ARYNews.tv | Urdu – Har Lamha Bakhabar

Tag: درجہ حرارت

  • کراچی میں قیامت خیزگرمی‘ درجہ حرارت 43 ڈگری سےتجاوزکرنےکا امکان

    کراچی میں قیامت خیزگرمی‘ درجہ حرارت 43 ڈگری سےتجاوزکرنےکا امکان

    کراچی : محکمہ موسمیات کا کہنا ہے کہ شہر قائد میں آج بھی موسم گرم اور خشک رہے گا جبکہ درجہ حرارت 43 ڈگری سے تجاوزکرنے کا امکان ہے۔

    محکمہ موسمیات کے مطابق سمندری ہوائیں بند ہونے کے باعث کراچی میں آج پارہ 43 ڈگری سینٹی گریڈ سے تجاوز کرنے کا امکان ہے۔

    محکمہ موسمیات کا کہنا ہے کہ کراچی میں صبح 8 بجے درجہ حرارت 30 سینٹی گریڈ ریکارڈ کیا گیا جبکہ ہوا میں نمی کا تناسب 17 فیصد ریکارڈ کیا گیا۔

    محکمہ موسمیات نے کراچی میں درجہ حرارت بڑھنے کی وجہ سے 23 مئی تک ہیٹ ویو کا خدشہ ظاہر کرتے ہوئے الرٹ جاری کیا ہے۔

    محکمہ موسمیات کا کہنا ہے کہ اس دوران جنوب مغربی سمت سے چلنے والی سمندری ہوائیں بند ہونے سے بھی گرمی کی شدت میں اضافہ ہوگا۔

    دوسری جانب طبی ماہرین نے شہریوں کو دھوپ میں باہر نکلنے سے گریز کرنے کا مشورہ دیتے ہوئے کہا کہ اگرباہرجانا بھی پڑے تو چھتری استعمال کریں اور سر پر گیلا کپڑا رکھیں۔

    کراچی ملک کا دوسرا گرم ترین شہربن گیا

    خیال رہے کہ محکمہ موسمیات کے مطابق گزشتہ روز بھی کراچی کا درجہ حرارت 44 ڈگری سینٹی گریڈ ریکارڈ کیا گیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی میں آئندہ 2 روزمیں گرمی بڑھنے کا امکان، درجہ حرارت 40تک جاسکتا ہے

    کراچی میں آئندہ 2 روزمیں گرمی بڑھنے کا امکان، درجہ حرارت 40تک جاسکتا ہے

    کراچی : شہر قائد میں گرمی سے شہری بے حال ہے، محکمہ موسمیات نے کہا ہے کہ کراچی والو ہوشیار ہوجاؤ، آئندہ دو روز میں گرمی مزید بڑھے گی درجہ حرارت چالیس تک جاسکتا ہے۔

    تفصیلات کے مطابق رمضان المبارک سے قبل محکمہ موسمیات نے خبردار کیا ہے کہ کراچی میں آئندہ دو روز میں گرمی کی شدت میں اضافہ ہوگا، درجہ حرارت چالیس تک پہنچنے کا امکان ہے۔

    ڈائریکٹر محکمہ موسمیات عبدالرشید نے کراچی میں کل سے سمندری ہوائیں بند ہونے کا پیشگوئی کی اور کہا کہ شمال مغربی علاقوں سے گرم اور خشک ہواؤں سے موسم مزید گرم ہوجائیں گا۔

    ڈائریکٹر محکمہ موسمیات کا کہنا ہےکہ شہر میں درجہ حرارت 41 ڈگری سینٹی گریڈ کو چھو سکتا ہے اور آئندہ ہفتے جمعرات تک گرمی کی شدت برقرار رہنے کا امکان ہے، اس طرح رمضان المبارک کا پہلا ہفتہ شدید گرم ہوگا۔

