سی سی ٹی وی کیمروں سے مانیٹرنگ کی جا رہی ہے۔ افتتاحی تقریب میں وزیر مذہبی اوقاف عطا محمد مانیکا سمیت مختلف مذہبی رہنما اور علمائے کرام سمیت عمائدین شہر موجود تھے۔ عرس میں اندرون اور بیرون ممالک سے ہزاروں کی تعداد میں زائرین شریک ہو رہے ہیں۔ جس کیلئے محکمہ اوقاف و مذہبی امور نے تمام تیاریوں کو حتمی شکل دی ہے۔

عرس کے دوران قومی محفل قرات۔ قومی محافل نعت اور سماع ہال داتا دربار کمپلیکس میں محافل ہوں گی۔ لاہور کا موسم سرد ہے لیکن عقیدت مندوں کے جذبوں کی حرارت نے داتا دربار کا ماحول گرما رکھا ہے۔ لوگ چادریں اٹھائے مزارپرپہنچ رہے ہیں۔ دعائیں اور منتیں مانگ رہے ہیں۔

حضرت امام حسین رضی اللہ عنہ اور شہدائے کربلا کے چہلم کے موقع پر پنجاب اورخیبرپختونخوا میں سیکورٹی کے سخت انتظامات کیے جا رہے ہیں۔

حضرت امام حسین کے چہلم، داتا گنج بخش کے عرس اور کرسمس کے موقع پر لاہور سمیت پنجاب بھر میں امن و امان کا جائزہ لینے کیلئے وزیراعلی شہباز شریف کی صدارت میں اعلی سطح کا اجلاس ہوا۔

سیکرٹری داخلہ اور انسپکٹر جنرل پولیس نے وزیراعلی کو سکیورٹی انتظامات کے حوالے سے بریفنگ دی، اجلاس کے شرکاء سے خطاب میں وزیراعلی شہباز شریف کا کہنا تھا کہ عوام کے جان و مال کے تحفظ کیلئے تمام وسائل بروئے کار لائے جائیں۔ اشتعال انگیز تقاریر اورلاﺅڈ اسپیکر پر پابندی کے قانون پر ہر صورت عملدرآمد کرایا جائے

چہلم کے موقع پر ملتان میں سیکورٹی پلان کو حتمی شکل دے دی گئی ہے، ترجمان ملتان پولیس کے مطابق مرکزی جلوس کی گزرگاہوں پر سی سی ٹی وی کیمرے نصب کر دیئے گئے ہیں، موٹرسائیکل کی ڈبل سواری پر پابندی ہو گی اور دفعہ ایک سو چوالیس نافذ رہے گی۔

حالات کے پیش نظر موبائل فون سروس بند کی جا سکتی ہے، پشاورمیں محکمہ داخلہ میں چہلم امام حسین کے جلوسوں اور مجالس کی سیکیورٹی کے لیے کیے گئے اقدامات پرغور کیا گیا، اجلاس میں دیگر اقدامات کے علاوہ اسلحہ فیکٹری اور اسلحہ ڈیلرز کی دکانیں بھی بند رکھنے کا فیصلہ کیا گیا۔