Tag: درجنوں افراد لاپتہ

سکرامنٹو: امریکی ریاست کیلیفورنیا میں طوفانی بارشوں اور لینڈ سلائیڈنگ سے 17  افراد ہلاک جبکہ 28 زخمی ہوگئے۔

تفصیلات کے مطابق امریکی ریاست کیلیفورنیا میں طوفانی بارشوں اور لینڈ سلائیڈنگ سے مختلف حادثات میں 17 افراد جان کی بازی ہار گئے جبکہ متعدد زخمی ہوگئے۔

کیلیفورنیا میں شدید بارشوں اور لینڈ سلائیڈنگ کے نتیجے میں درجنوں مکانات کو نقصان پہنچا۔

مقامی میڈیا کے مطابق کیلیفورنیا کے نشیبی علاقوں میں سیلابی پانی آنے کے باعث تقریبا 100 گھر تباہ ہوگئے اورمتعدد  گھروں کو جزوی نقصان پہنچا ہے جبکہ سڑکوں پرکئی گاڑیاں بھی پھنس گئیں۔

طوفانی بارشوں اورلینڈ سلائیڈنگ سے متاثرہ علاقوں میں امدادی کارروائیاں جاری ہیں جبکہ ریسکیو اہلکاروں کی جانب سے لاپتہ ہونے والے درجنوں افراد کی تلاش کا سلسلہ بھی جاری ہے۔

لینڈ سلائیڈنگ اور شدید بارشوں کے باعث سینٹا باربیرا کاؤنٹی میں مائیکل جیکسن ، چارلی چپلن سمیت دیگر اہم شخصیات کی جائیدادیں اور تاریخی ہوٹل واقع ہیں جنہیں شدید نقصان پہنچا ہے۔

شوبرکی معروف شخصیت اوپرا ونفری نے سوشل میڈیا کی ویب سائٹ انسٹاگرام پر اپنے گھر میں ہونے والی تباہی کی ویڈیو شیئر کی جن میں ان کے گھر کے ارد گرد موجود کیچڑ پھیلا ہوا دیکھا جاسکتا ہے۔

Thanks everyone for your prayers and concern. My property is fine.Some mud , and minor damage that pales in comparison to what my neighbors are going thru. #mudslides🙏🏾

A post shared by Oprah (@oprah) on Jan 10, 2018 at 8:48am PST

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