    سندھ کے دیگر علاقوں میں سورج آگ برساتا رہے گا، حیدرآباد میں چوالیس اور سکھرمیں تینتالیس ڈگری تک پارہ چڑھا رہے گا جبکہ بلوچستان میں گرم ہوائیں چلتی رہیں گی، تربت میں پینتالیس ڈگری کے ساتھ شدید گرمی کا امکان ہے۔

    دوسری جانب محکمہ موسمیات کے مطابق آئندہ 24 گھنٹے کے دوران کراچی ، سکھر اور تربت میں موسم گرم اور خشک رہے گا تاہم مالاکنڈ، ہزارہ، پشاور، کوہاٹ، راولپنڈی، گوجرانوالہ ڈویژن، اسلام آباد، فاٹا، گلگت بلتستان، کشمیر،لاہور، فیصل آباد، سرگودھا، بنوں، ڈی آئی خان، کوئٹہ اور ژوب ڈویژن میں چند مقامات پر تیزہواؤں، آندھی اور گرج چمک کے ساتھ بارش کا امکان ہے۔

    گزشتہ روز سب سے زیادہ درجہ حرارت نوابشاہ میں اڑتالیس ڈگری سینٹی گریڈ ریکارڈ کیا گیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی میں کل پارہ43 ڈگری سینٹی گریڈتک جانے کا امکان

    کراچی میں کل پارہ43 ڈگری سینٹی گریڈتک جانے کا امکان

    کراچی : شہرقائد میں مئی کےگرماگرم آغاز نےشہریوں کاجینا محال کردیا ، محکمہ موسمیات نے خبردار کیا ہے کہ کل درجہ حرارت41 سے 43ڈگری تک جانے کا امکان ہے۔

    تفصیلات کے مطابق مئی کے آغاز کے ساتھ ہی کراچی میں گرمی کی شدت میں اضافہ ہوگیا ،محکمہ موسمیات کا کہنا ہے کہ کل درجہ حرارت41 سے 43ڈگری تک جانے کا امکان ہے جبکہ آئندہ دو روزمیں گرمی کی شدت میں مزید اضافے کی پیشگوئی کی گئی ہے۔

    کراچی کا موجودہ درجہ حرارت 37 ڈگری سینٹی گریڈ جبکہ ہوامیں نمی کاتناسب 45 فیصدہے۔

    محکمہ موسمیات کا کہنا ہے کہ مئی اور اکتوبر سال کے گرم ترین ماہ شمار کئے جاتے ہیں اور ہر سال کی طرح اس سال بھی مئی کا مہینہ شہر قائد پر سورج پوری آب و تاب کے ساتھ گرمی برسائے گا اور گرمی کی شدت میں اضافہ ہوتا رہے گا۔

    ماہرین کے مطابق ہیٹ اسٹروک سے بچاو کیلئے حفاظتی اقدامات اور احتیاطی تدابیر اختیار کی جائیں، گرمی کی شدت سے بچنے کیلئے شہری پانی کا استعمال زیادہ کریں، شہری دھوپ میں نکلنے سے گریز اور کھانے پینے میں احتیاط کریں۔

    دوسری جانب ملک کےبیشتر علاقوں میں شدید گرمی کی لہر برقرار ہے جبکہ پنجاب کے مختلف شہروں میں قدرت مہربان ہے، آندھی کے ساتھ موسلادھار بارش نے موسم خوشگوار کردیا۔

    گذشتہ روز جیکب آباد، دادو، لاڑکانہ،سکھر میں درجہ حرارت انتالیس ڈگری ریکارڈ کیا گیا جبکہ شہید بینظر آباد ،موہنجوداڑو ،روہڑی بھی گرمی کے نشانے پر ہیں۔

    محکمہ موسمیات نے آئندہ دو روز میں جنوبی پنجاب اور سندھ کے بعض علاقوں میں گرمی کی شدت میں اضافے کا امکان ظاہر کیا ہے جبکہ بالائی پنجاب، بالائی خیبرپختونخوا، فاٹا، اسلام آباد،گلگت بلتستان اورکشمیرمیں بارش کی نوید دی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • موسم گرما شرع ہونے سے قبل ہی کراچی کے درجہ حرارت میں اضافہ

