ریاض: عسکریت پسند گروپ دولت اسلامیہ داعش نے سعودی عرب کی مسجد میں ہونے والے خودکش حملے کی ذمہ داری قبول کرلی ہے۔
آئی ایس نے ایک آن لائن بیان جاری کیا ہے ، جس میں کہا ہے کہ یہ حملہ ان کی تنظیم کے رکن نے کیا، جس کا نام ابو عامر النجدی تھا۔
یہ پہلی بار ہے کہ داعش نے سعودی عرب میں کسی حملے کی ذمہ داری قبول کی ہے۔
یاد رہے کہ سعودی عرب کے صوبے قطیف کی مسجد میں نمازجمعہ کی ادائیگی کے دوران خودکش حملے میں تیس نمازی شہید جبکہ پچاس افرادزخمی ہوگئے۔زخمیوں میں سے کچھ کی حالت نازک ہے۔
مسجد میں دھماکے کے موقع پر 150 سے زائد افراد نماز پڑھ رہے تھے۔
وزیر داخلہ کےترجمان نے کہا کہ خود کش حملے کی تحقیقات کا آغاز کردیا گیا ہے اور مزید تفصیلات جلد فراہم کی جائیں گی۔
