لاہور : پنجاب کے دارلحکومت لاہور میں پوتوں کی لڑائی کےدوران دادا گولی لگنے سے جان کی بازی ہار گئے۔
تفصیلات کے مطابق پنجاب کے دارلحکومت لاہور میں افسوسناک واقعہ سامنے آیا، جہاں پوتوں کی لڑائی کےدوران دادا جاں بحق ہوگئے۔
واقعہ اکبری گیٹ کے علاقے میں پیش آیا، جہاں پوتوں کی لڑائی کےدوران دادا کو گولی لگی، مقتول پوتوں کے جھگڑے پر بیچ بچاؤ کرا رہے تھے۔
پولیس کا کہنا تھا کہ فائرنگ سے 2 افراد زخمی بھی ہوئے تاہم تحقیقات جاری ہے۔
پولیس نے بتایا کہ فائرنگ میں دادا کی ہلاکت کے بعد دونوں پوتے گل زمان اور نعمان فرار ہوگئے جو آپس میں سگے بھائی بھی ہیں۔
مزید پڑھیں : لاہور میں باپ بیٹے کو گولیاں مار کر قتل کردیا گیا
یاد رہے لاہور کے علاقہ ستوکتلہ میں دو موٹرسائیکل سواروں نے فائرنگ کرکے باپ بیٹے کو قتل کردیا تھا، پولیس کے مطابق دوہرے قتل کی واردات ذاتی دشمنی کا شاخسانہ ہے۔
پولیس نے بتایا تھا کہ 49 سالہ سعید اپنے بیٹے 22 سالہ شمشاد کے ساتھ موٹر سائیکل پر گھر سے جارہا تھا کہ موٹرسائیکل پر سوار دو افراد نے اندھادھند فائرنگ کردی، جس کی زد میں آکر دونوں باپ بیٹے موقع پر ہی دم توڑ گئے۔