    موسم گرما شرع ہونے سے قبل ہی کراچی کے درجہ حرارت میں اضافہ

    کراچی: صوبہ سندھ کا دارالحکومت کراچی گزشتہ 2 سال سے ہیٹ ویو کا شکار ہونے کے بعد ایک بار پھر اسی موسم کی طرف جارہا ہے۔ ماہرین کے مطابق موسم گرما کے آغاز سے قبل ہی کراچی کا درجہ حرارت بڑھنے کا امکان ہے۔

    تفصیلات کے مطابق موسم گرما کے آغاز سے قبل ہی کراچی میں درجہ حرارت میں اضافہ شروع ہوگیا ہے۔ 21 فروری بروز بدھ دن 11 بجے تک درجہ حرارت 27 ڈگری سینٹی گریڈ ریکارڈ کیا گیا۔

    محکمہ موسمیات کا کہنا ہے کہ کم سے کم درجہ حرارت 17.5 ڈگری ریکارڈ کیا گیا جبکہ ہوا میں نمی کا تناسب 47 فیصد ہے۔

    ماہرین نے خبردار کیا ہے کہ چند دنوں میں کراچی کے درجہ حرارت میں مزید اضافہ متوقع ہے اور پارہ 34 ڈگری سینٹی گریڈ تک جاسکتا ہے۔

    دوسری جانب ملک کے دیگر علاقوں میں موسم سرما اپنے آخری مراحل میں ہے۔ شمالی علاقوں میں درجہ حرارت 1 ڈگری سینٹی گریڈ سے 10 ڈگری سینٹی گریڈ تک ریکارڈ کیا جارہا ہے۔

    سب سے کم درجہ حرارت گلگت بلتستان کے ضلع استور میں منفی 3 سنیٹی گریڈ ریکارڈ کیا گیا۔

    یاد رہے کہ 3 سال قبل سنہ 2015 میں پہلی بار خطرناک ہیٹ ویو نے کراچی کو اپنا نشانہ بنایا تھا جس میں 2 ہزار کے قریب افراد لقمہ اجل بن گئے تھے۔

    ہیٹ اسٹروک کی وجوہات، علامات اور بچاؤ کے لیے احتیاطی تدابیر

    اس کے اگلے سال سے سرکاری اور نجی سطح پر انتظامات کیے گئے جس کے بعد سے عوام کی جانب سے ہیٹ ویو کے دنوں میں احتیاطی تدابیر اپنائی جارہی ہیں۔

    ماہرین کا کہنا ہے کہ ہیٹ ویو اب کراچی کے موسم کا حصہ بن چکی ہے اور ہر سال کئی بار رونما ہوسکتی ہے۔ ان کے مطابق موسم کی اس شدت کو مدنظر رکھتے ہوئے طویل المدتی منصوبہ کرنی ضروری ہے جس میں سرفہرست بڑے پیمانے پر شجر کاری کرنا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کراچی کا درجہ حرارت آج 7ڈگری تک پہنچنے کا امکان

    کراچی کا درجہ حرارت آج 7ڈگری تک پہنچنے کا امکان

    کراچی : ملک بھر میں شدید سردی کی لہر جاری ، کراچی میں آج رات درجہ حرارت7ڈگری تک پہنچنے کا امکان ہے ، جبکہ کوئٹہ میں پارہ منفی دس تک گرسکتا ہے۔

    تفصیلات کے مطابق ملک کے بیشترعلاقوں میں سرداورخشک موسم کی لہر برقرارہے، کوئٹہ کی سردی نے کراچی میں رنگ دکھایا اور کراچی میں کم سے کم درجہ حرارت8.6ڈگری ریکارڈ کیا گیا۔

