جینز پر گہرے داغ لگ جائیں تو انہیں دھونا بہت مشکل ہوتا ہے، ایسی صورت میں جینز نہایت بدنما لگنے لگتی ہے اور بیکار ہوجاتی ہے۔
ذیل میں کچھ ایسے طریقے بتائے جا رہے ہیں جن کی مدد سے آپ جینز پر لگنے والے داغ دھو کر اسے بے کار ہونے سے بچا سکتے ہیں۔
ٹھنڈے پانی یا الکحل سے وہ جگہ اچھی طرح دھوئیں جہاں داغ لگا ہو۔
ایک لیٹر پانی میں آدھا چمچ ڈش واشنگ مائع اور ایک چمچ گھریلو امونیا ملا لیں اور جینز کو 15 منٹ کے لیے اس میں بھگو دیں۔
اس کے بعد داغ کو اچھی طرح رگڑیں اور دوبارہ پچھلے محلول میں آدھے گھنٹے کے لیے ڈال دیں۔
جینز کو ٹھنڈے پانی میں بھگو دیں، اس میں آکسیجن بلیچ شامل کریں اور 8 گھنٹے کے لیے چھوڑ دیں۔
یاد رکھیں اس میں کچھ احتیاط کی ضرورت بھی ہوتی ہے خصوصاً سخت کیمیکل استعمال کرتے وقت بلیچنگ پاؤڈر اور امونیا کو مکس نہیں کرنا چاہیئے، اسی طرح انہیں کسی ایک برتن میں بھی بار بار استعمال نہ کریں۔
یہ بات بھی یاد رکھیں کہ امونیا کو کلورین بلیچ سے مکس کرنے کی صورت میں زہریلا دھواں پیدا ہو سکتا ہے۔
جب جینز سے داغ دھلنے لگیں تو اسے عام طریقہ کار کے مطابق واشنگ مشین میں دھوئیں اور کھلی ہوا میں خشک کریں، ڈرائر استعمال کرنے سے گریز کریں۔
داغ دھونے میں جتنی جلدی کریں گے اسی قدر اسے دھونا آسان ہوگا، جب جینز پر مائع داغ نظر آئے اسے نچلی طرف کر دیں اور غسل خانے میں لے جا کر ٹھنڈے پانی کے نل کے نیچے رکھ دیں یا پھر اسے مزید پھیلنے یا گہرا ہونے سے بچانے کے لیے داغ کی جگہ پر الکحل ڈال دیں۔
داغ کو دھونے کے لیے مندرجہ بالا طریقوں کو کئی بار بھی آزمایا جا سکتا ہے تاکہ داغ اچھی طرح صاف ہو جائے۔
