اسلام آباد: مسلم لیگ ن نے خیبرپختونخوا میں ڈسٹرکٹ کنونشن شروع کرنے کا اعلان کر دیا، دانیال عزیز کہتے ہیں خیبرپختونخوا میں مقامی حکومتیں تعطل کا شکار ہیں، بلدیاتی نمائندوں کو تاحال اختیارات نہیں دیئے گئے۔

اسلام آباد میں پریس کانفرنس کرتے ہوئے دانیال عزیز نے الزام لگایا کہ خیبرپختونخوا میں بلدیاتی نمائندوں کو تاحال اختیارات نہیں دیئےگئے، انہوں نے کہا کہ رمضان میں ہی بلدیاتی اختیارات سے متعلق آگاہی مہم چلائیں گے۔

دانیال عزیز کا کہنا تھا کہ عمران خان گھبرائیں نہیں، بتائیں احتساب کمیشن کو تالا کیوں لگایا، مسلم لیگ کے رہنما دانیال عزیز نے کہا کہ کے پی کے میں پاکستان تحریک انصاف چوبیس میں سے نو اضلاع میں کامیاب ہوئی۔

دانیال عزیزکاکہناتھا کرپشن سے متعلق پی ٹی آئی کے ارکان اسمبلی بھی ناراض ہیں، دانیال عزیز نےاستفسارکیاکہ بتایاجائے خیبربینک کو کیوں ڈبویا جارہا ہے۔

اسلام آباد: مسلم لیگی رہنماؤں محمد زبیر اور دانیال عزیز نے مشترکہ پریس کانفرنس کرتے ہوئے کہا ہے کہ متحدہ اپوزیشن پانامہ لیکس پر سیاسی پوائنٹ اسکورنگ سے باز رہے، دباؤ کے تحت وزیر اعظم میاں محمد نواز شریف سے استعفی کوئی نہیں لے سکتا۔

تفصیلات کے مطابق مسلم لیگی رہنماؤں کی جانب سے پریس کانفرنس میں مؤقف اختیار کیا گیا ہے کہ متحدہ اپوزیشن پانامہ پیپرز پر پوائنٹ اسکورنگ کررہی ہے، اپوزیشن کی جانب سے کئے گئے مطالبات ایک حد تک قابل قبول ضرور ہیں مگر ان کی ایماء پر قانون کو تبدیل نہیں کیا جاسکتا۔

اس موقع پر وزیر نجکاری محمد زبیر کا کہنا تھا کہ پانامہ پیپرز میں وزیراعظم کا نام موجود نہیں ہے مگر پھر بھی انہوں نے سب سے پہلے اپنے آپ کو احتساب کے لئے پیش کیا، اپوزیشن کی جانب سے کئے ہوئے مطالبات تسلیم کئے مگر اپوزیشن اپنے مؤقف سے پیچھے ہٹ چکی ہے،  اپوزیشن کے عزائم کھل کر سامنے آرہے ہیں کہ وہ احتساب نہیں بلکہ دباؤ کے ذریعے وزیراعظم کا استعفی چاہتے ہیں۔

یہ ممکن نہیں ہے کہ سینیٹر بیرسٹر اعتزاز احسن اور تحریک انصاف کے چئیرمین عمران خان کی خواہش پر قانون تبدیل کر دیا جائے، اپوزیشن ابھی تک یہ فیصلہ نہیں کیا کہ آف شور کمپنیز کے حوالے سے تحقیقات کس سے کروائی جائیں، اپوزیشن دباؤ کے تحت وزیر اعظم کا استعفی ٰچاہتی ہے مگر ایسا ممکن نہیں ہوسکتا ، اگر ہم پر انگلیاں اٹھیں گی تو ہم بھی ویسا ہی جواب دینگے۔

دانیال عزیز نے کہا کہ اپوزیشن کی جانب سے تنقید کرنے والے افراد تحقیقاتی کمیشن کے مطالبے سے اس وجہ سے پیچھے ہٹ رہے ہیں کہ پانامہ پپیرزمیں ان کے براہ راست نام موجود ہیں، چوہدری برادران کے صاحبزادے مونس الہی ٰ سمیت اور بھی لوگوں کے نام سامنے آرہے ہیں، مگر میاں محمد نواز شریف صاحب کا نام موجود نہیں اس کے باوجود انہوں نے بڑے پن کا مظاہرہ کرتے ہوئے اپنے آپ کو احتساب کے لئے پیش کردیا ہے۔

انہوں نے مزیر کہا کہ اب عوام کے سامنے سب کچھ آرہا ہے، جہازوں میں گھومنے والے افراد تحقیقات سے پیچھے کیوں ہٹ رہے ہیں، اگر شفاف تحقیقات ہونگی تو پرائیوٹ جہازوں کے مالکان اور اُن میں گھومنے والے افراد کو بھی کٹہرے میں لایا جائے گا۔

مزید پڑھیں :  پاناما پیپرز: آرمی چیف کا وزیراعظم پر معاملہ جلد حل کرنے پرزور

اس موقع پر انہوں نے اعلان کیا کہ  پانامہ پیپرز میں غلط بیانی کے حوالے سے حکومت پاکستان جلدآئی سی آئی جے کو لیگل نوٹس جاری کرے گی ۔

کراچی: تحریک انصاف نے ن لیگ کے رہنما دانیال عزیز کے خلاف مقدمہ درج کرنے کی درخواست جمع کرادی۔

تحریک انصاف کے رہنما عمران اسماعیل پارٹی کے دیگر رہنماؤں فیصل واڈا اور خرم شیر زمان کے ساتھ ن لیگ کے رہنما دانیال عزیز کے خلاف مقدمے کی درخواست جمع کرانے کراچی کے درخشاں تھانے پہنچے جہاں انہوں نے دانیال عزیز کی جانب سے مبینہ دھمکیوں پر ان کے خلاف مقدمے کے لیے درخواست جمع کرائی۔

عمران اسماعیل نے درخواست میں مؤقف اختیار کیا کہ دانیال عزیز نے مجھے ٹی وی شو میں بیٹھ کر دھمکیاں دیتے ہوئے کہا کہ اب تمہارا وقت ختم ہوچکا ہے اور میں تمہاری زبان کاٹ دوں گا جس پر مجھے ان سے خطرہ لاحق ہے۔

انہوں نے کہا کہ ہم ن لیگ کا ہر محاذ پر مقابلہ کریں گے، پیپلزپارٹی اور ن لیگ کی حکومتوں نے معاہدہ کر رکھا ہے جس کے تحت دونوں جماعتیں ایک دوسرے کے رہنماؤں کے خلاف مقدمات درج نہیں ہونے دیتیں لہٰذا مقدمے کی درخواست دینے سے کچھ نہیں ہوا تو پھر عدالت سے رجوع کریں گے۔