    محکمہ موسمیات نے کراچی میں مزید سردی کی پیشگوئی کردی ہے ، آج رات کراچی کا درجہ حرارت7ڈگری تک پہنچنے کا امکان ہے۔

    دوسری جانب بلوچستان میں شدید سردی نے عوام کو ٹھٹھرا دیا، کوئٹہ میں موسم آج بھی شدید سرد رہے گا، کوئٹہ اور قلات میں پارہ منفی دس تک گر گیا، دالبندین، دیر، اسکردو میں منفی پانچ ڈگری سینٹی گریڈ ہوگیا جبکہ گلگت کا پارہ منفی چار ڈگری تک جا پہنچا۔

    محکمہ موسمیات کا کہنا ہے کہ بلوچستان والے ہوشیار ہوجائیں، اگلے بارہ گھنٹے کے دوران شدید سرد ہواؤں کا بسیرا ہوگا۔

    مزید پڑھیں :  بلوچستان میں سردی کا 31 سالہ ریکارڈ ٹوٹ گیا

    پنجاب میں بھی جاڑا زوروں پر ہے، لاہور کا درجہ حرارت تین اور اسلام آباد کا دو ڈگری سینٹی گریڈ رہنے کا امکان ہے۔

    آئندہ 24گھنٹوں  میں ملک کے بیشتر علاقوں میں موسم سرد اور خشک جبکہ  بلوچستان میں  شدید سرد رہے گا، پنجاب کے بعض میدانی علاقوں اور بالائی سندھ میں صبح کے اوقات میں ہلکی دھند پڑنے کا امکان ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ملک میں شدید گرمی، تربت کا درجہ حرارت 53ڈگری تک جا پہنچا

    ملک میں شدید گرمی، تربت کا درجہ حرارت 53ڈگری تک جا پہنچا

    کراچی/ لاہور/ پشاور: ملک کے مختلف شہروں میں آج سورج آگ برساتا رہا، روزہ داروں کو مشکلات کا سامنا رہا۔

    تفصیلات کے مطابق آج تربت ملک کا گرم ترین شہر رہا، جس کا درجہ حرارت 53ڈگری سینٹی گریڈریکارڈ کیاگیا، دیگر شہروں کے حوالے سے محکمہ موسمیات کا کہنا ہے کہ سبی کا درجہ حرارت 51ڈگری سینٹی گریڈ ریکارڈ کیا گیا۔

    اس کے علاوہ لسبیلہ49، جیکب آباد اور حیدرآباد کادرجہ حرارت46ڈگری سینٹی گریڈ رہا، جبکہ دادو، دالبندین کا درجہ حرارت 46ڈگری سینٹی گریڈ ریکارڈ کیا گیا، محکمہ موسمیات کے مطابق کراچی 38، لاہور39، پشاور41 کوئٹہ کا درجہ حرارت 37ڈگری سینٹی گریڈ ریکارڈ کیا گیا۔

    ماہرین کا کہنا ہے کہ شہر کراچی میں گرمی مئی اور جون میں یہ اپنے عروج پر ہوگی، لہٰذا متعلقہ ادارے اور شہری ہیٹ ویوز کے پیش نظر حفاظتی اقدامات کریں۔

    سندھ حکومت نے ہیٹ اسٹروک سے بچاؤ کیلئے انتظامات شروع کردیئے ہیں، ہیٹ اسٹرک سے بچاؤ کی مہم شروع کی جارہی ہے، تمام اضلاع میں کیمپ قائم کئے جائیں گے، دھوپ سے بچاؤ کیلئے عوام احتیاطی تدابیر اختیارکریں، گرمی کی شدت بڑھ رہی ہے،ہیٹ اسٹروک سے بچاؤ ضروری ہے۔

    ماہرین نے شہریوں کو مشورہ دیا ہے کہ وہ بڑھتی ہوئی گرمی کے پیش نظر کھانے پینے اور گھر سے باہر نکلنے میں احتیاط برتیں۔

