Tag: داماد

چنیوٹ : گھریلو تنازع پر داماد کی سسرال والوں پرفائرنگ کے نتیجے میں دو سالیاں جاں بحق اور بیوی زخمی ہوگئی، رستم کی بدسلوکی کے باعث اس کی بیوی اسے چھوڑ کر 2 بچوں سمیت میکے آئی تھی۔

تفصیلات کے مطابق چنیوٹ میں گھریلوتنازع پر دادماد نے سسرال والوں پر فائرنگ کردی ، جس کے نتیجے میں ملزم کی دوسالیاں جاں بحق اور بیوی زخمی ہوگئی۔

پولیس نے بتایا کہ واقعہ محلہ پورن پلاد میں پیش آیا تاہم زخمی خاتون کو الائیڈاسپتال فیصل آبادبھجوادیا گیا ہے اور واقعہ کی تحقیقات جاری ہے اور گرفتاری کیلئے چھاپے مارے جارہے ہیں۔

فائرنگ سے جاں بحق دو بہنوں کی شناخت شمائلہ اور ثنا کے نام سے اور ملزم کی بیوی کی شناخت روبی کے نام سے ہوئی۔

پولیس نے 2 خواتین کےقتل کا مقدمہ بھائی کی مدعیت میں 5ملزمان کیخلاف درج کرلیا ہے، جس میں بتایا کہ ملزم رستم، منظور، احمد اور دیگر اسلحے کیساتھ ہمارے گھرآئے، رستم کی بدسلوکی کے باعث میری بہن اسے چھوڑ کر 2 بچوں سمیت میکے آئی۔

مقدمے کے مطابق بہن نے رستم سے خلع کیلئے عدالت میں کیس کررکھا ہے اور ملزمان کو اس بات کارنج تھا، جس پر انہوں نے گھر آکر فائرنگ کی۔

مدعی شوکت علی نے کہا کہ روبی کوبچانے کیلئے آگے آنیوالی شمائلہ اور ثنا ملزم کی فائرنگ سےجاں بحق ہوئیں۔

آرپی او فیصل آباد ذیشان اصغر نے واقعے کا نوٹس لیتے ہوئے ڈی پی او سے رپورٹ طلب کرلی اور ملزم کی گرفتاری کیلئے اسپیشل ٹیم تشکیل دینے کا حکم دے دیا۔

ذیشان اصغر نے ہدایت کی :زخمی خاتون کو بہتر طبی سہولت اور تحفظ کی فراہمی اور لواحقین کو انصاف کی فراہمی ترجیحی بنیاد پر یقینی بنائی جائے۔

شیخوپورہ : گھر میں داماد نے ہتھوڑے کے وار سے سسر کو قتل کردیا جبکہ حملے میں بیوی، سالی اور ساس زخمی ہوگئے۔

تفصیلات کے مطابق شیخوپورہ میں ماچھی کےاسٹاپ کے قریب گھر میں داماد نے ہتھوڑے کے وار سے سسر کو قتل کردیا۔

پولیس نے بتایا کہ ملزم نے ہتھوڑے کے وار سے اپنی بیوی ،سالی اور ساس کو بھی زخمی کیا۔.

پولیس نے کارروائی کرتے ہوئے ملزم کوواردات کےایک گھنٹے کے اندر گرفتارکرلیا اور مزیدتفتیش جاری ہے۔

گذشتہ ماہ صوبہ پنجاب کے شہر صادق آباد کے اولڈ کالونی ماچھی گوٹھ میں ایسا ہی ایک افسوسناک واقعہ پیش آیا تھا، جہاں داماد نے سسر کو قتل کردیا تھا۔

پولیس کا اس حوالے سے کہنا تھا کہ ملزم نے سسرال جا کر سسر، اپنی اہلیہ اور سالی پر تشدد کیا، ملزم اپنی روٹھی ہوئی بیوی کو منانے آیا تھا، بیوی نہیں مانی کو طیش میں آگیا۔

اس سے قبل بھی لاہور میں ایک واقعہ پیش آیا تھا، جہاں اکبری منڈی کے علاقے میں داماد نے فائرنگ کر کے سسر 55 سالہ شعبان کو قتل اور ساس شبانہ کو زخمی کردیا تھا۔

صادق آباد میں داماد نے سسر کو قتل، سالی اور بیوی کو تشدد کا نشانہ بنایا ہے۔

تفصیلات کے مطابق صوبہ پنجاب کے شہر صادق آباد کے اولڈ کالونی ماچھی گوٹھ میں ایک افسوسناک واقعہ پیش آیا ہے جہاں داماد نے سسر کو قتل کردیا۔

پولیس کا اس حوالے سے کہنا ہے کہ ملزم نے سسرال جا کر سسر، اپنی اہلیہ اور سالی پر تشدد کیا، شدید زخمی خواتین کو تحصیل اسپتال منتقل کر دیا گیا۔

پولیس کا مزید کہنا ہے کہ ملزم اپنی روٹھی ہوئی بیوی کو منانے آیا تھا، بیوی نہیں مانی کو طیش میں آگیا۔

اس سے قبل بھی لاہور میں ایک واقعہ پیش آیا تھا، جہاں اکبری منڈی کے علاقے میں داماد نے فائرنگ کر کے سسر 55 سالہ شعبان کو قتل اور ساس شبانہ کو زخمی کردیا تھا۔

پولیس کا کہنا تھا کہ ملزم فیصل اور اس کی بیوی کے درمیان تنازع چل رہا تھا، گھریلو تنازع پر داما نے فائرنگ کی جس کی زد میں آکر سسر جاں بحق اور ساس زخمی ہوگئی تھی جبکہ فائرنگ کے بعد ملزم فرار ہوگیا تھا۔

جیکب آباد : سسرالیوں نے داماد پر پیٹرول چھڑک کرآگ لگادی، نوجوان کو تشویشناک حالت میں اسپتال منتقل کردیا گیا۔

تفصیلات کے مطابق جیکب آباد میں سسرالیوں نے داماد  پر مبینہ طور پر پیٹرول چھڑک کرآگ لگادی۔

پولیس کا کہنا ہے واقعہ گاؤں گڑھی حسن میں پیش آیا، شناخت علی محمد کے نام سے ہوئی تاہم جھلسے ہوئے نوجوان کو اسپتال منتقل کردیا ہے۔

اہلخانہ نے الزام لگایا کہ علی محمدسر کی کو سسر اور اس کے ساتھیوں نے پیٹرول چھڑک کر آگ لگائی۔

پنجاب کے ضلع خانیوال میں سسرالیوں نے داماد کو پٹرول چھڑک کر آگ لگادی تھی ، پولیس نے بتایا تھا کہ متاثرہ شخص بیوی کو منانے سسرال گیا تھا۔

مزید پڑھیں : سسرالیوں نے داماد کو پٹرول چھڑک کر آگ لگادی

پولیس کا کہنا تھا کہ ملزمان کے خلاف مقدمہ درج کرلیا ہے اور متاثرہ شخص کو تشویشناک حالت میں اسپتال منتقل کردیا ہے۔

اس قبل بھی جنوبی پنجاب کے ضلع مظفرگڑھ میں سرنے دوسری شادی کرنے پر داماد کے گھر کو مبینہ طور پر آگ لگادی تھی ، جس کے نتیجے میں دو بچیاں جھلس کر جاں بحق ہوگئیں، جھلس کر جاں بحق ہونے والی بچیوں کی عمریں ڈیڑھ سے تین سال کے درمیان تھیں۔