Tag: درخواست

اسلام آباد : حکومت نے پی ٹی آئی سے مذاکرات بحال کرنے کی درخواست کردی، عرفان صدیقی نے کہا ابھی مت جائیں، کچھ روز ٹھہر جائیں۔

تفصیلات کے مطابق حکومتی مذاکراتی کمیٹی کے رکن عرفان صدیقی نے پی ٹی آئی کی جانب سے مذاکرات ختم کرنے کے اعلان پر کہا کہ مذاکرات ختم کرنے کا اعلان افسوسناک ہے، صرف 5دن مزید انتظار نہیں کرسکتے؟

ان کا کہنا تھا کہ مذاکرات کی خواہش پی ٹی آئی کی تھی، پی ٹی آئی قیادت سےکہوں گا بانی سے مختلف رائے اپنائیں۔

حکومتی رکن نے کہا کہ پی ٹی آئی والے جس بے تابی سےآئے،اتنی جلدی چلےگئے، مطالبات پیش کرنےمیں 42دن لگے اور ہم سے کہتے ہیں7دن میں فیصلہ کریں۔

ترجمان حکومتی کمیٹی نے پی ٹی آئی سے درخواست کی ابھی مت جائیں، کچھ روزٹھہر جائیں۔

دوسری جانب خواجہ آصف نے مذاکرات کوگناہ بےلذت قرار دیتے ہوئے کہا کہ مذاکرات والوں کو خود پتا تھا کوئی نتیجہ نہیں نکلنا۔

ان کا کہنا تھا کہ پی ٹی آئی والےاپنےلیڈرسے بھی مخلص نہیں، علی امین گنڈاپورنے خوداعتراف کیاکہ ہمارے لوگ گمراہ ہوئے، یہ کس چیزکا جوڈیشل کمیشن بنانا چاہتے ہیں۔

تحریک انصاف کے حمایت یافتہ امیدوار سلمان اکرم راجہ کی درخواست پرالیکشن کمیشن کی جانب سے حکم جاری کردیا گیا۔

تفصیلات کے مطابق این اے 128 میں انتخابی نتائج چیلنج کرنے کے حوالے سے سلمان اکرم راجہ کی درخواست پرالیکشن کمیشن نے حکم جاری کیا ہے۔ الیکشن کمیشن کے مطابق سلمان اکرم راجہ نے بتایا کہ آر او نے حلقے کا سرکاری نتیجہ جاری کردیا ہے۔

الیکشن کمیشن آف پاکستان کا کہنا تھا کہ فیصلہ آراو کی رپورٹ اورمخالف امیدوارں کو نوٹس دیے بغیرنہیں دیاجا سکتا۔

منصفانہ فیصلے کیلئے آر او 3 روز میں اپنی جامع رپورٹ جمع کرائے۔ کامیاب امیدوارکا نوٹیفکیشن جاری نہیں ہوا تو فیصلے تک معطل رکھا جائے۔

واضح رہے کہ اس سے قبل عدالت نے پی ٹی آئی کے مرکزی رہنما اور آزاد امیدوار سلمان اکرم راجہ کی انتخابی نتائج کیخلاف درخواست مسترد کردی تھی۔

لاہورہائیکورٹ میں تحریک انصاف کے وکیل سلمان اکرم راجہ نے اپنے حلقے میں کی جانے والی مبینہ دھاندلی سے متعلق درخواست دائر کی تھی۔

درخواست کی سماعت کے موقع پر لاہورہائیکورٹ کے جج نے سلمان اکرم راجہ کو اس سلسلے میں الیکشن کمیشن سے رجوع کرنے کی ہدایت کی تھی۔