    واضح رہے گزشتہ دو تین سال میں گرمیاں اپنے عروج پر ہیں اور ہیٹ اسٹروک کے باعث درجنوں لوگ اپنی جانوں سے گئے لیکن رواں سال اپریل کے آغاز سے ہی سورج اپنے جوبن پر ہے جس کے باعث ملک کے مختلف حصوں میں گرمی کے سابقہ ریکارڈ ٹوٹ گئے ہیں۔

  • سردی کی آمد کے ساتھ ہی گیس کی قلت

    سردی کی آمد کے ساتھ ہی گیس کی قلت

    کوئٹہ: بلوچستان کے دارالحکومت میں سردی کی آمد کے ساتھ ہی گیس کی لوڈ شیڈنگ کا سلسلہ شروع ہوگیا جس کے باعث شہریوں کو  سخت پریشانی کا سامنا کرنا پڑ رہا ہے۔

    تفصیلات کے مطابق بلوچستان کے دارالحکومت میں درجہ حرارت نقطہ انجماد سے نیچے آتے ہی صوبے میں گیس کی شدید قلت پیدا ہوگئی ہے جس کے باعث شہریوں کو مختلف مسائل کا سامنا ہے۔

    صوبائی دارالحکومت کوئٹہ میں گزشتہ دو روز سے سردی کی نئی لہر شروع ہوتے ہی اے ون سٹی، ہزارہ ٹاؤن، شالدرہ کاسی روڈ اور میکانگی روڈ کے مختلف علاقوں میں گیس کا پریشر انتہائی کم ہے، جس کے باعث شہری سخت سردی میں شدید مشکلات سے دوچار ہیں۔

    سخت سردی میں گیس کی قلت ہونے کے باعث بچے اور بڑے کمبل میں بیٹھے ہیں جبکہ اس کی وجہ سے امور خانہ داری کے معاملات بھی شدید متاثر ہورہے ہیں، شہریوں کے مطابق صبح اور رات کے اوقات میں گیس کی بندش ہوتی ہے جس کی وجہ سے بچے اور بزرگ بیمار پڑ رہے ہیں۔

  • کراچی میں درجہ حرارت مزید دو دن تک گرم رہنے کا امکان

    کراچی میں درجہ حرارت مزید دو دن تک گرم رہنے کا امکان

    کراچی میں سورج مزید دو دن آگ برسائے گا پارہ اڑتیس سے چالیس ڈگری رہنے کا امکان ہے.

    تفصیلات کے مطابق محکمہ موسیمات نے خبردار کیا کہ ملک بھر میں آئندہ کچھ دنوں تک موسم گرم اور خشک رہنے کا امکان ہے . جبکہ کراچی میں مزید دو دن تک درجہ حرارت اڑتیس سے چالیس ڈگری رہے گا.

    کراچی والوں کو ہیٹ اسٹروک سے چھٹکارا ملا ہی تھا کہ محکمہ موسمیات نے مزید دو دن موسم گرم رہنے کی پیشنگوئی کردی. محمکہ موسمیات کے مطابق شہری غیر ضروری باہر نکلنے سے احتیاط کریں اور گرمی سے بچنے کے لئے احتیاطی تدابیر اختیار کریں۔

    سیاسی اور سماجی تنظیموں کی جانب سے شہریوں کے لئے شہر کے مختلف حصوں میں کمیپس لگائے گئے ہیں جہاں شہریوں کے لئے پانی کے ساتھ ساتھ گرمی سے بچنے کے لئے دیگر مشروبات کا انتظام کیا گیا ہے.

    سندھ حکومت کی جانب سے اسپتالوں میں ڈاکٹرز کو الرٹ رہنے کی ہدایات کی گئی ہیں تاکہ کسی بھی غیر معمولی صورتحال سے نپٹا جا سکے.

