اسلام آباد : چیئرمین کی تعیناتی کیلئے نظرانداز ہونے پر ایف بی آر کے درجنوں افسراں نالا ہے ، فیلڈ میں 24 اور ہیڈکوارٹرز میں6 افسران نئے چیئرمین سے سینئر ہیں۔
تفصیلات کے مطابق چیئرمین کی تعیناتی کیلئے ایف بی آر کے درجنوں سینئرافسران کو نظرانداز کیا گیا، ذرائع ایف بی آر نے بتایا کہ
فیلڈ میں 24 اور ہیڈکوارٹرزمیں6افسران نئےچیئرمین ایف بی آر سے سینئرہیں۔
ذرائع کا کہنا ہے کہ ممبر کسٹمز آپریشنزطویل چھٹیوں پرروانہ اورسینئر افسران بھی نالاں ہیں کیا دیگر اہم اداروں کی طرز پر فیڈرل بورڈ آف ریونیو کے چیئرمین کی تعیناتی کیلئے سنیارٹی میکنزم موجود نہیں۔
ذرائع نے کہا کہ گریڈ 21 کے افسر اور ممبر کسٹمز آپریشنز اشہد جواد طویل چھٹیاں لے چکے ہیں، امجدزبیرٹوانہ سے پہلے عاصم احمد، ڈاکٹر اشفاق کو بھی سینئرز پر فوقیت دی گئی۔
ذرائع کے مطابق نئے چیئرمین فیڈرل بورڈ آف ریونیو کی تعیناتی پر بورڈ اور ٹیم میں تبدیلیوں کاامکان ہے ، 11 ماہ کے دورانفیڈرل بورڈ آف ریونیو کو تقریباً 12 ہزار3سو ارب روپے تک اکٹھےکرنا ہوں گے۔
ذرائع نے بتایا کہ ایک یا 2 ماہ ریونیو ہدف میں شارٹ فال آیا تو ہدف حاصل کرنا مشکل ہوگا، چیئرمین کو ٹریک اینڈ ٹریس سسٹم، ڈیجیٹائزیشن، ریونیو ٹارگٹ کے مسائل ہوں گے جبکہ عالمی اداروں سے ڈیل، ٹیکس نیٹ وسیع کرنا اور تاجروں کو ٹیکس نیٹ میں لانا چیلنج ہوگا۔