    واضح رہے گزشتہ دنوں کراچی میں شدید گرمی سے تین شہری جان کی بازی ہار گئے تھے۔

  • پاکستان کے بالائی علاقوں میں سردی نے رنگ جمالیا

    پاکستان کے بالائی علاقوں میں سردی نے رنگ جمالیا

    اسلام آباد: ملک بھرمیں سردی کا آغازہوچکا ہے۔ بالائی علاقوں میں سردی نے اپنا رنگ جمالیا ہے اور محکمہ موسمیات نے رواں ہفتے سردی کی شدت برقراررہنے کا امکان بھی ظاہرکیا ہے۔

    پاکستان کے بالائی علا قوں میں جاڑادھوم مچاتا آیا ہے اور گرم کپڑے، مونگ پھلی اورلحاف بھی ساتھ لایا ہے۔ ملک کے بیشترشہروں میں موسم کے تیور بدلے بدلے سے نظرآتے ہیں۔ کشمیر، گلگت بلتستان، مالاکنڈ اورکوئٹہ سمیت دیگر علاقوں میں  کڑاکے کی ٹھنڈ دانت بجانے لگی ہے۔

    کراچی والوں کو بھی سردی نے کچھ کچھ جھلک دکھلائی ہے۔ حب چوکی کےعلاقے میں صبح سویرے چھائی شدید دھندنے ٹریفک کی روانی متاثرکردی ہے۔ محکمہ موسمیات نے سردی کی شدت چندروزتک برقراررہنے کی پیشن گوئی کی ہے جبکہ آئندہ چوبیس گھنٹوں کے دوران ملک کے بیشترشہروں میں موسم سرداورخشک رہنے امکان ظاہر کیا جارہا ہے۔

    دوسری جانب مالاکنڈ اورگلگت بلتستان میں ہلکی بارش اور ہلکی برفباری کا امکان ظاہر کیا گیا ہے۔ گزشتہ چوبیس گھنٹوں کے دوران ملک کے بیشترشہروں میں موسم سرداورخشک رہا۔ آج سب سے کم درجہ حرارت اسکردومیں منفی پانچ، کالام،قلات،گوپس،کوئٹہ میں منفی دو جبکہ چترال اوراستورمیں منفی ایک ڈگری سینٹی گریڈ ریکارڈ کیا گیا ہے۔

  • کراچی 41ڈگری سینٹی گریڈ کے ساتھ گرمی کی لپیٹ میں

    کراچی 41ڈگری سینٹی گریڈ کے ساتھ گرمی کی لپیٹ میں

    کراچی: ملک کے بالائی حصوں میں موسم کی خوشگواری نے ملک کے دیگر حصوں کے رہنے والوں کی بیتابی میں اضافہ کر دیا ہے۔

    ملک کے بالائی علاقوں میں موسم کی انگڑائی نے فضا کو خوشگواری میں تبدیل کر دیا ہے، موسم کی اس خوشگواری سے تاحال ملک کے دیگر حصے محروم ہیں، اسی کے ساتھ محکمہ موسمیات کے مطابق آئندہ چوبیس گھنٹوں کے دوران اسلام آباد، کشمیر ، گلگت بلتستان ، سرگودھا ، گوجرانوالہ اور خیبر پختون خوا کے چند مقامات پر ہلکی بارش کا امکان ہے ۔

    اطلاعات کے مطابق آئندہ دو روز کے دوران بالائی علاقوں میں درجہ حرارت میں کمی کا امکان ہے۔

    گزشتہ روز ملک میں سب سے زیادہ درجہ حرارت بیالیس ڈگری سینٹی گریڈ تربت اور لسبیلہ میں ریکارڈ کیا گیا جبکہ کراچی بھی اکتالیس ڈگری سینٹی گریڈ کے ساتھ گرمی کی لپیٹ میں رہا۔

    آج ملک کے اہم شہروں میں درجہ حرارت کراچی اکتالیس ، اسلام آباد اکتیس،لاہور پینتس، پشاور اکتالیس اور کوئٹہ میں چھتیس ڈگری سینٹی گریڈ ریکارڈ کیا گیا۔